Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 659

४०४
धम्मकहाणुओगे पंचमो खंधो
"जे णं से गोसाले मंखलिपुत्ते तव धम्मंतेवासी से णं सुक्के सुक्काभिजाइए भवित्ता कालमासे कालं किच्चा अण्णयरेसु देवलोएसु देवत्ताए उववन्ने, अहणं उदाई नामं कुंडियायणीए अज्जुणस्स गोयमपुत्तस्स सरीरगं विष्पजहामि, विप्पजहित्ता गोसालस्स मंखलिपुत्तस्स सरीरगं अणुप्पविसामि, अणुप्पविसित्ता इमं सत्तमं पउट्टपरिहारं परिहरामि" । "जे वि आई आउसो कासवा ! अम्हं समयंसि केइ सिझिंसु वा सिझंति वा सिज्झिस्संति वा सव्वे ते चउरासीति महाकप्पसय
अहसास का सहस्साइं, सत्त दिब्वे, सत्त संजूहे, सत्त सण्णिगब्भे, सत्त पट्टपरिहारे, पंच कम्मणिसयसहस्साई सढि च सहस्साई छच्च सए तिण्णि य कम्मंसे अणुपुव्वेणं खवइत्ता तओ पच्छा सिझंति बुझंति मुच्चंति परिनिब्वायंति सव्वदुक्खाणमंतं करेंसु वा करेंति वा करिस्संति वा"। "से जहा वा गंगा महानदी जओ पवूठा, जहि वा पज्जुवत्थिया, एस णं अद्धा पंचजोयणसयाई आयामेणं, अद्धजोयणं विक्खंभेणं, पंच धणुसयाई उव्वेहेणं । एएणं गंगापमाणेणं सत्त गंगाओ सा एगा महागंगा। सत्त महागंगाओ सा एगा सादीणगंगा । सत्त सादीणगंगाओ सा एगा मदुगंगा। सत्त मदुगंगाओ सा एगा लोहियगंगा। सत्त लोहियगंगाओ सा एगा आवतीगंगा । सत्त आवतीगंगाओ सा एगा परमावती। एवामेव सपुव्वावरेणं एगं गंगासयसहस्सं सत्तरस य सहस्सा छच्च अगुणपन्नं गंगासया भवंतीति मक्खाया।" "तासि दुविहे उद्धारे पण्णत्ते, तं जहा-सुहुमबोंदिकलेवरे चेव, बायरबोंदिकलेवरे चेव"। "तत्थ णं जे से सुहमबोंदिकलेवरे से ठप्पे" । "तत्थ णं जे से बायरबोंदिकलेवरे तओ णं वाससए गए, वाससए गए एगमेगं गंगावालयं अवहाय जावतिएणं कालेणं से कोठे खीणे णीरए निल्लेवे निट्ठिए भवति सेत्तं सरे सरप्पमाणे" । एएणं सरप्पमाणेणं तिण्णि सरसयसाहस्सोओ से एगे महाकप्पे, चउरासीति महाकप्पसयसहस्साई से एगे महामाणसे । "१. अणंताओ संजहाओ जीवे चयं चइत्ता उवरिल्ले माणसे संजूहे देवे उववज्जति । से णं तत्थ दिव्वाई भोगभोगाई भुंजमाणे विहरइ, विहरित्ता ताओ देवलोगाओ आउक्खएणं भवक्खएणं ठिइक्खएणं अणंतरं चयं चइत्ता पढमे सण्णिगन्भे जीवे पच्चायाति"। "२. से णं तओहितो अणंतरं उन्वट्टित्ता मज्झिल्ले माणसे संजूहे देवे उववज्जइ । से णं तत्थ दिव्वाइं भोगभोगाई भुंजमाणे विहरइ, विहरिता ताओ देवलोगाओ आउक्खएणं भवक्खएणं ठिइक्खएणं अणंतरं चयं चइत्ता दोच्चे सण्णिगब्भे जोवे पच्चायाति ।" "३. से णं तओहितो अणंतरं उव्वट्टित्ता हेट्ठिल्ले माणसे संजूहे देवे उववज्जइ । से णं तत्य दिव्वाइं भोगभोगाई-जाव-चइत्ता तच्चे सण्णिगब्भे जीवे पच्चायाति"। "४. से णं तओहितो-जाव-उव्वट्टित्ता उवरिल्ले माणुसुत्तरे संजहे देवे उववज्जइ । से णं तत्थ दिव्वाइं भोगभोगाई-जाव-चइत्ता चउत्थे सण्णिगन्भे जीवे पच्चायाति"। "५. से णं तओहितो अणंतरं उध्वट्टित्ता मज्झिल्ले माणुसुत्तरे संजूहे देवे उववज्जइ । से णं तत्थ दिव्वाइं भोगभोगाई-जावचइत्ता पंचमे सण्णिगन्भे जीवे पच्चायाति"। "६. से णं तओहितो अणंतरं उव्वट्टित्ता हिट्ठिल्ले माणुसुत्तरे संजूहे देवे उववज्जइ । से णं तत्थ दिव्वाइं भोगभोगाई-जाव-चइत्ता छठे सण्णिगन्भे जीवे पच्चायाति"। "७. से णं तओहितो अणंतरं उव्वट्टित्ता--बंभलोगे नाम से कप्पे पण्णत्ते--पाईणपडीणायते उदोणदाहिणविच्छिण्णे, जहा ठाणपदे -जाव-पंच वडेंसगा पण्णत्ता, तं जहा--असोगवडेंसए-जाव-पडिरूवा--से णं तत्थ देवे उववज्जइ । से णं तत्थ दस सागरोवमाई दिव्वाई भोगभोगाई-जाव-चइत्ता सत्तमे सण्णिगब्भे जीवे पच्चायाति" । "से गं तत्थ नवण्हं मासाणं बहुपडिपुण्णाणं अट्ठमाणं राइंदियाणं वोतिक्कंताणं सुकुमालगभद्दलए मिउ-कुंडलकुंचिय-केसए मट्ठगंडतल-कण्णपीढए देवकुमारसप्पभए दारए पयाति" । "से णं अहं कासवा! तए णं अहं आउसो कासवा! कोमारियपव्वज्जाए कोमारएणं बंभचेरवासेणं अविद्धकण्णए चेव संखाणं पडिलभामि, पडिलभित्ता इमे सत्त पउट्टपरिहारे परिहरामि, तं जहा--१. एणज्जस्स २. मल्लरामस्स ३. मंडियस्स ४. रोहस्स ५. भारद्दाइस्स ६. अज्जुणगस्स गोयमपुत्तस्स ७. गोसालस्स मंखलिपुत्तस्स" । "तत्थ णं जे से पढमे पउट्टपरिहारे से णं रायगिहस्स नगरस्स बहिया मंडिकुच्छिसि चेइयंसि उदाइस्स कुंडियायणस्स सरोरं विष्पजहामि, विप्पजहिता एणेज्जगस्स सरीरगं अणुप्पविसामि, अणुप्पविसित्ता बावीसं वासाई पढम पउट्टपरिहारं परिहरामि"।
दिन्वाई भोग पच्चायाति"।
रचयं चइता