Shruta Upasak Ramanbhai C Shah

SR No.: 002035
Original Sutra Author: N/A
Author: Kanti Patel
Publisher: Mumbai Jain Yuvak Sangh
Publication Year: 2006
Total Pages: 600
Language: Gujarati, Hindi, Sanskrit
Classification: Book_Gujarati & Biography
File Size: 12 MB

Page 549

શ્રુત ઉપાસક રમણભાઈ
૪૮૯
વિષયક ગોષ્ઠિ રાખતા જ્યાં વિવિધ વિદ્વાનો પોતાના વિચારો પ્રસ્તુત કરી વિષયની છણાવટ કરતા. આ રીતે તેઓ જૈન ધર્મની સિદ્ધાંતની છણાવટ પણ કરાવતા અને સહુને તીર્થ વંદનાનો લાભ અપાવતા. આવી ગોષ્ઠિ-સેમીનારનાં નિબંધો પ્રકાશિત કરાવી તેઓ ધર્મ-પ્રકાશનનાં સહયોગી બનતા. એમ કહી શકાય કે ધર્મની બાબતમાં, તપસ્યાનાં સંદર્ભે તેઓ ગૃહસ્થ સાધુ હતા. માત્ર તેઓએ દીક્ષા નહોતી લીધી બાકી સંપૂર્ણ સંયમનાં ધા૨ક અને પાલક હતા.
વિશ્વ પ્રવાસી :
મુરબ્બી શ્રી રમણભાઈએ ભારતમાં જ નહીં યુરોપ-આફ્રિકા અને અમેરિકાની ધરતી પર જઈ જૈનધર્મના પ્રચાર-પ્રસારનો ડંકો વગાડ્યો હતો. તેઓના પ્રવચન બધા દેશોના જેન સેન્ટરો, યુનિવર્સિટીઓ વગેરેમાં યોજાયા હતા. તેઓ અનેક વખત પરદેશ ગયા પણ ત્યાંની ઘેલછામાં લપટાયા નહિં-ખાન-પાન-વ્યવહારમાં હંમેશા સંયમી રહ્યા. આ પ્રવાસની સ્મૃતિ રૂપે ‘પાસપોર્ટની પાંખે' પુસ્તકમાં તેમની સ્થાયી યાદગીરી સચવાઈ છે. જે માત્ર તેમના અનુભવનું ભાતું નથી પણ ગુજરાતી સાહિત્યમાં પ્રવાસ-સાહિત્યની ઉત્તમ કૃતિ બની છે. પરદેશમાં પણ તેઓએ સવિશેષ યુવાનોને સંસ્કારિત કરવામાં ફાળો આપ્યો છે.
ઉત્તમ વહીવટકર્તા :
શ્રી રમણભાઈ સરળ વ્યક્તિત્વ ધરાવનાર, સહૃદયી હતા પણ વહીવટમાં પૂર્ણ ચીવટ રાખનાર હતા. તેઓને કડક ન કહેવાય પણ નિયમની ચુસ્તતામાં ખુબ જ માનનારા હતા. અહિંસક જૈન રમણભાઈએ મિલિટ્રી તાલીમ લઈ એન.સી.સી.નાં કમાંડર રહી મેજર સુધીની રેંક પ્રાપ્ત કરી હતી અને આ મિલિટ્રીની શિસ્ત તેમના દરેક કાર્યમાં દેખાતી હતી. એ જુદી વાત છે કે મિલીટ્રીની શિસ્તમાં સહૃદયતા ઉમેરી તેઓએ તેને પણ લોકગમ્ય બનાવી હતી. માટે જ કામ કરાવીને પણ તેઓ પ્રેમ-સન્માન પ્રાપ્ત કરતા. આંફિસર તરીકે પણ તેઓએ સન્માન પ્રાપ્ત કર્યું હતું.
એવી જ રીતે શ્રી મહાવીર જૈન વિદ્યાલયનાં વહીવટમાં પારદર્શિતા રહે, વિદ્યાર્થીઓમાં શિસ્ત રહે તેનું ખૂબ જ ધ્યાન રાખતા. વિદ્યાર્થીઓને ઉત્તમ ભોજન, નિવાસ, રમત-ગમતની સગવડ મળે તેની સાથે તેઓ સારી રીતે શિક્ષણ પ્રાપ્ત કરે. શિસ્તમાં રહે તેની કાળજી રાખતા. તેઓ માતાની જેમ તેમને વાત્સલ્ય આપતા તો પિતાની જેમ કડક શિસ્તમાં પણ રાખી શકતા,