Pani Piyush Payasvini

SR No.: 002249
Original Sutra Author: N/A
Author: Ramyarenu
Publisher: Omkar Sahitya Nidhi
Publication Year: 1992
Total Pages: 336
Language: Sanskrit
Classification: Book_Devnagari
File Size: 5 MB

Page 220

श्रीमौनएकादशीस्तुति.
[ १९१ ] प्रमेयां मेयविषयाम् । ताम्-उक्तस्वरूपिणीम् । 'वस्तुवीथीम् । वस्तूनां पदार्थानाम् अङ्गाग्रपूजनोचितसामग्रीणां वीथीं श्रेणीम् । "वीथी वर्मनि पतौ च गृहाङ्गे नाट्यरूपके" इत्यनेकार्थः (२।२१८)। तपःपूर्णता समये भावुकाः सम्यगदर्शन-ज्ञान-चारित्रोपकरणानि ढोकयन्तीति हार्दम् । 'अभयदसदने' अभय निरुत्वं ददातीति परमात्मा तस्य जिनेश्वरदेवस्य सदने आलये। “मन्दिरं सदनं सम निकाययो भवनं कुटः" इति हैमः (४।५६) । 'प्राभृतीकुर्वताम्' अप्राभृतं प्राभृतं कुर्वताम् उपहारीकुर्वताम् ढौकयताम् वा। "प्राभृतं तु प्रदेशनम् ॥२७॥ उपायनमुपग्राह्यमुपहारस्तथोपदा" इत्यमरः। (२।८।२८)। 'समुदितसुधियांम् ' मुदितेन हर्षेण सह वर्तन्ते ये ते समुदिताः प्रोल्लसिताः शोभना धीः बुद्धि येषां मनीषिणः तेषाम् । तेषाम् ' वर्णितरूपाणाम् लोकानामित्यध्याहार्यम् । 'प्रलपितमतिभिः' प्रलापा: व्यर्थवचांसि सञ्जाताः यस्या यस्याम् वा प्रलपिता: “तदस्य सञ्जातं तारकादिभ्य इतः" (सि०७।१।१३८) .....इतः। "प्रलापोऽनर्थकं वचः" इत्यमरः (१।६।१५)। तादृशी मति-बुद्धिर्यफां यद्वातद्वाभाषिणस्तैः .... असम्यगबोधिप्रज्ञावद्भिरित्यर्थः । . सव्याक्षपादैः' सव्याः प्रतिकूलाः जैनागमविरोधिनो वा “संव्यं दक्षिणे वामे च प्रतिकूले च" इत्यनेकार्थः (२।३७५)। अक्षपादाः अक्षं पादे येषां...सौगताः बौद्धाः तैः। 'दुष्टैः' खलैः परपीडनासक्तैर्वा । 'वा' वाशब्दोऽत्र विकल्पार्थो ज्ञेयः। " वा स्याद् विकल्पोपमयोरेवार्थे च समुच्चये” इति विश्वः। 'प्रेतभूतादिभिः' प्रेताः पिशाचाः राक्षसा वा भूताः व्यन्तर भेदविशेषाश्च आदी पूर्वे येषां तैः "प्रेतः प्राण्यन्तरे मृते" इत्यमरः ( ३।३।५९)। 'जन्यम्' उत्पन्नम् उत्पद्यमानं वा । 'अजन्यम्' उपद्रवम् अशुभोत्पातं वा । “अजन्यमीतिरुत्पातः" इति हैमः ( २।४०)।