Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 369

११४
धम्मकहाणुओगे दुतीयो खंधो
चिरं पि से मुंडरुई भवित्ता, अथिरब्वए तवनियमेहि भट्ठे। चिरं पि अप्पाण किलेसइत्ता, न पारए होइ हु संपराए ॥४१॥ पोल्ले व मुट्ठी जह से असारे, अंयंतिए कूड-कहावणे वा । राढामणी वेरुलियप्पगासे, अमहग्घए होइ हु जाणएसु ॥४२॥ कुसीलिंग इह धारइत्ता, इसिज्मयं जीविय विहइत्ता । असंजए संजय लप्पमाणे, विणिघायमागच्छइ से चिरं पि॥४३॥ विसं तु पीयं जह कालकूडं, हणाइ सत्थं जह कुग्गहीयं । एसो वि धम्मो विसओववन्नो, हणाइ वेयाल इवाविवन्नो ॥४४॥ जे लक्खणं सुविणं पउंजमाणे, निमित्त-कोऊहलसंपगा। कुहेडविज्जासवदारजीवी, न गच्छई सरणं तम्मि काले ॥४५।। तमं तमेणेव उ जे असोले, सया दुही विपरियासुवेइ। संधावई नरगतिरिक्खजोणि, मोणं विराहित्तु असाहुरूवे ॥४६।। उद्देसियं कीयगडं नियागं, न मुंचई किंचि अणेसणिज्ज। अग्गी विवा सव्वभक्खी भवित्ता, इत्तो चुए गच्छइ कटु पावं ॥४७॥ न तं अरी कंठछेत्ता करेइ, जं से करे अप्पणिया दुरप्पा। से नाहिई मच्चुमुहं तु पत्ते, पच्छाणुतावेण दयाविहूणे ॥४८॥ निरट्टिया नग्गरुई उ तस्स, जे उत्तमठे विवज्जासमेइ । इमे वि से नत्थि परे वि लोए, दुहओ वि से झिज्जइ तत्थ लोए ॥४९॥ एमेवऽहाछंदकूसीलरूवे, मग्गं विराहेतु जिणुत्तमाणं । कूररी विवा भोगरसाणुगिद्धा, निरटुसोया परितावमेइ ॥५०॥ सोच्चाण मेहावि! सुभासियं इम, अणुसासणं नाणगुणोववेयं । मग्गं कुसीलाण जहाय सव्वं, महानियंठाण वए पहेणं ॥५१॥ चरित्तमायारगुणन्निए तओ, अणुतरं संजम पालियाणं । निरासवे संखवियाण कम्मं, उवेइ ठाणं विउलुत्तमं धुवं ॥५२॥ एवुग्गदंते वि महातवोधणे, महामुणी महापइन्ने महायसे । महानियंठिज्जमिणं महासुर्य, से काहए महया वित्थरेणं ॥५३॥
४६१
सेणियस्स तुट्टी खमाजायणं च तुट्ठो य सेणिओ राया, इणमुदाहु कयंजली । अणाहत्तं जहाभूयं, सुठ्ठ मे उवदंसियं ॥५४॥ तुझं सुलद्धं खु मणुस्सजम्मं, लाभा सुलद्धा य तुमे महेसी! । तुभ सणाहा य सबंधवा य, जंभे ठिया मग्गि जिणुत्तमाणं ॥५॥ तं सि नाहो अणाहाणं, सव्वभूयाण संजया ! । खामेमि ते महाभाग, इच्छामि अणुसासिउं ॥५६॥ पुच्छिऊण मए तुम्भ, झाणविग्यो उ जो कओ। निमंतिया य भोगेहि, तं सव्वं मरिसेहि मे ॥५७॥ एवं थुणित्ताण स रायसीहो, अणगारसोहं परमाइ भत्तिए । सओरोहो सपरियणो सबंधवो, धम्माणुरत्तो विमलेण चेयसा ॥५॥ ऊससियरोमकूवो, काऊण य पयाहिणं । अभिवंदिऊण सिरसा, अइयाओ नराहिवो ॥५९॥ इयरो वि गुणसमिद्धो, तिगुत्तिगुत्तो तिदंडविरओ य । बिहग इव विप्पमुक्को, विहरइ वसुहं विगयमोहो ॥६०॥
त्ति बेमि ॥
उत्तर० अ०२०।
३३. महावीरतित्थे समुद्दपालीयस्स कहाणयं
४६२ चपाए पालिए नाम, सावए आसि बाणिए । महावीरस्स भगवओ, सीसे सो उ महप्पणो ॥१॥
निग्गंथे पावयणे, सावए से वि कोविए । पोएण ववहरते, पिहुंडं नगरमागए ॥२॥ पिहुंडे वबहरंतस्स, वाणिओ बेइ धूयरं । तं ससत्तं पइगिज्झ, सदेसमह पत्थिओ ॥३॥
पर निगावविपण, साबए सावि याचिए हावारण अपहल, साहस नगरमागए।"
समुद्दे जम्मणं परिणयणाइ य ४६३ अह पालियस्स घरिणी, समुद्दम्मि पसवइ । अह दारए हि जाए, समुद्दपालि त्ति नामए ॥४॥
खेमेण आगए चंपं, सावए वाणिए घरं । संवड्ढई तस्स घरे, दारए से सुहोइए ॥५॥