Page Text
________________
२१०
धम्मकहाणुओगे तईओ खंधो
सिरसावत्तं मत्थए अंजलि कटु कण्हं वासुदेवं एवं वयासी-“इच्छामि गं देवाणुप्पिया ! तुहिं अम्भणुण्णाया समाणा अरहओ अरिट्टनेमिस्स अंतिए मुंडा भवित्ता अगाराओ अणगारियं पव्वइत्तए।" अहासुहं देवाणुप्पिया ! मा पडिबंधं करेहि । तए णं से कण्हे वासुदेवे कोडुंबियपुरिसे सहावेइ, सद्दावेत्ता एवं क्यासी-"खिप्पामेव भो देवाणुप्पिया ! पउमावईए देवीए महत्थं महग्धं महरिहं निक्खमणाभिसेयं उवट्ठवेह, उवटुवेत्ता एपमाणत्तियं पच्चप्पिणह।" तएणं ते कोड बियपुरिसा-जाव-तमाणत्तियं पच्चप्पिणंति ।।
पउमावईपव्वज्जा १५६ तए णं से कण्हे वासुदेवे पउमावई देवि पट्टयं दुरुहेइ, अट्ठसएणं सोवष्णकलसाणं-जाव-महाणिक्खमणाभिसेएणं अभिसिंचइ, अभिसिंचित्ता
सवालंकारविभूसिय करेइ, करेता पुरिससहस्सवाहिणि सिबियं दुरुहावेइ, दुरुहावेत्ता बारदईए नयरीए मज्झमझेणं निग्गच्छइ, निग्गच्छित्ता जेणेव रेवयए पचए जेणेव सहसंबवणे उज्जाणे तेणेव उवागच्छइ, उवागच्छित्ता सीयं ठवेइ, पउमावई देवि सीयाओ पच्चोसहइ, पच्चोरुहिता जेणेव अरहा अरिद्वणेमी तेणेव उवागच्छइ, उवागच्छिता अरहं अरिट्ठणेमि तिक्खुत्तो आयाहिण-पयाहिणं करेइ, करेत्ता बंदइ नमसइ, वंदित्ता नमंसित्ता एवं क्यासी-“एस णं भंते ! मम अग्गमहिसी पउमावई नाम देवी इट्ठा-जाव-मणाभिरामा -जाव-उंबरपुष्कं पिव दुल्लहा सवणयाए, किमंगपुण पासणयाए ? तग्णं अहं देवाणुपिया! सिस्सिणिभिक्खं दलयामि । पडिच्छंतु णं देवाणुप्पिया! सिस्सिणिभिक्खं ।" अहासुहं देवाणुप्पिया! मा पडिबंधं करेह। तए णं सा पउमावई उत्तरपुरथिमं दिसौभागं अवक्कमइ, अवक्कमित्ता सयमेव आभरणालंकारं ओमुयइ, ओमुयित्ता सयमेव पंचमुट्टियं लोयं करेइ करेत्ता जेणेव अरहा अरिटुणेमी तेणेव उवागच्छइ, उवागच्छित्ता अरहं अरिद्वमि वंचइ नमसह, वंचित्ता नमंसित्ता
एवं वयासी--"आलिते णं भंते ! लोए-जाव-तं इच्छामि गं देवाणुप्पिएहि धम्ममाइक्खियं ॥" १५७ तएणं अरहा अरिटुणेमी पउमावइं देवि सयमेव पव्वावेइ, पव्वावेत्ता सयमेव जक्खिणीए अज्जाए सिस्सिणित्ताए दलयइ ।
तए णं सा जक्खिणी अज्जा पउमावई देवि सयमेव पव्वावेइ सयमेव मुंडावेइ सयमेव सेहावेति धम्ममाइक्खइ--एवं देवाणुप्पिए ! गंतव्वं-जाव-संजमेणं संजमियव्यं । तए णं सा पउमावई देवी तमाणाए तह चिट्ठइ-जाव-संजमेणं संजमइ । तए णं सा पउमावई अज्जा जाया । इरियासमिया-जाव-गुत्तबंभयारिणी। तए णं सा पउमावई अज्जा जक्खिणीए अज्जाए अंतिए सामाइयमाइयाई एक्कारस अंगाई अहिज्जइ, बहूहि चउत्थ-छट्ठट्ठम-दसमदुवालसेहि मासद्धमासखमणेहि विविहेहि तवोकम्मेहि अप्पाणं भावमाणी विहरइ ॥
पउमावईए सिद्धी १५८ तए णं सा पउमावई अउजा बहुपडिपुण्णाई वीसं वासाई सामण्णपरियागं पाउणइ, पाउणित्ता मासियाए संलेहणाए अपाणं झूसेइ,
झूसेता ट्ठि भत्ताई अणसणाए छेदेइ, छेदेत्ता जस्सट्ठाए कीरइ नग्गभावे मुंडभावे-जाव-तम8 आराहेइ, चरिमुस्सासेहिं सिद्धा-जाव-सव्व. दुक्खप्पहीणा ॥
गोरिपभितीणं कहाणगसंखेवो १५९ तेणं कालेणं तेणं समएणं बारवई नयरी। रेवयए पव्वए। उज्जाणे नंदणवणे ।
तत्थ णं बारवईए नवरीए कण्हे वासुदेवे । तस्स णं कण्हस्स बासुदेवस्स गोरी देवी-वण्णओ। अरहा समोसढे । कण्हे णिगए । गोरी जहा पउमावई तहा निग्गया। धम्मकहा। परिसा पडिगया। कण्हे वि । तए णं सा गोरी जहा पउमावई तहा निक्वंता-जाव-सिद्धा-जाव-सव्व दुक्खप्पहीणा ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |