________________
परिशिष्ट-१
जिन-जिन सूत्र-पाठों के आधार पर नन्दीसूत्र की सृष्टि का निर्माण हुआ है, उन सूत्र के पाठों का संग्रह निम्न प्रकार से जानना चाहिए
नाणं पंचविहं पण्णत्तं, तंजहा-आभिणिबोहियनाणं, सुयनाणं, ओहिनाणं, ' मणपज्जवनाणं, केवलनाणं।
अनुयोगद्वारसूत्र, 1 दुविहे नाणे पण्णत्ते, तंजहा-पच्चक्खे चेव परोक्खे चेव १, पच्चक्खे नाणे दुविहे पण्णत्ते, तं जहा-केवलनाणे चेव णोकेवलनाणे चेव । केवलनाणे दुविहे पण्णते, तंजहा-भवत्थकेवलनाणे चेव सिद्धकेवलनाणे चेव ३। भवत्थकेवलनाणे दुविहे पण्णत्ते तंजहा-सजोगिभवत्यकेवलनाणे चेव, अजोगिभवत्थ-केवलनाणे चेव ४। सजोगिभवत्यकेवलनाणे दुविहे पण्णत्ते, तंजहा पढमसमय-सजोगिभवत्थ-केवलनाणे चेव, अपढमसमयसजोगिभवत्थ-केवलनाणे चेव ५।अहवा-चरिमसमय-सजोगिभवत्थ-केवलनाणे चेव, अचरिमसमय-सजोगिभवत्थ-केवलनाणे चेव ६।एवं अजोगिभवत्थ-केवलनाणेऽवि ७-८।
सिद्ध-केवलनाणे दुविहे पण्णत्ते, तंजहा-अणंतरसिद्ध-केवलनाणेचेव, परंपरसिद्धकेवलनाणे चेव ९। अणंतरसिद्ध-केवलनाणे दुविहे पण्णत्ते, तंजहा-एक्काणंतरसिद्धकेवलनाणे चेव, अणेक्काणंतर सिद्ध-केवलनाणे चेव १०। परंपरसिद्धकेवलनाणे दुविहे पण्णत्ते, तंजहा-एक्कपरंपरसिद्ध-केवलनाणे चेव, अणेक्कपरंपरसिद्धकेवलनाणे चेव ११॥ ___णोकेवलनाणे दुविहे पण्णत्ते, तंजहा-ओहिनाणे चेव, मणपज्जवनाणे चेव १२॥ ओहिनाणे दुविहे पण्णत्ते, तंजहा-भवपच्चइए चेव, खओवसमिए चेव १३। दोण्हं भवपच्चइए पण्णत्ते, तंजहा-देवाणंचेव, नेरइयाणंचेव १४। दोण्हं खओवसमिए पण्णत्ते, तं जहा-मणुस्साणं चेव, पंचिंदियतिरिक्खजोणियाणं चेव १५।
मणपज्जवनाणे दुविहे पण्णत्ते, तंजहा-उज्जुमई चेव, विउलमई चेव १६। .
परोक्खे नाणे दुविहे पण्णत्ते, तंजहा-आभिणिबोहियनाणे चेव, सुयनाणे चेव १७। आभिणिबोहियनाणे दुविहे पण्णत्ते, तंजहा-सुयनिस्सिए चेव, असुयनिस्सिए चेव
* 510 *
