________________
वर्ग-तृतीय
( २२०)
[निरयावलिका
उत्थानिका- सूत्रकार अब सोमिल ब्राह्मण के अन्य कृष्यों का वर्णन करते हैं
मूल-तए णं तस्स सोमिलमाहणरिसिस्स अण्णया कयाइ पुत्वरत्तावरत्तकालसमयंसि अणिच्चजागरियं जागरमाणस्स अयमेयारूवं अज्झथिए जाव समुप्पज्जित्था-एवं खलु अहं वाणारसीए नयरोए सोमिले नाम माहणरिसी अच्चंतमाहणकुलप्पसूए, तएणं मए वयाई चिण्णाई जाव जवा निक्खित्ता । तएणं मए वाणारसीए जाव पुप्फारामा य जाव रोविआ । तएणं मए सुबहु लोह० जाव घडावित्ता जाव जेठ्ठपुत्तं कुटुंबे ठावित्ता जाव जेठ्ठपुत्तं आपुच्छित्ता सुबहु लोह० जाव गहाय मुंडे जाव पव्वइए वि य णं समाणे छठें छठेणं जाव विहरामि, तं सेयं खल मम इयाणि कल्लं पाउ जाव जलते बहवे तावसे दिवा-भट्ठे य पुत्वसंगइए य परियाय - संगइए य आपुच्छित्ता आसमसंसियाणि य बहूइं सत्तसयाई अणमाणइत्ता वागलवत्थनियत्थस्स किढिणसंकाइयगहियसभंडोवगरणस्स कट्ठमुद्दाए मुहं बंधिता उत्तरदिसाए उत्तराभिमहस्स महपत्थाणं पत्थावेत्तए । एवं संपेहेइ, संपेहित्ता कल्लं जाव जलते बहवे तावसे य दिट्ठा-भट्ठ य पुत्वसंगइए य तं चैव जाव कट्ठमुद्दाए मुहं बंधइ, बंधित्ता अयमेयारूवं अभिग्गहं अभिगिण्हइ, जत्थेव णं अहं जलंसि वा एवं थलंसि वा दुग्गंसि वा निन्नंसि वा पव्वयंसि वा विसमंसि वा गड्डाए वा दरीए वा पक्खलिज्ज वा पवडिज्ज वा, नो लल में कप्पइ पच्चत्तिए ति कट्ट अयमेयारू वं अभिग्गहं अभिगिण्हइ, अभिगिण्हित्ता उतराए दिसाए उत्तराभिमुहमहपत्थाणं पत्थिए से सोमिले माहणरिसी पवावरण्हकालसमयंसि जेणेव असोगवरपायवे तेणेव उवागए असोगवरपायवस्स अहे किढिणसंकाइयं ठवेइ, ठवित्ता वेदि वड्ढइ, वडिढत्ता उवलेवणसंमज्जणं करेइ, करित्ता दमकलसहत्थगए जेणेव गंगा महानई जहा सिवो जाव गंगाओ महानईओ पच्चुत्तरइ पच्चुत्तरित्ता जेणेव
