________________
नाऊण सुत्तेसु सई विसालं जइणागमाणं परिवेइणो तं । भासिंसु सव्वे समणं महंतं, जिणागमाणं रयणागरोऽयं ॥ १५ ॥ वक्खाणमझे समुदाहरन्तं, निस्सेस साहिच्च कहाविसेसा । साहिच्चपुव्वं रयणं समत्थं, पसंसमाणा विबुहा भणिंसु ॥ १६ ॥ समुत्तरंतं हु कुओ वि पुढें, उदाहरंतं सयलंपि वित्तं ।। गूढेवि अत्थे सुविबोहयंत, भणिंसु तं जीविअ विस्सकोसं ॥ १७ ॥ दोसु सहस्सेसु विणिग्गएसुं, तिवासुवुड्ढसु य विक्कमेसुं । संवच्छरेसु लुहियाणपोरे, गणाहिवं तेण पयं गहीयं ॥ १८ ॥ एगत्तत्थ संपयायाण नाणा, रायत्त्थाणे सादडी नाम पोरे । होत्था एगं साहुसम्मेलणं जं, पायं सव्वे तत्थ संगत्तियाणं ॥ १९ ॥ विरायमाणहिं तहिं तयाणिं, वियखणेहिं सुमहामुणीहिं ।। मएण एक्केण महाणुभावो, सव्वप्पहाणयरिओ कओ सो ॥ २० ॥ महामुणीसस्स पहाणसीसो, खजाणचन्दो हु महाजसंसी । धीरो मणस्सी समणो महप्पा, समायधम्मस्स सयाहिएसी ॥ २१ ॥ सुपंडिओ से समणोवनामो, सीसो सुजोग्गो हु महामणीसी । महातवस्सी सिरिपुप्फचन्दो, टीगं सुसंपादियवं मुणीमं ॥ २२ ॥ हिन्दीजुगेऽस्सिं भविबोहणत्थं, पियामहेणं गुरुणा निबद्धं । पोत्तेण सीसेण य सोहियं तं, कल्लाण-भाजो पढिऊण होन्तु ॥२३॥ नंदीसत्थं दिसु तित्थयराणं, सत्तं बद्धं तग्गणस्सामिहिं तं । वक्खाणिंसु पुव्वसूरी अणेगे, हिन्दी टीया पत्थुया तस्स एसा ॥२४॥ तेसिं कणिठेण हु सेवएणं, गुव्वावली साहसपायमेसा। कयामया णं मुणिविक्कमेण, खमंतु मे तत्थ पमायजायं ॥ २५ ॥ सुद्धं च ठावंतु किवालुणो ते, सुमंगलं मे सरणं च दिंतु । वंदामि सद्धेयपए खु निच्चं, सव्वे वि मोयंतु सुवंदमाणा ॥ २६ ॥
-मुणिविक्कमो
