Page Text
________________
१७. वरुणे नागनत्तुए समणोवासए
संगामे मरणे देवत्तविसए गोयमपण्हो २९८ "बहुजणे णं भंते ! अण्णमण्णस्स एषमाइक्खइ-जाव-परूवेइ-एवं खलु बहवे मणुस्सा अण्णयरेसु उच्चायएसु संगामेसु अभिमुहा
चेव पहया समाणा कालमासे कालं किच्चा अण्णयरेसु देवलोएसु देवत्ताए उबवत्तारो भवंति, से कहमेयं भंते ! एवं ?"
महावीरस्स उत्तरे वरुणकहाणयं "गोयमा ! जणं से बहुजणे अण्णमण्णस्स एवमाइक्खइ-जाव-परुवेइ-एवं खलु बहवे मणुस्सा-जाध-देवलोएसु देवत्ताए उववत्तारो भवंति, जे ते एवमाहंसु मिच्छ ते एवमाहंसु। अहं पुण गोयमा ! एवमाइक्खामि-जाव-परूवेमिएवं खलु गोयमा ! तेणं कालेणं तेणं समएणं बेसाली नाम नगरी होत्या-वण्णओ। तत्थ णं वेसालीए नगरीए वरूणे नामं नागनत्तुए परवसइ-अड्ढे-जाव-अपरिभूए, समणोवासए, अभिगयजीवाजीवे-जाव-समणे निग्गंथे फासु-एसणिज्जेणं असण-पाण-खाइम-साइमेणं वत्थ-पडिग्गह- कंबल-पायपुछणेणं पीढ-फलग-सेज्जा-संथारएणं ओसह-भेसज्जेणं पडिलाभेमाणे छट्टण्टेणं अणिखित्तेणं तवोकम्मेणं अप्पाणं भावेमाणे विहरति ।
वरुणस्स रहमुसलसंगामे गमणं तए णं से वरुणे नागनत्तुए अण्णया फयाइ रायाभिओगणं, गणाभिओगेणं, बलाभिओगेणं रहमुसले संगामे आणत्ते समाणे छट्ठभत्तिए अममतं अणुवट्टेति, अणुवट्टत्ता कोडुंबियपुरिसे सद्दावेइ, सहावेत्ता एवं वयासो-"खिप्पामेव भो देवाणुप्पिया ! चाउग्घंटं आसरहं जुत्तामेव उवदावेह, हय-गय-रह-पवर-जोहकलियं चाउरंगिणि सेणं सण्णाहेह, सण्णाहेत्ता मम एयमाणत्तियं पच्चप्पिणह।" तए णं ते कोडंबियपुरिसा-जाव-पडिसुणेत्ता खिप्पामेव सच्छत्तं सज्झयं-जाव-चाउग्घंट आसरहं जुत्तामेव उवट्ठावेति, हय-य-रहपवरजोहफलियं चाउरं गिणि सेणं सण्णाति, सण्णाहेत्ता जेणेव वरुणे नागनत्तुए तेणेव उवागच्छंति, उवागच्छित्ता-जाव-तमाणत्तियं पच्चप्पिणंति। तए णं से वरुणे नागनत्तुए जेणेव मज्जणघरे तेणेव उवागच्छति, उवागच्छित्ता मज्जणघरं अणुप्पविसइ, अणुप्पविसित्ता हाए कयबलिकम्मे कयकोउय-मंगल-पायच्छित्ते सव्वालंकारविभूसिए सण्णद्ध-बद्ध-वम्मियकवए सकोरेटमल्लदामेणं छत्तेणं धरिज्जमाणेणं, अणेगगगनायग-दंडनायग-राईसर-तलवर-माडंबिय-कोडुंबिय-इन्भ-सेट्ठि-सेणावइ-सत्यवाह-दूय-संधिपालसद्धि संपरिवुडे मज्जणघराओ पडिनिक्खमति, पडिनिक्खमित्ता जेणेव बाहिरिया उवट्टाणसाला, जेणेव चाउग्घंटे आसरहे तेणेव उवागच्छइ, उधागरिछत्ता चाउग्घंटे आसरहं दुरुहइ, दुरुहिता हय-गय-रह-पवरजोहकलियाए चाउरंगिणीए सेणाए सद्धि संपरिवडे, महयाभडचडगरविंदपरिक्खित्ते जेणेव रहमुसले संगामे तेणेव उवागच्छइ, उवागच्छित्ता रहमुसलं संगाम ओयाए।
संगामे वरुणस्स अभिग्गहो तए णं से वरुणे नागनत्तुए रहमुसलं संगामं ओयाए समाणे अयमेयारूवं अभिग्गहं अभिगेण्हइ--"कप्पति मे रहमुसलं संगाम संगामेमाणस्स जे पुब्धि पहणइ से पडिहणित्तए, अवसेसे नो कप्पतीति; अयमेयारूवं अभिग्गहं अभिगेण्हइ अभिगेण्हेत्ता रहमुसलं संगामं . संगामेति। तए णं तस्स वरुणस्स नागनत्तुयस्स रहमुसलं संगाम संगामेमाणस्स एगे पुरिसे सरिसए सरित्तए सरिन्वए सरिसभंडमत्तोवगरणे रहेणं पडिरहं हव्वमागए।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |