Page Text
________________
१. सेणिय-चेल्लणावलोयणेण साहु-साहुणीकयनियाणकरणपसंगो
रायगिहे सेणियराया १ तेणं कालेणं, तेणं समएणं रायगिहे नामं नयरे होत्था । वण्णओ । गुणसिलए चेइए । वण्णओ। रायगिहे नयरे सेणिए राया होत्या।
रायवण्णओ जहा उववाइए-जाव-चेलणाए सद्धि० [भोगे भुंजमाणे] विहरइ ।
भगवंतमहावीरागमणवुत्तंतजाणणट्ठा सेणियस्स कोडुबियपुरिसे पइ आएसो तए णं से सेणिए राया अण्णया कयाइ व्हाए, कय-बलिकम्मे, कयकोउय-मंगल-पायच्छित्ते, सिरसा व्हाए, कंठे मालकडे, आविद्धमणिसुवण्णे, कविय-हारद्धहार-तिसरय-पालब-पलंबमाण-कडिसुत्तय-सुकयसोभे, पिणद्ध-गवेज्ज-अंगुलिज्जगे-जाव-कप्परुक्खए चेव सुअलंकियविभूसिए रिदे। सकोरंट-मल्ल-दामेणं छत्तणं धरिज्जमाणेणं-जाव-ससि व्व पियदसणे नरवई जेणेव वहिरिया उवट्ठाणसाला, जेणेव सिंहासणे तेणेव उवागच्छइ, उवागच्छित्ता सिंहासणवरंसि पुरत्थाभिमुहे निसीयइ, निसीइत्ता कोडुम्बियपुरिसे सद्दावेइ, सद्दावित्ता एवं वयासी-- "गच्छह णं तुम्हे देवाणुप्पिया! जाइं इमाई रायगिहस्स णयरस्स बहिया आरामाणि य, उज्जाणाणि य आएसणाणि य, आयतणाणि य देवकुलाणि य, सभाओ य पवाओ य पणियगिहाणि य, पणियसालाओ य छुहा-कम्मंताणि य, वणियकम्मंताणि य कटकम्मंताणि य, इंगालकमंताणि य वणकम्मंताणि य, दम्भकम्मंताणि य जे तत्थेव महत्तरगा आणत्ता चिट्ठति ते एवं वदह--एवं खलु देवाणुप्पिया ! सेणिए राया भंभसारे आणवेइ-जदा णं समणे भगवं महावीरे, आदिगरे, तित्थयरे-जाव-संपाविउकामे पुव्वाणुपुद्वि चरेमाणे, गामाणुगामं दूइज्जमाणे, सुहं सुहेण विहरमाणे, संजमेण तवसा अप्पाणं भावेमाणे इहमागच्छेज्जा, तया णं तुम्हे भगवओ महावीरस्स अहापडिरूवं उग्गहं अणुजाणह, अहापडिरूवं उग्गहं अणुजाणेत्ता सेणियस्स रण्णो भंभसारस्स एयमठें पियं णिवेदह ।" तए णं ते कोडुबिय-पुरिसे सेणिएणं रन्ना भंभसारेणं एवं वृत्ता समाणा हद्वतुट्ठ-जाव-हियया-जाव-"एवं सामी! तह" त्ति आणाए विणएणं वयणं पडिसुणेति, पडिसुणित्ता सेणियस्स रनो अंतियाओ पडिनिक्खमंति, पडिनिक्खमित्ता रायगिहं नयरं मज्झंमज्मेण निग्गच्छंति, निग्गच्छित्ता जाई इमाइं रायगिहस्स बहिया आरामाणि वा-जाव-जे तत्थ महत्तरगा आणत्ता चिट्ठति, ते एवं वयंति-जाव-'सेणियस्स रन्नो एयमझें पियं निवेदेज्जा, पियं भे भवतु' दोच्चंपि तच्चपि एवं वदंति, वइत्ता-जावजामेव दिसं पाउम्भूया तामेव दिसं पडिगया।
भगवाओ महावीरस्स समोसरणं । ४ तेणं कालेणं तेणं समएणं समणे भगवं महावीरे आइगरे तित्थयरे-जाव-गामाणुग्गामं दूइज्जमाणे-जाव-अप्पाणं भावमाणे विहरइ ।
तए णं रायगिहे नयरे सिंघाडग-तिय-चउक्क-चच्चर-एवं-जाव-परिसा निग्गया,-जाव-पज्जुवासइ ।
महत्तरएहिं सेणियसमक्खं भगवंतआगमणनिवेयणं ५ तए णं महत्तरगा जेणेव समणे भगवं महावीरे तेणेव उवागच्छंति, उवागच्छित्ता समणं भगवं महावीरं तिक्खुत्तो वंदति नमसंति,
वंदित्ता, नमंसित्ता नाम-गोयं पुच्छंति, नाम-गोयं पुच्छित्ता नाम-गोयं पधारेंति, पधारित्ता एगओ मिलंति, एगओ मिलित्ता एगंतमवक्कमंति, एगंतमवक्कमित्ता एवं वयासी-- "जस्स णं वेवाणुप्पिया! सेणिए राया भंभसारे दंसणं कंखति, जस्स णं देवाणुप्पिया! सेणिए राया बंसणं पीहेति, जस्स णं देवाणुप्पिया! सेणिए राया सणं पत्थेति, जस्स णं देवाणुप्पिया! सेणिए राया सणं अभिलसति, जस्स णं देवाणुप्पिया ! सेणिए राया नामगोत्तस्स वि सवणयाए हद्वतुठे-जाव-भवति, से णं समणे भगवं महावीरे आदिगरे तित्थयरे-जाव-सव्वण्णू सव्वदंसी, पुव्वाणुपुन्वि चरमाणे, गामाणुगामं दूइज्जमाणे सुहंसुहेण विहरमाणे इह आगए, इह समोसढे, इह संपत्ते-जाव-अप्पाणं भावेमाणे सम्म विहरति । तं गच्छामो णं देवाणुप्पिया ! सेणियस्स रण्णो एयमढें निवेदेमो--पियं भे भवतु" ति कटु अण्णमन्नस्स वयणं
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |