________________
११]
प्रकीर्णकस्तुतिकूलम् स तम् । “ वितानं कदके यज्ञे, विस्तारे ऋतुकर्मणि । तुच्छे मन्दे वृत्तभेदे, शून्यावसरयोरपि" ॥४०६॥ इत्यनेकार्थः (३।४०६) । अथ आवारकस्य ज्ञानावरणीयादेः दूरीकृतत्वात् 'त्रिलोक्याम्' त्रयाणां उर्ध्व-तिर्यगधोलक्षणानां लोकानां जगतां समाहारस्तस्याम् । “लोको विश्वे जने" इत्यनेकार्थः ( २।१६) । 'उद्योतकम्' प्रकाशकं प्राप्तकेवलज्ञानदर्शनत्वात् । एतेन पदद्वयेन प्रभोः ज्ञानातिशयोऽवबोध्यः । 'भव्याम्बुजातदिननाथनिभम् ' ' भव्याः आसन्नमोक्षगामिणः त एव अम्बुजातानि अम्बुनि जले जायन्ते स्म उत्पन्नानि कमलानि तेषां विकाशने देशनादानेन वैराग्यप्रकटीकरणे दिननाथस्य दिनस्य दिवसस्य नाथः स्वामी तस्य सूर्यस्य निभः सदृक् तम् । " निभः स्यात्सदृशे व्याजे" इत्यनेकार्थः (२।३०६)। वैराग्यमयोपदेशदायकत्वेन भविककमलविकाशनं करोति । उपदेशं तु वचनं विना कुतः १ अतः एतत्पदं वचनातिशयज्ञायक ज्ञेयम् । 'अमर्त्यनराधिराजैः.' अमर्त्याः देवाश्च नराः मानवाश्च तेषाम् अधिकाः राजानः स्वामिनः शक्रा नृपा इत्यर्थस्तैः । 'भक्त्या' हार्दिकानुरागेण । ‘नमस्कृतम्' प्रणतं प्रणमनं कृतस्तम् । प्रभोखिजगदीश्वरत्वात्सर्वेऽपि तस्मै नमस्यन्ति एतत्पदेन तु पूजातिशयः सूच्यते । ' श्रीमज्जिनेश्वरकलापम् ' श्रीः अष्टमहापातिहार्याद्यात्मिका अतिशयचतुष्किका वा लक्ष्मीर्येषां तेषां श्रीमन्तः जिनानां वीतरागाणाम् ईश्वरः प्रभवः तेषां कलापः समूहस्तम् । “कलापः संहतो बर्हे काञ्च्यां भूषणतूणयोः" इत्य जयः । 'भक्त्या' जिनेश्वरं प्रति प्रीतिभावेन । ' स्तवीमि' स्तौमि । 'दलितपापंतमोवितानम् '
