________________
१३८
छेदसुत्ताणि
'अज्जो !' ति समणे भगवं महावीरे बहवे निग्गंथा निग्गंथीओ य आमंतेत्ता एवं वयासी :___ "एवं खलु अज्जो ! तीसं मोहणिज्ज-ठाणाई जाइं इमाइं इत्थी वा पुरिसो वा अभिक्खणं अभिक्खणं आयारेमाणे वा समायारेमाणे वा मोहणिज्जताए कम्मं पकरेइ,
तं जहागाहाओ
१ जे केइ तसे पाणे, वारिमझे विगाहिआ।
उदएणाऽक्कम्म मारेइ, महामोहं पकुम्वइ ॥१॥ २ पाणिणा संपिहित्ताणं, सोयमावरिय पाणिणं ।
अंतो नदंतं मारेइ . महामोहं पकुम्वइ ॥२॥ ३ जायतेयं समारब्भ बहुं ओरु भिया जणं ।
अंतो धूमेण मारेइ महामोहं पकुम्वइ ॥३॥ ४ सीसम्मि जो पहणइ, उत्तमंगम्मि चेयसा ।
विभज्ज मत्थयं फाले, महामोहं पकुम्वइ ॥४॥ ५ सीसं२ वेढेण जे केइ, आवेढेइ अभिक्खणं ।
तिव्वासुभ-समायारे . महामोहं पकुब्वइ ॥५॥ ६ पुणो पुणो पणिहिए, हणित्ता उवहसे जणं ।
फलेण अदुव दंडेणं महामोहं पकुम्वइ ॥६॥ ७ गूढायारी निगहिज्जा, मायं मायाए छायए।
असच्चवाई णिण्हाइ, महामोहं पकुवइ ॥७॥ ८ धंसेइ जो अभूएणं, अकम्मं अत्तकम्मुणा । ___ अदुवा तुमकासित्ति महामोहं पकुव्वइ ॥८॥ ६ जाणमाणो परिसाए, सच्चामोसाणि भासए।
अक्खीण-झंझे पुरिसे, महामोहं पकुम्वइ ॥६॥ १० अणायगस्स नयवं, दारे तस्सेव धंसिया।।
विउलं विक्खोभइत्ताणं किच्चाणं पडिबाहिरं ॥१०॥
१ यावि। २ सीसावेढेण।
