Page Text
________________
२१२
धम्मकहाणुओगे चउत्यो खंघो
नंदेण तिगिच्छियसालानिम्माणं ७४ तए णं नंदे मणियारसेट्ठी पच्चथिमिल्ले वणसंडे एग महं तिगिच्छियसालं कारावेइ--अणेगखंभसयसग्णिविठ्ठ-जाव-पडिरूवं! तत्थ
णं बहवे वेज्जा य वेज्जपुत्ता य जाणुया य जाणुयपुत्ता य कुसला य कुसलपुत्ता य दिन्नभइ-भत्त-वेयणा बहूणं वाहियाण जय गिलाणाण य रोगियाण य दुब्बलाण य तेइच्छकम करेमाणा-करेमाणा विहरंति । अण्णे य एत्थ बहवे पुरिसा दिनभइ-भत्त-वेयणा तेसि बहणं वाहियाण य गिलाणाण य रोगियाण य दुब्बलाण य ओसह-भेसज्ज-भत्तपाणेणं पडियारकम्मं करेमाणा विहरति ।।
नंदेण अलंकारियसभानिम्माणं ७५ तए णं नंदे मणियारसेट्ठी उत्तरिल्ले वणसंडे एगं महं अलंकारियसभं कारावेइ-अणेगखंभसयसण्णिविर्से-जाव-पडिरूवं । तत्थ
बहवे अलंकारिय-मणुस्सा दिन्नभइ-भत्त-वेयणा बहूणं समणाण य अणाहाण य गिलाणाण 4 रोगियाण य दुब्बलाण य अलंकारियकम्मं करेमाणा-करेमाणा विहरति ।
बहजणकया नंदस्स पसंसा नंदस्स पमोओ य ७६ तए णं तोए नंदाए पोक्खरिणीए बहवे सणाहा य अणाहा य पंथिया य पहिया य करोडिया य तणहारा य पत्तहारा य कट्टहारा
य-अप्पेगइया व्हायंति अप्पेगइया पाणियं पियंति अप्पेगइया पाणियं संवहंति अप्पेगइया विसज्जियसेय-जल्ल-मल-परिस्सम-निट्टखुप्पिवासा सुहंसुहेणं विहरति । रायगिहविणिग्गओ वि यत्य बहुजणो 'किं ते जलरमण-विविहमज्जण-कयलिलयाहरय-कुसुम-सत्थरयअणेगसउणगण-रुयरिभियसंकुलेसु सुहंसुहेणं अभिरममाणो-अभिरममाणो विहरइ। तए णं नंदाए पोक्खरिणीए बहुजणो ण्हायमाणो य पियमाणो य पाणियं च संवहमाणो य अण्णमण्णं एवं वयासो-'घण्णे णं देवाणुप्पिया! नंदे मणियार-सेट्ठी, कयत्थे णं देवाणुप्पिया! नंदे मणियारसेट्ठी, कयलक्खणे णं देवाणुप्पिया! नंदे मणियारसेटठी, कयपुण्णे, णं देवाणुप्पिया! नंदे मणियारसेट्ठी, कया णं लोया! सुलद्धे माणुस्सए जम्मजीवियफले नंदस्स मणियारस्स? जस्स गं इमेयारूवा नंदा पोक्खरिणी चाउक्कोणा-जाव-पडिरूवा-जाव-रायगिहविणिग्गओ जत्थ बहुजणो आसणेसु य सयणेसु य सण्णिसण्णो य संतुयट्टो य पेच्छमाणो य साहेमाणो य सुहंसुहेणं विहरइ । तं धन्ने णं देवाणुप्पिया! नंदे मणियारसेट्ठी, कयत्थे णं देवाणप्पिया! नंदे मणियारसेट्ठी, कयलक्खणे णं देवाणुप्पिया! नंदे मणियारसेट्ठी, कयपुण्णे णं देवाणुप्पिया! नंदे मणियारसेट्ठी, कया णं लोया! सुलद्धे माणुस्सए जम्मजीवियफले नंदस्स मणियारस्स'। तए णं रायगिहे सिंघाडग तिग-चउक्क-चच्चर-चउम्मुह-महापह-पहेसु बहुजणो अण्णमण्णस्स एवमाइक्खइ एवं भासइ एवं पण्णवेइ एवं परवेइ धन्ने णं देवाणुप्पिया! नंदे मणियारसेट्ठी सो चेव गमओ-जाव-सुहंसुहेणं विहरइ। तए णं से नंदे मणियारसेट्ठी बहुजणस्स अंतिए एयमट्ठ सोच्चा निसम्म हट्ठतुढे धाराहत-कलंबगं विव समूसवियरोमकूवे परं सायासोक्खमणुभवमाणे विहरइ।
नंदस्स रोगप्पत्ती ७७ तए णं तस्स नंदस्स मणियारसेट्ठिस्स अण्णया कयाइ सरीरगंसि सोलस रोगायंका पाउन्भूया। तं जहा
सासे कासे जरे दाहे, कुच्छिसूले भगंदरे। अरिसा अजीरए दिट्ठी-मुद्धसूले अकारए॥ अच्छिवेयणा कण्णवेयणा कंडू बउदरे कोढे ॥१॥
नंदरोगाणं वेज्जकयतिगिच्छाए वि निष्फलतं ७८ तए णं से नंदे मणियारसेट्ठी सोलसहि रोयायंकेहि अभिभूए समाणे कोडुंबियपुरिसे सद्दावेइ, सद्दावेत्ता एवं वयासी--गच्छह णं
तुम्भे देवाणुप्पिया! रायगिहे नयरे सिंघाडग-तिग-चउक्क-चच्चर-चउम्मुह-महापह-पहेसु महया-महया सद्देणं उग्घोसेमाणा-उग्घोसेमाणा एवं वयह-एवं खलु देवाणुप्पिया! नंदस्स मणियारस्स सरीरगंसि सोलस रोयायंका पाउन्भूया । तं जहा-सासे-जाव-कोढे । तं जो णं इच्छइ देवाणुप्पिया! विज्जो था विज्जपुत्तो वा जाणुओ वा जाणुअपुत्तो वा कुसलो वा कुसलपुत्तो वा नंदस्स मणियारस्स तेसि च णं सोलसण्हं रोगायंकाणं एगमवि रोगायक उवसामित्तए, तस्स णं नंदे मणियारसेट्ठी विउलं अत्थसंपयाणं दलयइ त्ति कटु दोच्चंपि तच्चपि घोसणं घोसेह, घोसेत्ता एयमाणत्तियं पच्चप्पिणह । तेवि तहेव पच्चप्पिणंति।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |