________________
स्वोपज्ञलघुवृत्तिः [५९५] किम् ? माडनगरः ॥ २६ ॥
अनुशतिकाऽऽदीनाम् । ७।४।२७। एषां णिति तद्विते पूर्वोत्तरपदयोः स्वरेष्वादेर्वृद्धिः स्यात् । आनुशातिकम् , आनुहौडिकम् ॥ २७ ॥
देवतानामात्वाऽऽदौ । ७ । ४ । २८ ।
आत्वविषये देवतार्थानां पूर्वोत्तरपदयोः स्वरेष्वादेवृद्धिः स्यात, णिति तद्धिते। आग्नावैष्णवं सूक्तम् । आत्वादाविति किम् ? ब्राह्मप्रजापत्यम् ।। २८ ॥
आतो नेन्द्र-वरुणस्य । ७।४ । २९ । आदन्तात् पूर्वपदात् परस्येन्द्रस्य वरुणस्य चोत्तरपदस्य स्वरेष्वादेर्वृद्धिन स्यात् । आग्नेन्द्रं सूक्तम् , ऐन्द्रावरुणम् । आत इति किम् ? आग्निवारुणम् ॥ २९ ॥ सारपेक्ष्वाक-मैत्रेय-भ्रौणहत्य-धैवत्य-हि
रण्मयम् । ७।४।३०। एतेऽणाद्यान्ता अय्लोपादौ निपात्याः। सारवं जलम् , ऐक्ष्वाकः, मैत्रेयः, भ्रौणहत्यम् , धैवत्यम् , हिरण्मयम् ॥ ३० ॥ 'वाऽन्तमाऽन्तितमाऽन्तितस्--अन्तियाऽन्ति
षत् । ७ । ४ । ३१ । एते तमबाद्यन्ताः कृततिकादिलुको वा निपात्याः । अन्तमः, अन्तिकतमः। अन्तितमः, अन्तिकतमः। अन्ति. तः, अन्तिकतः । अन्तियः, अन्तिक्यः। अन्तिषद्, अ. न्तिकसद् ॥ ३१॥
१ एते सर्वेऽन्तिकशब्दस्यैव रूपाणि पृथक्पृथगर्थप्रत्ययेषु भवन्ति ।
