________________
॥ द्वितीयः पादः ॥ परस्परा-न्योऽन्येतरेतरस्याम् स्यादेर्वा ऽपुंसि | ३ |२| १ |
एषामपुंवृत्तीनां स्यादेराम् वा स्यात् । इमे सख्यौ कुले वा परस्परां परस्परं, अन्योऽन्यां अन्योऽन्यं, इतरेतरां इतरेतरं भोजयतः । आभिः सखीभिः कुलैर्वा परस्परां परस्परेण, अन्योऽन्यां अन्योऽन्येन, इतरेतरां इतरेतरेण भो ज्यते । अपुंसीति किम् ? इमे नराः परस्परं भोजयन्ति 11 2 11
अम् अव्ययीभावस्यातोऽपञ्चम्याः । ३ । २ । २ । अदन्तस्याव्ययीभावस्य स्यादेरम् स्यात्, न तु पञ्चम्याः। उपकुम्भमस्ति, उपकुम्भं देहि । अव्ययीभावस्येति किम् ? प्रियोपकुम्भोऽयम् । अत इति किम् ? अधिस्त्रि । अपञ्चम्या इति किम् ? उपकुम्भात् ॥ २ ॥
वा तृतीयायाः । ३ । २ । ३ ।
अदन्तस्याव्ययीभावस्य तृतीयाया अम् वा स्यात् । किन्न उपकुम्भम्, किन्न उपकुम्मेन । अव्ययीभावस्येति किम् ? प्रियोपकुम्भेन ॥ ३ ॥
सप्तम्या वा । ३ । २ । ४।
अदन्तस्याव्ययीभावस्य सप्तम्या अम् वा स्यात् । उपकुम्भम्, उपकुम्भे निधेहि । अव्ययीभावस्येत्येव ? प्रियोपकुम्भे ॥ ४ ॥
