Page Text
________________
२७८
धम्मकहाणुओगे चउत्थो खंधो
तए णं केसी कुमार-समणे पएसी-रायं एवं वयासी"जइ णं तुमं पएसी! व्हायं, कयबलिकम्मं कयकोउगमंगलपायच्छित्तं उल्ल-पड-साडग, भिंगार-कडुच्छ्य-हत्थ-गय, देवकुलमणुपविसमाणं केइ पुरिसे वच्च-घरंसि ठिच्चा एवं वएज्जा-एह ताव सामी ! इह मुहुत्तगं आसयह वा चिट्ठह वा निसीयह वा तुयह वा। तस्स णं तुम पएसी! पुरिसस्स खणमवि एयमझें पडिसुणिज्जासि ?" "नो तिणठे समठे।" "कम्हा गं?" "भंते! असुइ असुइ सामन्तो"। "एवामेव पएसी! तव वि अज्जिया होत्था इहेव सेयवियाए नयरोए धम्मिया-जाव-विहरइ। सा णं अम्हं वत्तव्वयाए सुबहु-जावउववन्ना, तोसे णं अज्जियाए तुम नत्तुए होत्था इठे-जाव-किमंगपुण पासणयाए। सा णं इच्छइ माणुसं लोगं हवमागच्छित्तए, नो चेव णं संचाएइ हन्वमागच्छित्तए। चहि ठाणेहि पएसी! अहुणोववन्ने देवे देव-लोएसु इच्छेज्जा माणुसं लोगं हव्वमागच्छित्तए, नो चेव णं संचाएइ हव्वमागच्छित्तए अहणोववन्ने देवे देव-लोएस दिहिं काम-भोहि मुच्छिए, गिद्धे, गढिए, अज्झोववन्ने, से णं माणुसे भोगे नो आढाइ, नो परिजाणाइ, से णं इच्छिज्ज माणुसं लोगं हव्वमागच्छित्तए, नो चेव णं संचाएइ हव्वमागच्छित्तए १। अहणोववन्नए देवे देव-लोएसु दिर्वेहि काम-भोहि मुच्छिए-जाव-अज्झोववन्ने, तस्स णं माणुस्से पेम्मे वोच्छिन्नए भवइ, दिवे पेम्मे संकते भवइ, से णं इच्छेज्जा माणुसं लोग हव्वमागच्छित्तए, नो चेव णं संचाएइ हव्वमागच्छितए २। अहणोववन्ने देवे दिवेहि काम-भोगेहि मुच्छिए-जाव-अज्झोववन्ने, तस्स णं एवं भवइ-इयाणि गच्छं, मुहुत्तं गच्छं-जाव-इह अप्पाउया नरा काल-धम्मुणा संजुत्ता भवंति, से गं इच्छेज्जा माणुसं लोग हव्वमागच्छित्तए नो चेव णं संचाएइ हव्वमागच्छित्तए ३ । अहणोववन्ने देवे दिवेहि-जाव-अज्झोववन्ने तस्स माणुस्सए उराले, दुग्गंधे, पडिकूले, पडिलोमे भवइ, उड्ड पि य णं चत्तारि पंच जोयण-सयाई असुभे माणुस्सए गंधे अभिसमागच्छइ, से णं इच्छेज्जा माणुसं लोगं हवमागच्छित्तए, नो चेव णं संचाएइ हव्वमागच्छित्तए ४। इच्चएहि चहि ठाणेहि पएसी! अहुणोववन्ने देवे देव-लोएसु इच्छेज्जा माणुसं लोगं हव्वमागच्छित्तए, नो चेव णं संचाएइ हन्वमागच्छित्तए। तं सद्दहाहि णं तुम पएसी! जहा अन्नो जीवो, अन्नं सरीरं, नो तं जीवो, तं सरीरं" ॥२॥
३-४. फेसिकुमारसमणवत्तब्वे जीवस्स अप्पडियहयगईए समत्थणं ४७ तए णं से पएसो राया केसि कुमार-समणं एवं वयासी
"अत्थि णं भंते! एसा पन्ना उवमा। इमेणं पुण कारणेणं नो उवागच्छइ। एवं खलु भंते ! अहं अन्नया कयाइ बाहिरियाए उवट्ठाण-सालाए अणेग-गणनायग-दण्डनायग-राईसर-तलवर-माडंबिय-कोडुबिय-इन्भ-सेट्ठि-सेणावइ-सत्थवाह-मंति-महामंति-गणग-दोवारियअमच्च-चेड-पीढमद्द-नगर-निगम-दूय-संधिवालेहिं सद्धि संपरिवुडे विहरामि । तए णं मम नगर-गुत्तिया ससक्खं सलोइं सगेवेज्जं अवओडय-बन्धण-बद्धं चोरं उवर्णन्ति। तए णं अहं तं पुरिसं जीवंतं चेव अओकुंभीए पक्खिवावेमि, अओमएणं पिहाणएणं पिहावेमि, अएण य तउएण य आयामि, आय-पच्चइयएहि पुरिसेहिं रक्खामि । तए णं अहं अन्नया कयाइ जेणामेव सा अओकुंभी, तेणामेव उवागच्छामि, उवागच्छित्ता तं अओकुंभ उग्गलच्छामि, उग्गलच्छावित्ता, तं पुरिसं सयमेव पासामि । नो चेव णं तीसे अओकुंभीए केइ छिड्डे इ वा विवरे इ वा अंतरे इ वा राई इ वा जओ णं से जीवे अंतोहितो बहिया निग्गए। जइ णं भंते ! तीसे अओकुंभीए होज्जा केइ छिड्डे वा-जाव-राई वा जओ णं से जीवे अंतोहितो बहिया निग्गए, तो णं अहं सद्दहेज्जा, पत्तिएज्जा, रोएज्जा, जहा अन्नो जीवो, अन्नं सरीरं, नो तं जीवो, तं सरीरं । जम्हा णं भंते ! तीसे अओकुंभीए नत्थि केइ छिड्डे वा-जाव-निग्गए, तम्हा सुपइट्ठिया मे पइन्ना, जहा तं जीवो, तं सरीरं, नो अन्नो जीवो, अन्नं सरीरं"। तए णं केसी कुमार-समणे पएसि रायं एवं वयासी-- "पएसी! से जहा-नामए कूडा-गार-साला सिया, दुहओ-लित्ता गुत्ता गुत्त-दुवारा निवाय-गम्भीरा । अह णं केइ पुरिसे र च दंडं च गहाय कूडागार-सालाए अंतो अंतो अणुपविसइ, अणुपविसित्ता तीसे कूडागार-सालाए सव्वओ, समन्ता घण-निचिय-निरन्तरनिच्छिड्डाई दुवार-वयणाई पिहेइ। तीसे कूडागार-सालाए बहु-मज्झ-देस-भाए ठिच्चा तं भेरि दंडएणं महया महया सद्देणं तालेज्जा।।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |