________________
सर्वनयाश्रयणाष्टकम् (३२)
२११ कर्मणि-क्रियापक्षे, एकपाक्षिकविश्लेषम्-एकान्तग्रहरूपं भ्रमस्थानं त्यक्त्वा-अपहाय, शुद्धभूमिकां-ज्ञानपरिपाकरूपां भूमिकामारूढाःप्राप्ताः ज्ञानानुभवस्थानस्थाः । पुनः-अमूढलक्ष्याः- लक्ष्य-वेध्यं अथवा-लक्ष्य-शुद्धात्मस्वरूपं तत्र अमूढाः-मूढतारहिता अमूढाः । लक्ष्ये-तत्स्वरूपे ये ते सर्वत्र जीवाजीवादौ इष्टानिष्टवस्तुनि पक्षपात:एकान्तताग्रहरूपः, तेन विवर्जिताः-रहिताः परम:-अमूर्तः आनन्दो येषां ते तन्मयाः । सर्वे च ते नयाश्च सर्वनयाः तेषाम् आश्रया:आधाराः सर्वनयाश्रयाः । एवंस्वरूपाः पुरुषाः जयन्ति सम्यग्दर्शनादिगुणपूर्णाः । इत्यनेन स्वसत्ताधर्मसाधनोद्यतस्वकायचेतनादिपरिणतिरूपचक्रस्य साधनव्यापारप्रवृत्तस्य प्रेरकाः समस्तपरभावप्रसङ्गवर्जिताः स्याद्वादनयमार्गोपलक्षितयथार्थवस्तुस्वरूपा आचार्योपाध्यायाः जयन्ति । विश्वविश्वव्यामोहनिवारणप्रवणवाक्यामृतदाननिरस्तानादिमोहकालकूटा: स्वतत्त्वानन्तसंपदः विलासलीलाकलिताः निर्ग्रन्था अपि महाराजा:, असङ्गा अपि अनन्तगुणसंधारणाव्याप्ताः, निराकुला अपि स्वतत्त्वसाधनव्याकुलाः, वनवासिनोऽपि स्वपर्यायमकरन्दपानमग्नाः श्रीमत्सर्वज्ञोक्ताज्ञानिर्वाहधौर्याः, मार्गानुसारितो यथाशक्तिगुणप्रवर्द्धनानिबद्धलक्षाः, द्रव्यभावसाधनेन शुद्धपरमात्मसाध्यदत्तदृष्टयः ते एव ज्ञानसारग्रहणकुशला इति ॥७-८॥
॥ इत्यनेन सर्वनयाश्रयणाष्टकं व्याख्यातम् ॥३२॥ द्वात्रिंशदष्टकविवरणं निरूपितम् । सांप्रतमुपसंपहारायाह- सर्वाष्टकानां भावनाभिधानकथनं निर्दिशति
१. लक्ष:-वेध्यः सर्वप्रतिषु । २. लक्ष्यः शुद्धात्मस्वरूपः सर्वप्रतिषु । ३. लक्षे सर्वप्रतिषु । ४. प्रवहण V.1. । ५. संपविलास. V.1. विना सर्वप्रतिषु । ६. महाराजानः सर्वप्रतिषु । ७. निदर्शयति V.1.B.2.1.
Jain Education International
For Private & Personal Use Only
www.jainelibrary.org
