Page Text
________________
महासतयगाहावइकहाणगं
३४७
तए । तुमे गं देवाणुप्पिया ! रेवती गाहावइणी संतेहिं तच्चेहि तहिएहि सन्भूएहिं अणिहिं अकतेहि अप्पिएहि अमणुोह अमणामेहिं वागरणेहि वागरिया। तं गं तुम देवाणुप्पिया। एयस्स ठाणस्स आलोएहि पडिक्कमाहि निंदाहि गरिहाहि विउट्टाहि विसोहेहि अकरणयाए अन्भुट्ठाहि अहारिहं पायच्छित्तं तवोकम्म पडिवज्जाहि" ॥
महासतगस्स पायच्छित्तकरणं २५३ तए णं से महासतए समणोवासए भगवओ गोयमस्स 'तह' त्ति एयमढें विणएणं पडिसुणेइ, पडिसुणेत्ता तस्स ठाणस्स आलोएइ
पडिक्कमइ निदइ गरिहइ विउट्टइ विसोहेइ अकरणयाए अब्भुट्टेइ अहारिहं पायच्छित्तं तवोकम्म पडिवज्जइ।
गोयमस्स पडिणिक्खमणं २५४ तए णं से भगवं गोयमे महासतगस्स समणोवासगस्स अंतियाओ पडिणिक्खमइ, पडिणिक्खमित्ता रायगिहं नयरं मझमज्झेणं
निग्गच्छइ, निग्गच्छित्ता जेणेव समणे भगवं महावीरे, तेणेव उवागच्छइ, उवागच्छित्ता समणं भगवं महावीरं वंदइ नमसइ, वंदित्ता नमंसित्ता संजमेणं तवसा अप्पाणं भावेमाणे विहरइ।
भगवओ जणवयविहारो २५५ तए णं समणे भगवं महावीरे अण्णदा कदाइ रायगिहाओ नयराओ पडिणिक्खमइ, पडिणिक्खमित्ता बहिया जणवयविहारं विहरइ।
महासतगस्स देवलोगप्पत्ती तयणंतरं सिद्धिगमणनिरूवणं च २५६ तए णं से महासतए समणोवासए बहूहि सील-वय-गुण-वेरमण-पच्चक्खाण-पोसहोयवासेहि अप्पाणं भावेत्ता बोसं वासाई समणो
वासगपरियायं पाउणित्ता एक्कारस य उवासगपडिमाओ सम्म काएणं फासित्ता, मासियाए संलेहणाए अप्पाणं झूसित्ता, सर्द्धि भत्ताई अणसणाए छेदेत्ता, आलोइय-पडिक्कते समाहिपत्ते कालमासे कालं किच्चा सोहम्मे कप्पे अरुणव.सए विमाणे देवत्ताए उववण्णे । चत्तारि पलिओवमाई ठिई पण्णत्ता। महाविदेहे वासे सिज्झिहिइ बुझिहिइ मुच्चिहिइ सव्वदुक्खाणमंतं काहिइ।
उवासगदसाओ अ०८.
१३. नंदिणीपियागाहावइकहाणगं
सावत्थीए नन्दिणीपिया गाहावई २५७ तेणं कालेणं तेणं समएणं सावत्थी नयरी। कोट्ठए चेइए। जियसत्तू राया।
तत्थ णं सावत्थीए नयरीए नंदिणीपिया नाम गाहापाई परिक्सइ--अड्ढे-जाव-बहुजणस्स अपरिभूए । तस्स णं नंदिणीपियस्स गाहावइस्स चत्तारि हिरण्णकोडीओ निहाणपउत्ताओ, चत्तारि हिरण्णकोडीओ वढिपउत्ताओ, चत्तारि हिरण्णकोडीओ पवित्थरपउत्ताओ, चत्तारि वया दसगोसाहस्सिएणं वएणं होत्था। से णं नंदिणीपिया गाहावई बहूणं-जाव-आपुच्छणिज्जे पडिपुच्छणिज्जे, सयस्स वि य णं कुटुंबस्स मेढी-जाव-सव्वकज्जवड्ढावए यावि होत्था। तस्स गं नंदिणीपियस्स गाहावइस्स अस्सिणी नामं भारिया होत्था-अहीणपडिपुण्ण-पंचिदियसरीरा-जाव-माणुस्सए कामभोए पच्चगुभवमाणी विहरइ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |