________________
વાગ્દત્તા માટે ભેટ
જાપાનીઝ ભાષામાં “ઈચી' એટલે “એક” અને “દાઈઈચી' એટલે સર્વમાં પ્રથમ. જાપાનમાં કેટલીક કંપનીઓ, વેપારી પેઢીઓ વગેરે “દાઈઈચી શબ્દ પોતાના નામ તરીકે વાપરે છે. ટોક્યોમાં એક હોટેલનું નામ છે દાઈઈચી. દરેકમાં નામ પ્રમાણે ગુણ હોવા જોઈએ એવું નથી. દાઈઈચી હોટેલ શરૂ થઈ હશે ત્યારે કદાચ એ સારામાં સારી ગણાતી હશે. પરંતુ આજે હવે તેના કરતાં ઘણી બીજી મોટી સારી હોટેલો ટોક્યોમાં થઈ ગઈ છે. દાઈઈચી. હોટેલમાં વર્ષોથી ગુજરાતીઓ ઊતરે છે. એટલે જાપાન જતા ગુજરાતીઓમાં તેનું નામ સુપરિચિત છે.
નીકોનો ધોધ જોઈને અમે પાછા ફર્યા પછી દાઈઈચીમાં એક રાતરોકાઈ બીજે દિવસે સવારે અમારે હિરોશિમા જવાનું હતું. મારા જાપાની મિત્ર હુનો મને હોટેલ પર મૂકવા આવ્યા હતા. કેટલાક સમય પહેલાં ઓહનોએ મને પત્રમાં લખ્યું હતું કે તેમની સગાઈ નક્કી થઈ ગઈ છે અને થોડા મહિના પછી તેમનાં લગ્ન થવાનાં છે. આથી મુંબઈથી હું ઓહૂનોની ભાવિ પત્નીને ભેટ આપવા માટે એક રેશમી સ્ટાફ અને ચામડાનું પાકીટ લઈ ગયો હતો.
ટોક્યો પહોંચ્યો ત્યારે એમની સગાઈની વાત નીકળી. ઓનોએ કહ્યું કે, એમની વાગ્દત્તા યુનિવર્સિટીમાં ભણેલી છે અને હિરોશિમામાં રહે છે. બંનેના એક વડીલ મિત્ર દ્વારા તેમની આ સગાઈ નક્કી થઈ હતી. સગાઈ પછી બંને વારંવાર મળ્યાં હતાં; સાથે ઘણી વાર ફરવા ગયાં હતાં, અને બંને એકબીજાને ખૂબ ચાહતાં હતાં.
બીજે દિવસે હુનો સાથે મારે હિરોશિમા જવાનું હતું. એટલે તેમની વાગ્દત્તાને આપવા માટેની ભેટ મેં તેમને આપી દીધી. ભેટ જોઈ તેઓ ખૂબ પ્રસન્ન થયાં અને મારો આભાર માન્યો.
ઓહનો ઘરે ગયા. બીજે દિવસે સવારે હોટેલ પર મને લેવા આવવાના હતા.
હું મારા રૂમમાં પાછો ફર્યો. ઘડિયાળમાં જોયું તો જણાયું કે વાતવાતમાં
Jain Education International
For Private & Personal Use Only
www.jainelibrary.org
