________________
કરે છે. મોટી ધર્મસભાની – સમૂહની અપેક્ષા રાખવી પોતાના આત્મહિતને બાધક છે. લોકની ભીડ નહિ પણ લોકહિતની વિશેષતા જોતાં મુનિ ઘણી ભીડમાં રાચતા નથી.
વળી લોકસમૂહ વધે એટલે જૈનશાસનની સેવા ગૌણ થાય. વીતરાગના માર્ગની ગૌણતા થાય, અને વ્યક્તિગત મહત્તા વધારવા પોતાના મતની સ્થાપના કરે, અને પોતાને અનુસરતા સમૂહને પણ પોતાના મતમાં લઈ આ ધર્મ છે તેમ મનાવી સ્વ-પર અહિત કરે છે. પોતાના મતવાદને વિકસાવવા ઘણા બાહ્ય ક્રિયાકાંડો ઊભા કરી લોકમાં પોતાના વાદની મહત્તા વધારે છે. તે ભૂલી જાય છે કે પોતે શાસનનો સેવક છે. પોતાના મતનો મદ તેને આત્માના અમૃતપાનમાં બાધક બને છે.
શાંત મુદ્રા, સમતા, પ્રસન્ન મુદ્રા જેવા પ્રકારોનો દેખાવ કરી લોકમાં ચાહના મેળવે છે. મોહનીય કર્મ રૂપાંતર થઈ મુનિને ભુલાવે છે. આ કંઈ દેખાવ નથી, અંતરંગ દશા છે. આવા ભ્રમિત જીવનમાં આત્મભાવની નિર્મળતાનો સ્વાદ ક્યાંથી આવે !
રાબિયા સંતને ત્યાં એક સંત સત્સંગ માટે આવ્યા. તેઓ નદીકિનારે ગયા હતા. સંત કહે ચાલો ને નદીની મધ્યમાં સત્સંગ કરીએ અને તેમણે એક ચટાઈ પર બેસી, રાબિયાને બેસાડ્યાં, ચટાઈને નદીની મધ્યમાં રાખી સત્સંગ ચર્ચા શરૂ કરી.
થોડી વાર પછી તેમણે જોયું કે ચટાઈ તો નદીના પાણીથી અધ્ધર આકાશ શ્રેણિમાં લટકીને પણ સ્થિર છે. તે સંત સમજી ગયા કે મારા કરતાં રાબિયા પાસે ઘણી લબ્ધિ છે પણ તેની પ્રસિદ્ધિ કરતાં નથી. એમ પણ કહ્યું નહિ કે જુઓ તમે તો પાણી પર ચટાઈ રાખી છે પણ હું તો ચટાઈને ન ધરતી, ન પાણી ફક્ત આકાશનો આધાર આપું છું. આ જોઈ તેઓ રાબિયાને નમી પડ્યા. * રાબિયાએ આત્મરસ ચાખ્યો હતો. તેમાં વચ્ચે આવી લબ્ધિઓ સહજ આવી મળે પણ તેનું પ્રદર્શન શા માટે ? જેને પ્રભુદર્શનમાં
૧૦૬ * હૃદયપ્રદીપનાં અજવાળાં
Jain Education International
For Private & Personal Use Only
www.jainelibrary.org
