Page Text
________________
चुलणीपियगाहावइकहाणगं
३१५
१४१
चुलणीपियरस देवकहियनियमायाभद्दामारणवयणसवण उवसग्गस्स असहणे कोलाहलकरणं, मायाविकुन्वयदेवस्स आगासे उप्पयणं च तए णं से देवे चुलणीपियं समणोवासयं अभीयं-जाव-पासइ, पासित्ता चउत्थं पि चुलणोपियं समणोवासयं एवं वयासी--'हंभो! चुलणीपिया ! समणोवासया!-जाव-जइ णं तुम-जाव-न भंजेसि, तो ते अहं अज्ज जा इमा माया भद्दा सत्थवाही देवतं गुरुजणणी दुक्कर-दुक्करकारिया तं साओ गिहाओ नोमि, नीणेत्ता तव अग्गओ घाएमि, घाएत्ता तओ मंससोल्ले करेमि, करेत्ता आदाणभरियसि कडाहयंसि अद्दहेमि, अद्दहेत्ता तव गायं मंसेणं य सोणिएण य आइंचामि, जहा णं तुम अट्ट-दुहट्ट-वसट्टे अकाले चेव जीवियाओ ववरोविज्जसि।' तए णं से चुलणीपिता समणोवासए तेणं देवेणं एवं वुत्ते समाणे अभीए-जाव-विहरइ। तए णं से देवे चुलणोपियं समणोवासयं अभीयं-जाव-पासइ, पासित्ता दोच्चं पि तच्चं पि चुलणीपियं समणोवासयं एवं वयासी-- 'हभो! चुलणीपिता! समणोवासया ! -जाव-ववरोविज्जसि ।' तए णं तस्स चुलणीपियस्स समणोवासयस्स तेणं देवेणं दोच्चं पि तच्चं पि एवं वुत्तस्स समाणस्स इमेयारूवे अज्झथिए चितिए पत्थिए मणोगए संकप्पे समुत्पज्जित्था--"अहो णं इमे पुरिसे अणारिए अणारियबुद्धी अणारियाई पावाई कम्माइं समाचरति, जे णं मम जेठं पुत्तं साओ गिहाओ नोणेइ, नीणेत्ता मम अग्गओ घाएइ, घाएत्ता तओ मंससोल्ले करेइ, करेत्ता आदाण-भरियंसि, कडायंसि अद्दहेइ, अहहेत्ता ममं गायं मंसेण य सोणिएण य आइंचइ, जे णं ममं मज्झिमं पुत्तं साओ गिहाओ नीणेइ, नीणेत्ता मम अग्गओ घाएइ, घाएत्ता तओ मंससोल्ले करेइ, करेत्ता आदाणभरियसि कडाहयंसि अद्दहेइ, अहहेत्ता ममं गायं मंसेण य सोणिएण य आइंचइ, जे णं मम कणीयसं पुतं साओ गिहाओ नोणेइ, नीणेत्ता मम अग्गओ घाएइ, घाएत्ता तओ मंससोल्ले करेइ करेत्ता आदाणभरियंसि कडाहयंसि अद्दहेइ, अद्दहेत्ता ममं गायं मसेण य सोणिएण य आइंचइ, जा वि यणं इमा ममं माया भद्दा सत्थवाही देवतं गुरु-जणणी दुक्कर-दुक्करकारिया, तं पि य णं इच्छइ साओ गिहाओ नीणेत्ता मम अग्गओ घाएत्तए-तं सेयं खलु ममं एवं पुरिसं गिण्हित्तए" ति कटु उद्धाविए, से वि य आगासे उप्पइए, तेणं च खंभे आसाइए, महया-महया सद्देणं कोलाहले कए।
भदाए पसिणो १४२ तए णं सा भद्दा सत्थवाही तं कोलाहलसइं सोच्चा निसम्म जेणेव चुलणीपिया समणोवासए, तेणेव उवागच्छइ, उवागच्छित्ता
चुलणीपियं समणोवासयं एवं वयासी--"किण्णं पुत्ता! तुमे महया-महया सद्देणं कोलाहले कए ?"
१४३
चुलणीपियस्स उत्तरं तए णं से चुलणोपिया समणोवासए अम्मयं भई सत्थवाहि एवं वयासो-'एवं खलु अम्मो! न याणामि के वि पुरिसे आसुरत्ते रुठे कुविए चंडिक्किए मिसिमिसीयमाणे एगं महं नीलुप्पल-गवलगुलिय-अयसिकुसुमप्पगासं खुर-धारं असिं गहाय ममं एवं वयासी-- 'हंभो! चुलणीपिया ! समणोवासया! -जाव-जइ णं तुम-जाव-बवरोविज्जसि।' । तए णं अहं तेणं पुरिसेणं एवं बुत्ते समाणे अभीए-जाव-विहरामि। तए णं से पुरिसे ममं अभीयं-जाव-पासइ, पासित्ता ममं दोच्चं पि तच्च पि एवं बयासी--हंभो ! चुलणीपिया! समणोवासया ! -जाव-ववरोविज्जसि। तए णं अहं तेणं पुरिसेणं दोच्चं पि तच्चं पि एवं वुत्ते समाणे अभीए-जाव-विहरामि। तए णं से पुरिसे ममं अभीयं-जाव-पासइ, पासित्ता आसुरत्ते रुठे कुविए चंडिक्किए मिसिमिसीयमाणे ममं जेट्ठपुत्तं गिहाओ नोणेइ, नीणेत्ता मम अग्गओ घाएइ, घाएत्ता तओ मंससोल्ले करेइ, करेत्ता आदाणभरियसि कडाहयंसि अद्दहेइ, अहहेत्ता ममं गायं मंसेण य सोणिएण य आइंच।। तए णं अहं तं उज्जलं-जाव-वेयणं सम्म सहामि खमामि तितिक्खामि अहियासेमि। एवं मज्झिम पुत्तं-जाव-वेयणं सम्मं सहामि खमामि तितिक्खामि अहियासेमि।
. एवं कणीयसं पुत्तं-जाव-वेयणं सम्मं सहामि खमामि तितिक्खामि अहियासेमि । तए णं से पुरिसे ममं अभीयं-जाव-पासइ, पासित्ता, ममं चउत्थं पि एवं वयासी--हंभो! चुलणीपिया ! समणोवासया !-जाव-न भंजेसि, तो ते अहं अज्ज जा इमा माया देवतं गुरु-जणणी-जाव-ववरोविज्जसि ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |