Page Text
________________
૧૪૬
धम्मकहाणुओगे दुतीयो खंधो
"एहि णियत्ताहि, जइ सि कुविओ खमाहि एक्कावराहं मे, "तुज्झ य विगयघणविमलससिमंडलागारसस्सिरीयं सारयनय कमलकुमदकुवलयविमलदलनिकरसरिसनिभं नयणं वयणं पिवासागयाए सद्धा में पेच्छिउं जे, अवलोएहि ता इओ ममं णाह! जा ते पेच्छामि वयणकमलं" एवं सप्पणयसरलमहराइं पुणो पुणो कलुणाई क्यणाई जंपमाणी सा पावा मग्गओ समण्णेइ पावहियया।
जिणरक्खियविवत्ती ५५७ तए णं से जिणरक्खिए चलमणे तेणेव भूसणरवेणं कण्णसुहमणहरेणं तेहि य सप्पणय-सरल-महुर-भणिएहि संजाय-विउण-राए रयण
दीवस्स देवयाए तीसे सुंदरथण-जहण-वयण-कर-चरण-नयण-लावण्ण-रूव-जोवण्णसिरिं च दिव्वं सरभस-उवगहियाई बिब्बोय-विलसियाणि य विहसिय-सकडक्खदिदि-निस्ससिय-मलिय-उवललिय-थिय-गमण-पणयखिज्जिय-पसाइयाणि य सरमाणे रागमोहियमती अवसे कम्मवसगए अवयक्खइ मग्गतो सविलियं ॥ तए णं जिणरक्खियं समुप्पण्णकलुणभावं मच्चु-गलत्थल्ल-णोल्लियमई अवयक्वंतं तहेव जवखे उ सेलए जाणिऊण सणियं-सणियं उविहद नियगपिट्ठाहि विगयसत्थ ।। तए णं सा रयणदीवदेवया निस्संसा कलुणं जिणरक्खियं सकलसा सेलगपिट्टाहि ओवयंत--'दास ! मओ' सि त्ति जंपमाणी अपत्तं सागरसलिलं गेण्हिय बाहाहि आरसंतं, उड़दं उम्विहइ अंबरतले, ओवयमाणं च मंडलग्गेण पडिच्छित्ता नीलप्पल-गवलगलिय-अयसिकुसुमप्पगासेण असिवरेण खंडाखंडि करेइ, कंरेत्ता तत्थेव विलवमाणं तस्स य सरस-वहियस्स घेत्तूणं अंगमंगाई सरुहिराई उक्खित्तबलि चउद्दिसि करेइ, सा पंजली पहिट्ठा ॥ एवामेव समणाउसो ! जो अम्हं निग्गंथो वा निग्गंथी वा आयरिय-उवज्झायाणं अंतिए मुंडे भवित्ता अगाराओ अणगारियं पव्वइए समाणे पुणरवि माणुस्सए कामभोगे आसायइ पत्थयइ पोहेइ अभिलस्सइ, से णं इहभवे चेव बहूणं समणाणं बहूणं समणीणं बहूणं सावयाणं बहूणं सावियाण य होलणिज्जे-जाव-चाउरतं संसारकतारं भुज्जो-भुज्जो अणपरियट्रिस्सइ--जहा व से जिणरक्खिए। गाहा
छलिओ अवयक्खंतो, निरावयक्खो गओ अबिग्घेणं । तम्हा पवयणसारे, निरावयखेण भवियव्वं ॥१॥ भोगे अवयक्खंता, पडंति संसारसागरे घोरे। भोहिं निरवयक्खा, तरंति संसारकंतारं ॥२॥
जिणपालियस्स चंपागमणं ५५८ तए णं सा रयणदीवदेवया जेणेव जिणपालिए तेणेव उवागच्छइ, बहूहि अणुलोमेहि य पडिलोमेहि य खरएहि य महुरेहि य सिंगारेहि य
कलुणेहि य उवसग्गेहि जाहे नो संचाएइ चालित्तए वा खोभित्तए वा विपरिणामित्तए वा ताहे संता तंता परितंता निविण्णा समाणा जामेव दिसि पाउन्भूया तामेव दिसि पडिगया ।। तए णं से सेलए जक्खे जिणपालिएण सद्धि लवणसमुई मझमझेणं बीईवयइ, वीईवइत्ता जेणेव चंपा नयरी तेणेव उवागच्छइ, उवागच्छित्ता चंपाए नयरीए अग्गुज्जाणंसि जिणपालियं पढ़ाओ ओयारेइ, ओयारेता एवं वयासी--एस णं देवाणुप्पिया! चंपा नयरी दीसइ त्ति कटु जिणपालियं आपुच्छइ, आपुच्छित्ता जामेव दिसि पाउन्भूए तामेव दिसि पडिगए ॥ तए णं से जिणपालिए चंपं नयरि अणुपविसइ, अणुपविसित्ता जेणेव सए गिहे जेणेव अम्मापियरो तेणेव उवागच्छइ, उवागच्छित्ता अम्मापिऊणं रोयमाणे कंदमाणे सोयमाणे तिप्पमाणे विलबमाणे जिणरक्खिय-वात्ति निवेदेइ । तए णं जिणपालिए अम्मापियरो मित्त-नाइ-नियग-सयण-संबंधि-परियणेण स रोयमाणा कंदमाणा सोयमाणा तिप्पमाणा विलवमाणा बहूई लोइयाई मयकिच्चाई करेंति, करेता कालेणं विगयसोया जाया । तए णं जिणपालियं अण्णया कयाइ सुहासणवरगयं अम्मापियरो एवं वयासी--कहण्णं पुत्ता! जिणरक्खिए कालगए ? तए णं से जिणपालिए अम्मापिऊणं लवणसमुद्दोतारं च कालियवाय-संमुच्छणं च पोयवहण-वित्तिं च फलहखंड-आसायणं च रयणदीवुत्तारं च रयणदीवदेवयागिण्हणं च भोगविभूइंच रयणदीवदेवया-आघयणं च सूलाइयपुरिसदरिसणं च सेलगजक्ख-आरुहणं च रयणदीवदेवया-उवसग्गं च जिणरक्खियवात्तिं च लवणसमुद्दउत्तरणं च चंपागमणं च सेलगजक्खआपुच्छणं च जहाभूयमवितहमसंदिद्धं परिकहेइ ॥ तए णं से जिणपालिए अप्पसोगे-जाए-जाव-विपुलाई भोगभोगाइं भुंजमाणे विहरइ ॥
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |