Page Text
________________
७. चुलणीपियगाहावइकहाणगं
वाराणसीए चुलणीपिया गाहावई १३० तेणं कालेणं तेणं समएणं वाणारसी नाम नयरी । कोट्ठए चेइए । जियसत्तू राया ।
तत्य णं वाणारसीए नयरीए चुलणीपिता नाम गाहावई परिवसइ--अड्ढे-जाव-बहुजणस्स अपरिभूए । तस्स णं चुलणीपियस्स गाहावइस्स अट्ठ हिरण्णकोडीओ निहाणपउत्ताओ, अट्ठ हिरण्णकोडीओ वढिपउत्ताओ, अट्ठ हिरण्णकोडोओ पवित्थरपउत्ताओ, अट्ठ वया दसगोसाहस्सिएणं वएणं होत्था । से णं चुलणीपिता गाहावई बहूणं-जाव-आपुच्छणिज्जे, पडिपुच्छणिज्जे सयस्स वि य णं कुडुबस्स मेढी-जाव-सव्वकज्जवड्ढावए यावि होत्था । तस्स गं चुलणीपियस्स गाहावइस्स सामा नाम भारिया होत्था-अहीण-पडिपुण्ण-पंचिंदियसरीरा-जाव-माणुस्सए कामभोए पच्चणुभवमाणी विहरइ।
भगवओ महावीरस्स समवसरणं १३१ तेणं कालेणं तेणं समएणं समणे भगवं महावीरे-जाव-जेणेव वाणारसी नयरी जेणेव कोदए चेइए तेणेव उवागच्छइ, उवागच्छित्ता
अहापडिरूवं ओग्गहं ओगिण्हित्ता संजमेणं तवसा अप्पाणं भावेमाणे विहरइ । परिसा निग्गया। कूणिए राया जहा, तहा जियसत्तू निग्गच्छइ-जाव-पज्जुवासइ ।
चुलणीपियस्स गाहावइस्स समवसरण गमणं धम्मसवणं च १३२ तए णं से चुलणीपिया गाहावई इमोसे कहाए लढे समाणे-"एवं खलु समणे भगवं महावीरे पुष्वाणुपुद्वि चरमाणे गामाणुगामं
दूइज्जमाणे इहमागए इह संपत्ते इह समोसढे इहेव वाणारसीए नयरीए बहिया कोट्ठए चेइए अहापडिरूवं ओग्गहं ओगिण्हित्ता संजमेणं तवसा अप्पाणं भावेमाणे विहरइ ।" तं महप्फलं खलु भो ! देवाणुप्पिया ! तहारूवाणं अरहंताणं भगवंताणं णामगोयस्स वि सवणयाए, किमंग पुण अभिगमणवंदण-णमंसण-पडिपुच्छण-पज्जुवासणयाए ? एगस्स वि आरियस्स धम्मियस्स सुवयणस्स सवणयाए, किमंग पुण विउलस्स अट्ठस्स गहणयाए ? तं गच्छामि णं देवाणुप्पिया ! समणं भगवं महावीरं वदामि णमंसामि सक्कारेमि सम्मामि कल्लाणं मंगलं देवयं चेइयं पज्जुवासामि-एवं संपेहेइ, संपेहेत्ता हाए कयबलिकम्मे कय-कोउय-मंगल-पायच्छित्ते सुद्धप्पावेसाई मंगल्लाई वत्थाई पवरपरिहिए अप्पमहग्घाभरणालंकियसरीरे सयाओ गिहाओ पडिणिक्खमइ, पडिणिक्खमित्ता सकोरेंटमल्लदामेणं छत्तेणं धरिज्जमाणेणं मणुस्सवग्गुरापरिखिते पादविहारचारेणं वाणारसि नरि मझमझेणं निगच्छइ , निग्गच्छित्ता जेणामेव कोट्ठए चेइए, जेणेव समणे भगवं महावीरे, तेणेव उवागच्छइ, उवागच्छित्ता समणं भगवं महावीरं तिक्खुत्तो आयाहिण-पयाहिणं करेइ, करेता वंदइ णमंसइ, वंदित्ता णमंसित्ता पच्चासण्णे णाइदूरे सुस्सूसमाणे णमंसमाणे अभिमुहे विणएणं पंजलिउडे पज्जुवासइ । तए णं समणे भगवं महावीरे चुलणीपियस्स गाहावइस्स तीसे य महइमहालियाए परिसाए-जाव-धम्म परिकहेइ । परिसा पडिगया, राया य गए ।
चुलणीपियस्स गिहिधम्म-पडिवत्ती १३३ तए णं से चुलणोपिता गाहावई समणस्स भगवओ महावीरस्स अंतिए धम्म सोच्चा निसम्म हट्टतुट्ठ-चित्तमाणंदिए पीइमणे परम
सोमणस्सिए हरिसवस-विसप्पमाणहियए उट्ठाए उट्ठइ उद्रुत्ता समणं भगवं महावीरं तिक्खुत्तो आयाहिण-पयाहिणं करेइ, करेत्ता बंदइ णमंसइ, वंदित्ता णमंसित्ता एवं वयासी-“सद्दहामि णं भंते ! निग्गंथं पावयणं, पत्तियामि गं भंते ! निग्गंथं पावयणं, रोएमि
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |