Page Text
________________
[ २१४ ]
प्रकीर्णकस्तुतिकूलम् मिथ्याज्ञानजनितगर्वणाहं ज्ञानीति यत्रतत्रोद्घोषयन्तो वा ये वाचाटाः बहुगीवाचः यद्वा तद्वा भाषिणः इत्यर्थः, 'स्याजल्पाकस्तु वाचालो वाचाटो बहुगर्यवाग्' इत्यमरः (३।१।३६) । तादृशा ये वादिनः वादशीलाः त एव द्विरदाः हस्तिनः यथा द्विरदा मानाभिभूतास्तथैव वादिनोऽपि अहङ्कारपूर्णा एतत्तु सादृश्यम् , तेषां धना. सान्द्रा या घटा संततिः " करिणां घटना घटा" इति हैमः (४।२८९) । तस्याः दर्पः गर्वः "दर्पोऽभिमानो ममतामानश्चित्तोन्नतिः स्मयः" इति हैमः (२।२३१) । तस्य विदारणे कण्ठीरवः कण्ठे रवः यस्य पृषोदरादित्वात्साधुः, सिंह इव आभाति अनुभवचक्षुषा दृश्यते तम् “ कण्ठीरवो मृगरिपु मंगदृष्टिमगाशनः" इत्यमरः ( २।५।१ )। 'मिथ्याधर्मान्धकारे'-मिथ्या विलथोज्ञानमयः यो धर्मः यज्ञयागादिलक्षणः आचारः स एवं अन्धकारस्तमः यद्वा मिथ्याधर्मण प्रसारितोऽन्धकारस्तस्मिन् । 'नो अल्पप्रभम् ' नो नैव निषेधवाचकः अल्पा स्तोका मनाग वा प्रभा कान्तिर्यस्य तम् किन्तु तादृशं नैव विरोधार्थस्त्विदम्-अतिकान्तिमन्तमित्यर्थः । 'स्फुटविकटकरादित्यम्' स्फुटाः. व्यक्ताः प्रकाशिता वा विकटाः विस्तृताः प्रचण्डा वा " विकटः कराले पृथुरम्ययोः" इत्यनेकार्थः (३॥१६० ) । कराः किरणाः यस्य तादृश आदित्यः सूर्य इव तम् । 'अर्हद्वक्त्रप्रसूतम् ' अर्हन्ति चतुस्त्रिंशदतिशयान् सुरेन्द्रादिकृतपूजामित्यहन्तः "अर्हन् स्यात् पूज्ये तीर्थकरेपि च" इत्यनेकार्थः ( २॥१५५)। जिनेश्वरास्तेषां वक्त्रेभ्यः मुखेभ्योऽर्थतः प्रसूतं प्रादुर्भतं प्रकटितं वा । ' गणधररचितम् ' गणान् धरन्तीति गणधराः "आयुधादिभ्यो धृगोऽदण्डादेः" (सि.५।१।९४) इत्यच, गणनायकाः तैः रचितम् आरब्धं सूत्रितं वा । 'विशालम्' महत्तमम् । 'द्वादशाङ्गम्' द्वाभ्याम् अधिका दश द्वादश तेषाम् आचारादीनां दृष्टिवादपर्यन्तानाम्
| SR No. | 002249 |
| Book Title | Pani Piyush Payasvini |
| Original Sutra Author | N/A |
| Author | Ramyarenu |
| Publisher | Omkar Sahitya Nidhi |
| Publication Year | 1992 |
| Total Pages | 336 |
| Language | Sanskrit |
| Classification | Book_Devnagari |
| File Size | 5 MB |