________________
प्राकतिमम अन्वय___ श्रीमत्तीर्थसमर्थनैकसमये श्रीवर्धमानाभिधः जिनपः पूर्वं यद् अर्थात् जगाद तत्पश्चात् गणनायकाः इदं सूत्रतः विरचयांचास्तरां चेतश्चमत्कारि प्रवचनं सम्यग्दशां भूस्पृशां भावुककारकं भूयाद् । ____ अर्थादिति- श्रीमतीर्थसमर्थनैकसमये' श्रीः शोभा अष्टप्रातिहार्यादियुक्तसमवसरणशोभात्मकमैश्वर्य विद्यते यस्मिन् तस्य तीर्थस्य धर्मस्य सङ्घस्य वा समर्थनं विधानं तस्य एकोऽद्वितीयः समयः कालस्तस्मिन् धर्मप्रवर्तनावसर इत्यर्थः । श्रीवर्धमानाभिधः' श्रिया शोभया लक्ष्म्या वा युक्तो वर्धमानः महावीरः इति अभिधा नाम यस्य सः चतुर्विंशतितमो जिनपतिः। 'जिनपः' जिनान् केवलिभगवतः पाति रक्षतीति तीर्थकुद्भगवानित्यर्थः । 'पूर्वम् ' प्राक् " पूर्व तु पूर्वजे ॥ ५२० ॥ प्रागग्रे श्रुतिभेदे च" इत्यनेकार्थः ( २५२०२१)। 'यत्' निम्नोक्तस्वरूपम् । ' अर्थात् ' बोधमात्राद् । 'जगाद' कथितवान् । 'तत्पश्चात् ' तस्मात् अर्थस्वरूपेण प्रकटितात् पश्चात्-पश्चिमसमये । “पश्चात् प्रतीच्यां चरमे" इति विश्वः (१८३।१५)। ' गणनायकाः' गणानां साधुवृन्दानां नायकाः स्वामिनः गणधरभगवन्त इत्यर्थः। 'इदम्' अर्थतः प्रकथितवचनं । ' सूत्रतः' सूत्रं वर्णात्मकरचना शब्दतः अर्थबोधो वा तस्मात् । " सूत्रं तु सूचनाकारि ग्रन्थे तन्तुव्यवस्थयोः " ॥ ४५८ ॥ इत्यनेकार्थः (२।४५८)। 'विरचयाश्चक्रुस्तराम् ' प्रशस्तं श्रेष्ठज्ञानकारित्वाद् विरचितवन्तः ग्रन्थस्वरूपीकृतवन्त इत्यर्थः । 'चेतश्चमत्कारि' चेतसां मनसां हृदयानां वा चमत्कारं विस्मयं
