Page Text
________________
४३२
धम्मकहाणुओगे छट्ठो खंधों
नयरीओ पडिनिक्खमित्ता बेसालीए नयरीए अज्जगं चेडयं रायं उवसंपज्जिताणं विहरित्तए- एवं संपेहेइ, संपेहेता कूणियस्स रन्नो अंतराणि-जाव-पडिजागरमाणे पडिजागरमाणे विहरइ । तए णं से वेहल्ले कुमारे अन्नया कयाइ कूणियस्स रन्नो अंतरं जाणइ, सेयणगं गंधहत्यि अट्ठारसवंकं च हारं गहाय अंतेउरपरियालसंपरिवुडे सभंडमत्तोवगरणमायाए चंपाओ नयरीओ पडिनिक्खमइ, पडिनिक्खमित्ता जणेव वेसाली नपरी, तेणेव उवागच्छइ, उवागच्छित्ता वेसालीए नयरीए अज्जगं चेडयं उवसंपज्जित्ताणं विहरइ।
कुणिऐण चेडगसमीवे सेयणयगंधहथिआइपेसणत्थं दयपेसणं ४६ तए णं से कूणिए राया इमोसे कहाए लद्धठे समाणे "एवं खलु वेहल्ले कुमारे ममं असंविदिएणं सेयणगं गंधहत्थि अट्ठारसर्वक
च हारं गहाय अंतेउरपरियालसंपरिवुडे-जाव-अज्जगं चेडयं रायं उवसंपज्जित्ताणं विहरइ । तं सेयं खलु सेयणगं गंधहत्थि अट्ठारसर्वकं च हारं आणे दूयं पेसित्तए" एवं संपेहेइ, संपेहित्ता दूयं सद्दावेद, सद्दावित्ता एवं वयासो--"गच्छह णं तुम, देवाणुप्पिया, वेसालि नर्यारं । तत्थ णं तुम मम अज्ज चेडग रायं करयल० वद्धावेत्ता एवं वयासी--"एवं खलु, सामी ! कूणिए राया विनवेइ-एस णं वेहल्ले कुमारे कूणियस्स रन्नो असंविदिएणं सेयणगं अट्ठारसर्वकं च हारं गहाय हव्वमागए। तए गं तुब्भ सामी! कूणियं रायं अणुगिण्हमाणा सेयणगं अट्ठारसर्वकं च हारं कूणियस्स रन्नो पच्चप्पिणह, वेहल्लं कुमारं च पेसह ।"
४७ तए णं से दूए कणिएणं० करयल-जाव-पडिसुणित्ता जेणेव सए गिहे तेणेव उवागच्छइ, उवागच्छित्ता जहा-चित्तो-जाव-वद्धावेत्ता एवं
वयासी--"एवं खलु, सामी! कुणिए राया विन्नवेइ--"एस गं वेहल्ले कुमारे, तहेव भाणियव्वं-जाव-वेहल्लं कुमारं पेसह ।"
चेडएण वहेल्लट्ठ अद्धरज्जमग्गणं ४८ तए णं से चेडए राया तं यं एवं वयासी--"जह चेव णं, देवाणुप्पिया ! कूणिए राया सेणियस्स रन्नो पुत्ते चेल्लणाए देवीए
अत्तए मम नत्तुए, तहेव णं वेहल्ले वि कुमारे सेणियस्स रन्नो पुत्ते चेल्लणाए देवीए अत्तए ममं नत्तुए। सेणिएणं रन्ना जीवंतेणं चेव वेहल्लस्स कुमारस्स सेयणगे गंधहत्थी अट्ठारसर्वके य हारे पुष्वविइण्णे । तं जइ णं कूणिए राया वेहल्लस्स रज्जस्स य जणवयस्स य अद्ध दलयइ, तो णं अहं सेयणगं अट्ठारसर्वक हारं च कणियस्स रनो पच्चप्पिणामि, वेहल्लं च कुमारं पेसेमि।" तं दूयं सक्कारेइ संमाणेइ पडिविसज्जेइ । तए णं से दूए चेडएणं रना पडिविसज्जिए समाणे जेणेव चाउग्घंटे आसरहे, तेणेव उवागच्छइ, उवागच्छित्ता चाउग्घंट आसरहं दुरुहइ, दुरुहिता बेसालि नारं मझमझणं निग्गच्छइ, निग्गच्छित्ता सुहिं वसहोहिं पायरासेहि-जाव-वद्धावेत्ता एवं वयासी-- “एवं खलु, सामी! चेडए राया आणवेइ-'जह चेव णं कणिए राया। सेणियस्स रन्नो पुत्ते चेल्लणाए देवीए अत्तए ममं नत्तुए, तं चेव भाणियव्वं-जाव-वेहल्लं च कुमारं पेसिमि'।तं न देइ णं सामी ! चेडए राया सेयणगं अट्ठारसर्वक हारं च, वेहल्लं च नो पेसेइ"।
कूणिएण पूणो दूयपेसणं तए णं से कूणिए राया दोच्वं पि दूयं सद्दावेत्ता एवं बयासी-“गच्छह णं तुम देवाणुप्पिया ! वेसालि नर्यारं । तत्थ णं तुम मम अज्जगं चेडगं रायं-जाव-एवं वयासी--"एवं खलु सामी! कणिए राया विनवेइ--"जाणि काणि रयणाणि समुप्पज्जन्ति, सव्वाणि ताणि रायकुलगामीणि । सेणियस्स रन्नो रज्जसिरि करेमाणस्स पालेमाणस्स दुवे रयणा समुप्पन्ना, तं जहा--सेयणए गंधहत्थी, अट्ठारसवंके य हारे। तं गं तुम्भे, सामी! रायकुलपरंपरागयं ठिइयं अलोवेमाणा सेयणगं गंधहत्थि अट्ठारसर्वकं च हारं कणियस्स रनो पच्चप्पिणह, वेहल्लं च कुमारं पेसेह"।
५०
चेडगेण पुणो वि अद्धरज्जमग्गणं तए णं से दूए कुणियस्स रनो, तहेव-जाव-वद्धावेत्ता एवं वयासी--"एवं खलु सामी! कूणिए राया विनवेइ-जाणि काणि-जाववेहल्लं कुमारं पेसेह"। तए णं से चेडए राया तं दूयं एवं वयासी--"जह चेव णं, देवाणुप्पिया, कणिए राया सेणियस्स रन्नो पुत्ते चेल्लणाए देवीए अत्तए, जहा पढम-जाव-वेहल्लं च कुमारं पेसेमि"। तं दूयं सक्कारेइ संमाणेइ पडिविसज्जेइ। तए णं से दूए-जाव-कूणियस्स रनो बद्धावेत्ता एवं बयासी--"चेडए राया आणवेइ-'जह चेव णं, देवाणुप्पिया ! कूणिए राया सेणियस्स रन्नो पुत्ते चेल्लणाए देवीए अत्तए-जाव-वेहल्लं कुमारं पेसेमि ।' तं न दे णं, सामी! चेडए राया सेयणगं गंधहत्थि अट्ठारसर्वकं च हारं, बेहल्लं कुमारं नो पेसेइ"।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |