________________
आयारदसा चरिमसयलसुयणाणि-थविर-भद्दबाहु-पणीयं
दसासुयक्खंधसुत्त पढमा असमाहिट्ठाणादसा
सूत्र १
सुयं मे आउसं ! तेणं भगवया एवमक्खायं, आयारदसाणं दस अज्झयणा पण्णत्ता । तं जहा'१ बीसं असमाहिट्ठाणा। २ एगवीसं सबला। ३ तेतीसं आसायणाओ।.. ४ अट्टविहा गणिसंपया। ५ दस चित्तसमाहिट्ठाणा। ६ एगारस उवासगपडिमाओ। ७ बारस भिक्खुपडिमाओ। ८ पज्जोसवणाकप्पो। ६ तीसं मोहणिज्जट्ठाणा। १० आयति-(नियाण)-ट्टाणं ।
१ ठाणांग अ० १० सू० ७५५ २ डहरीओ उ इमाओ अज्झयणेसु महईओ अंगेसु । छसु नायादीएसु वत्थविभूसावसाणमिव ।।५।। डहरी उ इमाओ निज्जूढाओ अणुग्गहट्ठाए। थेरेहिं तु दसाओ जो दसा जाणओ जीवो ॥६॥ एतेसि दसण्हं अज्झयणाण इमे अत्थाहिगारा भवन्ति । तं जहाअसमाहि य सबलत्त अणसादण गणिगुणा मणसमाही। सावग-भिक्खूपडिमा कप्पो मोहो नियाणं च ॥७॥
-दसा०नि० पत्र १
