Page Text
________________
रोहिणीणाय
४५३
उज्झियं पडुच्च उवणओ १४५ एवामेव समणाउसो! जो अम्हं निग्गंथो वा निग्गंथी वा आयरिय-उवज्झायाणं अंतिए मुंडे भवित्ता अगाराओ अणगारियं
पव्वइए, पंच य से महव्वयाई उज्झियाई भवंति, से णं इहभवे चेव बहूणं समणाणं बहूणं समणीणं बहूणं सावयाणं बहूणं सावियाण य हीलणिज्जे-जाव-चाउरंत-संसार-कतारं भुज्जो-भुज्जो अणुपरियट्टिस्सइ-जहा सा उज्झिया।
१४६
भोगवइए अभिंतरपेसणकज्जकरणाएसो एवं भोगवइया वि, नवरं--छोल्लेमि, छोल्लित्ता अणुगिलेमि, अणुगिलित्ता सकम्मसंजुत्ता यावि भवामि । तं नो खलु ताओ ! ते चेव पंच सालिअक्खए, एए णं अण्णे । तए णं से धणे सत्थवाहे भोगवइयाए अंतिए एयमढें सोच्चा निसम्म आसुरुत्ते-जाव-मिसिमिसेमाणे भोगवई तस्स मित्त-नाइ-नियगसयण-संबंधि-परियणस्स चउण्हं सुण्हाणं कुलघरवग्गस्स य पुरओ तस्स कुलघरस्स कंडितियं च कोटेंतियं च पीसंतियं च एवं-- रुंधतियं रंधतियं परिवेसंतियं परिभायंतियं अभितरिय पेसणकारि महाणसिणि ठवेइ।
भोगवई पडुच्च उवणओ १४७ एवामेव समणाउसो! जो अम्हं निग्गंथो वा निग्गंथी वा आयरिय-उवज्झायाणं अंतिए मुंडे भवित्ता अगाराओ अणगारियं पब्वइए,
पंच य से महव्वयाई फालियाई भवंति, से णं इहभवे चेव बहूणं समणाणं बहूणं समणीणं बहूणं सावयाणं बहूणं सावियाण य होलणिज्जे-जाव-चाउरंत-संसार-कतारं भुज्जो-भुज्जो अणुपरियट्टिस्सइ--जहा व सा भोगवइया ।
रक्खियाए भंडागाररक्खणाएसो १४८ एवं रविखयावि, नवरं-जेणेव वासघरे तेणेव उबागच्छइ, उवागच्छित्ता मंजूसं विहाडेइ, बिहाडेता रयणकरंडगाओ ते पंच सालि
अक्खए गेहइ, गेण्हित्ता जेणेव धणे सत्थवाहे तेणेव उवागच्छइ, उवागच्छिता पंच सालिअक्खए धणस्स हत्थे दलयइ। तए णं से धणे सत्थवाहे रक्खियं एवं वयासी--"कि णं पुत्ता! ते चेव एए पंच सालिअक्खए उदाह अण्णे ?" तए णं रक्खिया धणं सत्थवाहं एवं वयासी-"ते चेव ताओ! एए पंच सालिअक्खए, नो अण्णे"। "कहण्णं? पुत्ता!" एवं खल ताओ! तुम्भे इओ अतीते पंचमे संवच्छरे इमस्स मित्त-नाइ-नियग-सयण-संबंधि-परियणस्स चउण्ह य सुण्हाणं कुलघरवग्गस्स पुरओ पंच सालिअक्खए गेण्हह, गेण्हित्ता ममं सद्दावेह, सद्दावेत्ता ममं एवं बयासी-'तुम णं पुत्ता! मम हत्थाओ इमे पंच सालिअक्खए गिहाहि, अणुपुब्वेणं सारक्खमाणी संगोवेमाणी विहराहि। जया णं अहं पुत्ता! तुम इमे पंच सालिअक्खए जाएज्जा, तया णं तुमं मम इमे पंच सालिअक्खए पडिनिज्जाएज्जासि' त्ति कटु मम हत्थंसि पंच सालिअक्खए दलयह। तं भवियव्वं एत्थ कारणेणं ति कट्ट ते पंच सालिअक्खए सुद्धे वत्थे बंधेमि, बंधित्ता रयणकरंडियाए पक्खिवेमि, पक्खिवित्ता उसीसामले ठावेमि, ठावेत्ता तिसंझं पडिजागरमाणी यावि बिहरामि। तओ एएणं कारणेणं ताओ! ते चेव पंच
सालिअक्खए, नो अण्णे"। १४९ तए णं से धणे सत्थवाहे रक्खियाए अंतियं एयमठे सोच्चा हट्ठतुठे तस्स कुल-घरस्स हिरण्णस्स य कंस-दूस-विपुल-धण-कणग
रयण-मणि-मोत्तिय-संख-सिल-प्पवाल-रत्तरयण-संत-सार-सावएज्जस्स य भंडागारिणी ठवेइ।
रक्खियं पडुच्च उवणओ १५० एवामेव समणाउसो! जो अम्हं निग्गंथो वा निग्गंथी वा आयरिय-उवज्झायाणं अंतिए मुडे भवित्ता अगाराओ अणगारियं पव्वइए,
पंच य से महव्वयाई रक्खियाइं भवंति, से णं इहभवे चेव बहूणं समणाणं बहूणं समणीणं बहूणं सावगाणं बहूणं सावियाण य अच्चणिज्जे-जाव-चाउरतं संसारकंतारं वीईवइस्सइ--जहा व सा रक्खिया।
रोहिणीए सव्वाहिगारकरणाएसो १५१ रोहिणीया वि एवं चेव, नवरं--तुब्भे ताओ! मम सुबहुयं सगडि-सागडं दलाह, जा णं अहं तुम्भ ते पंच सालिअक्खए पडि
निज्जाएमि।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |