Page Text
________________
२५६
धम्मकहाणुओगे चउत्थो खंधो
टकार-वग्गोऽपि ॥१७॥ तकार-वग्गोऽपि ॥१८॥ पकार-वग्गोऽपि ॥१९॥ असोय-पल्लव-पविर्भात च, अंब-पल्लव-पविभत्ति च, जंबू-पल्वव-पविभत्ति च, कोसंब-पल्लव-पवित्ति च, पल्लवपविभत्ति च णामं दिव्वं पट्टविहिं उवदंसेंति ॥२०॥ पउमलया-पविभत्ति च-जाव-सामलया-पविभत्ति च लया-पविभत्ति च णामं दिव्वं णट्टविहिं उवदंसेंति ॥२१॥ दुय-णामं दिव्वं गट्टविहिं उबदंसेंति ॥२२॥ विलंबिय-णामं दिव्वं पट्टविहिं उवदंसेंति ॥२३॥ दुय-विलंबियं णामं दिव्वं णट्टविहिं उवदंसेंति ॥२४॥ अंचियं णामं दिव्वं णट्टविहि उवदंसेंति ॥२५॥ रिभियं णाम दिव्वं णट्टविहि उवदंसेंति ॥२६॥ अंचिय-रिभियं णामं दिव्वं गट्टविहिं उवदंसेंति ॥२७॥ आरभडं णामं दिव्वं गट्टविहि उवदंसेंति ॥२८॥ भसोलं णाम दिव्वं गट्टविहिं उबदंसेंति ॥२९॥ आरभड-भसोलं णामं दिव्वं गट्टविहिं उवदंसेंति ॥३०॥ उप्पय-निवय-पवत्तं, संकुचियं, पसारियं, रयारइयं भंतं संभंतं णामं दिव्वं गट्टविहिं उवदंसेंति ॥३१॥ तए णं ते बहवे देव-कुमारा य देव-कुमारीओ य समामेव समोसरणं करेंति-जाव-दिव्वे देवरमणे पवत्ते यावि होत्था। तए णं ते बहवे देव-कुमारा य देव-कुमारीओ य समणस्स भगवओ महावीरस्स पुब्व-भव-चरिय-णिबद्धं च चवण-चरिय-णिबद्धं च संहरण-चरिय-निबद्धं च जम्मण-चरिय-निबद्धं च अभिसेय-चरिय-निबद्धं च बाल-भाव-चरिय-निबद्धं च जोवण-चरिय-निबद्धं च काम-भोग-चरिय-निबद्धं च निक्खमण-चरिय-निबद्धं च तव-चरण-चरिय-निबद्धं च णाणुप्पाय-चरिय-निबद्धं च तित्थ-पवत्तण-चरियपरिनिव्वाण-चरिय-निबद्धं च चरिम-चरिय-निबद्धं णामं दिव्वं णट्टविहिं उवदंसेंति ॥३२॥
नाडयस्स समत्ती, सुरियाभस्स पडिगमणं च २४ तए णं ते बहवे देव-कुमारा य देव-कुमारीओ य चउब्विहं वाइत्तं वाएंति । तं जहा-ततं, विततं, घणं, झुसिरं ।
तए णं ते बहवे देव-कुमारा य देव-कुमारियाओ य चउन्विहं गेयं गायति । तंजहा-उक्खित्तं, पायतं, मंदाय, रोइयावसाणं च । तए णं ते बहवे देव-कुमारा य देव-कुमारियाओ य चउम्विहं णट्टविहिं उवदंसंति । तंजहा-अंचियं, रिभियं, आरभडं, भसोलं च । तए णं ते बहवे देव-कुमारा य देव-कुमारियाओ य चउन्विहं अभिणयं अभिणएंति । तंजहा-दिह्रतियं, पाडितियं, सामन्नोविणिवाइयं, अंतोमज्झावसाणियं च ।। तए णं ते बहवे देव-कुमारा य देव-कुमारियाओ य गोयमाइयाणं समणाणं निग्गंथाणं दिव्वं देविड्ढि, दिव्वं देवजुई, दिव्वं देवाणुभावं, दिव्वं बत्तीसइबद्धं नाडयं उवदंसित्ता, समणं भगवंतं महावीरं तिक्खुत्तो आयाहिण-पयाहिणं करेंति, करित्ता वंदंति नमसंति, वंदित्ता नमंसित्ता जेणेव सूरियाभे देवे, तेणेव उवागच्छंति, उवागच्छित्ता सूरियाभं देवं करयल-परिग्गहियं सिरसावत्तं मत्थए अंजलि कटु, जएणं, विजएणं वद्वाति, बद्धावित्ता एवं आणत्तियं पच्चप्पिणंति ॥ तए णं से सूरिया देवे तं दिव्वं देविडि, दिव्वं देवजुई, दिव्वं देवाणुभावंपडिसाहरइ, पडिसाहरेत्ता खणेणं जाए एगे एगभूए। तए णं से सूरियाभे देवे समणं भगवंतं महावीरं तिक्खुत्तो आयाहिण-पयाहिणं करेइ, करेत्ता वंदइ नमसइ, वंदित्ता, नमंसित्ता नियग-परिवाल-सद्धि संपरिबुडे तमेव दिव्वं जाण-विमाणं दुरुहइ, दुरूहिता जामेव दिसि पाउन्भूए, तामेव दिसि पडिगए ॥
सरियाभदेवस्स देविडिढआईणं सरीरंतग्गयत्तनिरूवणं २५ भंते ! त्ति भयवं गोयमे समणं भगवंतं महावीरं बंदइ, नमसइ, बंदित्ता, नमंसित्ता एवं बयासी
'सूरियाभस्स णं भंते ! देवस्स एसा दिव्वा देविढ़ि, दिव्वा देवज्जुइ, दिव्वे देवाणुभावे, कहिं गए, कहिं अणुप्पविठे ?
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |