Page Text
________________
३१. महावीरतित्थे हरिएसबलो
जन्नवाडे भिक्ख? गमणं ४४६ सोबागकुलसंभूओ, गुणुत्तरधरो मुणी। हरिएसबलो नाम, आसी भिक्खू जिइंदिओ॥१॥
इरि-एसण-भासाए, उच्चारसमिईसु य । जओ आयाण-निक्खेवे, संजओ सु-समाहिओ॥२॥ मणगुत्तो वयगुत्तो, कायगुत्तो जिइंदिओ। भिक्खट्टा बंभइज्जम्मि, जन्नवाडमुवट्टिओ॥३॥ तं पासिऊणमेज्जतं, तवेण परिसोसियं । पंतोवहि-उवगरणं, उवहसंति अणारिया ॥४॥ जाईमय-पडिबद्धा, हिंसगा अजिइंदिया। अबंभचारिणो बाला, इमं वयणमब्बवी ॥५॥
हरिएसं दट्टणं माहणरोसो ४४७ कयरे आगच्छद वित्तरूबे ? काले विकराले फोक्कनासे। ओमचेलए पंसुपिसायभूए, संकर दूसं परिहरिय कंठे ॥६॥
कयरे तुम इय अदंसणिज्जे ? काए व आसा इहमागओसि? ओम-चेलया पंसु-पोसायभूया, गच्छ क्खलाहि किमिहं ठिओ सि । ७॥ जक्खकया हरिएसपसंसा जखे तहिं तिदुयरुक्खवासी, अणुकंपओ तस्स महामुणिस्स। पच्छायइत्ता नियगं सरीरं, इमाई वयणाइमुदाहरित्था ॥८॥ समणो अहं संजओ खंभयारी, विरओ धण-पयण-परिग्गहाओ। परप्पवित्तस्स उ भिक्खकाले, अन्नस्स अट्ठा इहमागओ मि ॥९॥ वियरिज्जइ खज्जइ भुज्जइ य, अन्नं पभूयं भवयाणमेयं । जाणेह मे जायण-जीविणो त्ति, सेसावसेसं लहऊ तवस्सी ॥१०॥ जक्खस्स माहणेहिं संवादो माहणा-- उबक्खडं भोयण माहणाणं, अत्तट्टियं सिद्धमिहेगपक्खं । नऊ वयं एरिसमन्नपाणं, दाहामु तुझं किमिहं ठिओ सि?॥११॥ जक्खोथलेसु बीयाइ ववंति कासगा, तहेव निन्नेसु य आससाए। एयाए सद्धाए दलाह मसं, आराहए पुण्णमिणं खु खित्तं ॥१२॥ माहणा-- खेत्ताणि अम्हं विइयाणि लोए, जहि पकिग्णा विरहंति पुण्णा। जे माहणा जाइ-विज्जोववेया, ताई तु खेत्ताई सुपेसलाई ॥१३॥ जक्खो -- कोहो य माणो य बहो य जेसि, मोसं अदत्तं च परिग्गहं च । ते माहणा जाइ-विज्जा-बिहीणा, ताई तु खेत्ताई सुपावयाई ॥१४॥ तुब्भेत्थ भो भारधरा गिराणं, अळं न जाणाह अहिज्ज वेए। उच्चावयाई मुणिणो चरंति, ताई तु खेत्ताई सुपेसलाई ॥१५॥ माहणा-- अज्झावयाणं पडिकूलभासी, पभाससे किं नु सगासि अम्हं ? अवि एवं विणस्सउ अन्नपाणं, न य णं दाहाम तुमं नियंठा !॥१६॥ जक्ख -- समिईहि ममं सुसमाहियस्स, गुत्तीही गुत्तस्स जिइंदियस्स। जइ मे न दाहित्य अहेसणिज्जं, किमज्ज जन्माण लहित्थ लाहं ॥१७॥ माहणा-- के इत्थ खत्ता उवजोइया वा, अज्झावया वा सह खंडिहि । एवं खु दंडेण फलेण हता, कंठमि घेत्तूण खलेज्ज जो णं ॥१८॥
कुमारहिं हरिएसताडणं ४५० अज्झावयाणं वयणं सुणेत्ता, उद्धाइया
तत्थ बहू कुमारा। दंडेहि वित्तेहि कसेहि चैव, समागया तं इसि तालयंति ॥१९॥
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |