Page Text
________________
११६
धम्मकहाणुओगे दुतीयो खंधो
मियापुत्तस्स पव्वज्जासंकप्पो अम्मापि उपुरओ निवेयणं च ४६८ विसएहि अरज्जंतो, रज्जतो संजमंमि य । अम्मा-पियरमुवागम्म, इमं वयणमब्बवी ॥१०॥
सुयाणि मे पंच महन्वयाणि, नरएसु दुक्खं च तिरिक्ख-जोणिसु । निविण्णकामो मि महण्णवाओ, अणुजाणह पव्वइस्सामि अम्मो! ॥११॥ अम्मताय ! मए भोगा, भुत्ता विसफलोबमा । पच्छा कडुयविवागा, अणुबंधदुहावहा ॥ १२॥ इमं सरीरं अणिच्चं, असुई असुइसंभवं। असासयावासमिणं, दुक्खकेसाण भायणं ॥१३॥ असासए सरीरंमि, रई नोवलभामहं । पच्छा पुरा व चइयव्वे, फेणबुब्बयसन्निभे ॥ १४ ॥ माणुसत्ते असारंमि, वाहीरोगाण आलए । जरा-मरणपत्थंमि, खणं पि न रमामहं ॥ १५॥ जम्मं दुक्खं जरा दुक्खं, रोगा य मरणाणि य । अहो दुक्खो हु संसारो, जत्थ कीसंति जंतुणो॥१६॥ खेत्तं बत्थं हिरण्णं च, पुत्तदारं च बंधवा। चइत्ताणं इमं देहं, गंतव्वमवसस्स मे ॥ १७ ॥ जहा किपागफलाणं, परिणामो न सुंदरो । एवं भुत्ताण भोगाणं, परिणामो न सुंदरो ॥१८॥ अद्धाणं जो महंतं तु, अपाहेज्जो पवज्जइ । गच्छंतो सो दुही होइ, छुहा-तण्हाए पीडिओ॥१९॥ एवं धम्म अकाऊणं जो गच्छइ परं भवं । गच्छंतो सो दुही होइ, वाहीरो हि पौडिओ॥२०॥ अद्धाणं जो महंतं तु, सपाहेज्जो पवज्जइ । गच्छंतो सो सही होइ, छुहातहाविवज्जिओ ॥२१॥ एवं धम्म पि काऊणं, जो गच्छइ परं भवं । गच्छंतो सो सुही होइ, अप्पकम्मे अवयणे ॥२२॥ जहा गेहे पलितम्मि, तस्स गेहस्स जो पहू । सारभंडाणि नीइ, असारं अवइज्झइ ॥२३॥ एवं लोए पलित्तम्मि, जराए मरणेण य । अप्पाणं तारइस्सामि, तुब्भेहिं अणुमन्निओ॥२४॥
सामण्णं दुक्करं ति अम्मापियरेहिं पव्वज्जावारणं ४६९ तं बेंतऽमापियरो, सामण्णं पुत्त ! दुच्चरं । गुणाणं तु सहस्साई, धारेयब्वाइं भिक्खुणा ॥२५॥
(१) समया सव्वभूएसु, सत्तुमित्तेसु वा जगे। पाणाइवाय-विरई, जावज्जीवाए दुक्करं ॥२६॥ (२) निच्चकालऽप्पमत्तेणं, मुसावायविवज्जणं । भासियव्वं हियं सच्चं, निच्चाउत्तेण दुक्करं ॥२७॥ (३) दंतसोहणमाइस्स, अदत्तस्स विवज्जणं । अणवज्जेसणिज्जस्स, गिण्हणा अवि दुक्करं ॥२८॥ (४) विरई अबंभचेरस्स, कामभोगरसन्नणा। उग्गं महव्वयं बंभ, धारेयब्वं सुदुक्करं ॥२९॥ (५) धण-धन्न-पेसवग्गेसु, परिग्गह-विवज्जणं । सव्वारंभ-परिच्चाओ, निम्ममत्तं सुदुक्करं ॥ ३०॥ (६) चउन्विहे वि आहारे, राईभोयणवज्जणा । सन्निही-संचओ चेव, वज्जेयब्वो सुदुक्करं ।। ३१॥ छुहा तण्हा य सीउण्हं, बंस-मसअवेयणा । अक्कोसा दुक्खसेज्जा य, तणफासा जल्लमेव य ॥ ३२ ॥ तालणा तज्जणा चेव, वह-बंधपरीसहा। दुक्खं भिक्खायरिया, जायणा य अलाभया ॥३३॥ कावोया जा इमा वित्ती, केसलोओ य दारुणो। दुक्खं बंभव्वयं घोरं, धारेउ अमहप्पणो ॥ ३४॥ सुहोइओ तुमं पुत्ता!, सुउमालो सुमज्जिओ। न हुसि पभू तुमं पुत्ता, सामण्णमणुपालिया ॥ ३५॥ जावज्जीवमविस्सामो गुणाणं तु महब्भरो। गुरुओ लोहभारु व्व, जो पुत्ता होइ दुव्वहो ॥३६॥ आगासे गंगसोउ व्व, पडिसोउ व्व दुत्तरो। बाहाहि सागरो चेव, तरियध्वो गुणोदही ॥ ३७॥ वालुया कवले चेव, निरस्साए उ संजमे । असिधारागमणं चेव, दुक्करं चरित्रं तवो ॥३८॥ अहीवेगंतदिट्ठीए, चरित्ते पुत्त ! दुक्करे । जवा लोहमया चेव, चावेयव्वा सुदुक्करं ॥ ३९।। जहा अग्गिसिहा दित्ता, पाउं होइ सुदुक्करा । तह दुक्करं करेउं जे, तारुण्णे समणत्तणं ॥ ४०॥ जहा दुक्खं भरेउं जे, होइ वायस्स कोत्थलो । तहा दुक्खं करेउं जे, कीवेणं समणत्तणं ॥४१॥ जहा तुलाए तोलेउ, दुक्करो मंदरो गिरी । तहा नियनीसंकं, दुक्करं समणत्तणं ॥४२॥ जहा भुयाहि तरिऊ, दुक्करं रयणायरो। तहा अणुवसंतेणं, दुक्करं दमसागरो॥४३॥ भुंज माणुस्सए भोए, पंचलक्खणए तुम । भुत्तभोगी तओ जाया! पच्छा धम्म चरिस्ससि ॥ ४४ ॥
मियापुत्तेण नरयदुक्खवण्णणं सामण्णदुक्करत्तनिराकरणं च ४७० सो बेइ अम्मापियरो, एवमेयं जहा फुडं । इह लोए निप्पिवासस्स, नत्थि किंचिवि दुक्करं ॥४५॥
सारीर-माणसा चेव, वेयणाओ अणंतसो। मए सोढाओ भीमाओ, असई दुक्खभयाणि य ॥४६॥ जरामरणकतारे, चाउरते भयागरे। मया सोढाणि भीमाणि, जम्माणि मरणाणि य ॥४७॥
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |