Page Text
________________
१. पासतित्थे सोमिलमाहण कहाणगं
सुक्क महग्गहदेवेण महावीरसमोसरणे नट्टविही
१ रायगिहे नयरे । गुणसिलए चेइए। सेणिए राया । सामी समोसढे । परिसा निग्गया । तेणं कालेणं तेणं समएणं सुक्के महग्गहे सुक्कवडस विमाणे सुक्कंसि सीहासणंसि चउह सामाणियसाहस्सीहि जहेव चन्दो तहेव आगओ, नट्टविहि उवदंसित्ता पडिगओ । “भन्ते” ति० । कूडागारसाला० । पुव्वभवपुच्छा । एवं खलु गोयमा
सुक्कदेव पुष्वभववणणे सोमिलमाहण कहाणगं
२ तेणं कालेणं तेणं समएणं वाणारसी नामं नयरी होत्या । तत्थ णं वाणारसी नयरीए सोमिले नाम माहणे परिवसइ अड्ढे जावअपरिभूए रिउब्वेय- जाव- सुपरिनिट्ठिए । पासे समोसढे । परिसा पज्जुवासइ ।
पासनाहसमीवे सोमिलस्स सावगधम्मगहणं
३ तए णं तस्स सोमिलस्स माहणस्स इमीसे कहाए लद्धट्ठस्स समाणस्स इमे एयारूवे अज्झत्थिए - जाव- संकप्पे समुप्पज्जित्था " एवं पासे अरहा पुरिसादाणीए पुव्वाणुपुव्वि-जाय- अम्बसालवणे विहरइ । तं गच्छामि णं पासस्स अरहओ अन्तिए पाउब्भवामि, इमाई चणं एयारूबाई अट्ठाई हेऊइं०" जहा पण्णत्तीए । सोमिलो निग्गओ खण्डियविहुणो- जाव एवं वयासी- "जत्ता ते, भन्ते ? जवणिज्जं च ते ?” पुच्छा "सरिसवया, मासा, कुलत्था, एगे भवं ? " - जाव-संबुद्धे सावगधम्मं पडिवज्जित्ता पडिगए ।
सोमिलस्स मिच्छत्तं
४ तए णं पासे णं अरहा अन्नया कयाइ वाणारसीओ नयरीओ अम्बसालवणाओ चेइयाओ पडिनिक्खमइ, पडिनिक्खमित्ता बहिया जणवय-विहारं विहरइ ।
तए णं से सोमिले माहणे अन्नया कयाइ असाहुदंसणेण य अपज्जुवासणयाए य मिच्छत्तपज्जवह परिवड्ढमाणेह परिवड्ढमाणेह सम्मत्तपज्जवह परिहायमाणेह परिहायमाणेह मिच्छत्तं च पडिवन्ने ॥
सोमिलेण अम्बारामाइ निम्माणं
५ तए णं तस्स सोमिलस्स माहणस्स अन्नया कयाइ पुव्वरत्तावरत्तकालसमयंसि कुडुम्बजागरियं जागरमाणस्स अयमेयारूवे अज्झत्थिएजाव-संकप्पे समुप्पज्जित्था -- “ एवं खलु अहं वाणारसीए नयरीए सोमिले नामं माहणे अच्चन्तमाहणकुलप्पसूए । तए णं मए वयाई चिण्णाई, वेया य अहीया, दारा आहुया, पुत्ता जणिया, इढ्ढीओ समाणीयाओ, पसुबन्धा कया, जन्ना जट्ठा, दक्खिणा विना, अतिही पूइया, अग्गी हूया, जूवा निक्खित्ता । तं सेयं खलु मम इयाणि कल्लं जाव- जलन्ते वाणारसीए नयरीए बहिया बहवे अम्बारामा रोवावित्तए एवं माउलिङ्गा बिल्ला कविट्ठा चिच्चा फुप्फारामा रोवावित्तए" एवं संपेहेइ । संपेहित्ता कल्लं जाव - जलन्ते वाणारसीए नयरीए बहिया अम्बाराम जाव- पुप्फारामे य रोवावेइ । तए णं बहवे अम्बारामा य - जाव - पुप्फारामा य अणुपुव्वेणं सारक्खिज्जमाणा संगोविज्जमाणा संवड्ढिज्जमाणा आरामा जाया किव्हा किण्हो भासा - जाव - रम्मा महामेहनिकुरम्बभूया पत्तिया पुफिया फलिया हरियगरेरिज्जमाणा सस्सिरीया सिरीए अईव अईव उवसोभेमाणा उवसोभेमाणा चिट्ठन्ति ॥
नाणाविहता वसवण्णओ सोमिलस्स य दिसापोक्खियतावसत्तं
६ तए णं तस्स सोमिलस्स माहणस्स अन्नया कयाइ पुव्वरत्तावरत्तकालसमयंसि कुडुम्बजागरियं जागरमाणस्स अयमेयारूवे अज्झत्थिए - जाव-संकप्पे समुपज्जित्था -- “ एवं खलु अहं वाणारसीए नयरीए सोमिले नाम माहणे अच्चन्तमाहणकुलप्पसूए । तए णं मए वयाइं चिण्णाई - जाव- जूवा निक्खित्ता । तए णं मए वाणारसीए नयरीए बहिया बहवे अम्बारामा - जाव - पुप्फारामा य रोवाविया ।
Jain Education International
For Private Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |