Page Text
________________
मद्यसमणोवासयकहा
तए णं ते अन्नउत्थिया मद्यं समणोवासयं एवं क्यासी-केस णं तुम मदया! समणोवासगाणं भवसि, जे गं तुम एयमढें न जाणसि न पाससि? तए णं से मददुए समणोवासए ते अन्नउत्थिए एवं क्यासी--अस्थि णं आउसो! बाउयाए वाइ? हंता मदुआ! वाइ । तुम्भे णं आउसो! वाउयायस्स वायमाणस्स रूवं पासह ? णो इणठे समझें। अस्थि णं आउसो! घाणसहगया पोग्गला? हंता अस्थि, तुब्भ णं आउसो! घाणसहगयाणं पोग्गलाणं रूवं पासह ? णो इणठे समठे। अस्थि णं आउसो! अरणिसहगए अगणिकाए ? हंता अस्थि, तुम्भ णं आउसो ! अरणिसहगयस्स अगणिकायस्स एवं पासह ? णो इणठे समठे। अस्थि णं आउसो! समुदस्स पारगयाई रुवाई? हंता अत्थि, तुम्भे णं आउसो! समुहस्स पारगयाई रूवाइं पासह ? णो इणढे समठे, अस्थि णं आउसो! देवलोगगयाई रूवाई? हंता अस्थि, तुब्भ णं आउसो। देवलोगगयाई रुवाई पासह ? णो इणठे समठे, एवामेव आउसो। अहं वा तुम्भ वा अन्नो वा छउमत्थो जइ जो जं न जाणइन पासइ तं सव्वं में भवइ एवं भे सुबहए लोए ण भविस्सतीति कट्ट ते अन्नउत्थिए एवं पडिहणइ, एवं पडिहणिता जेणेव गुणसिलए उज्जाणे जेणेव समणे भगवं महावीरे तेणेव उवागच्छइ, उवागच्छित्ता समणं भगवं महावीरं पंचविहेणं अभिगमेणं-जाव-पज्जुवासइ।
भगवया महावीरण मद्दयपसंसाकरणाइ ३४३ महया ! 'दि समणे भगवं महावीरे मह यं समणोवासयं एवं बयासी-सुठ्ठ णं मद्दया ! तुमं ते अन्नउस्थिए एवं क्यासी, साहुणं
मह या! तुमं ते अन्नउत्थिए एवं क्यासी, जे णं मद्द या। अह्र वा हेवा पसिणं वा वागरणं वा अन्नायं अदिळें अस्सुयं अमयं अविण्णायं बहुजणमझे आघवेइ पनवेइ-जाव-उवदंसेइ, से णं अरिहंताणं आसायणाए वट्टइ, अरिहंतपन्नत्तस्स धम्मस्स आसायणाए वट्टइ, केवलीणं आसायणाए वट्टइ, केवलिपन्नत्तस्स धम्मस्स आसायणाए वट्टइ, तं सुठ्ठ णं तुमं मवदुया ! ते अन्नउत्थिए एवं क्यासी, साहु णं तुम मदुया ! -जाव-एवं क्यासी। तए णं मददुए समणोवासए समणेणं भगवया महावीरेणं एवं वुत्ते समाणे हद्वतुढे समणं भगवं महावीरं बंदइ नमसइ, बंदित्ता
नमंसित्ता णच्चासन्ने-जाव-पज्जुवासइ। ३४४ तए णं समणे भगवं महावीरे मयस्स समणोवासगस्स तीसे य -जाव-परिसा पडिगया। ३४५ तए णं मददुए समणोवासए समणस्स भगवओ महावीरस्स-जाव-निसम्म हट्ठतुठे पसिणाई पुच्छइ, पसिणाई पुच्छित्ता अट्ठाइं परियादियह,
परियादिइत्ता उट्ठाए उठेइ उद्वित्ता समणं भगवं महावीरं वंदइ नमसइ, वंदिता नमसित्ता-जाव-पडिगए ।
मयस्स अणंतरभवनिरूवणं ३४६ 'भंते !'त्ति भगवं गोयमे समणं भगवं महावीरं वंदइ नमसइ, वंदित्ता नमंसित्ता एवं क्यासी-पभू णं भंते । मदुए समणोवासए देवाणुप्पियाणं अंतियं-जाव-पव्व इत्तए? णो इणठे, समठे एवं जहेव संखे तहेव अरुणाभे-जाव-अंतं काहिइ ।
भगवई० श०१८ उ०७ ।
घ.क. ४८
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |