Page Text
________________
२७. महावीरतित्थे सुणक्खत्ताइसमणा
४१७ तेणं कालेणं तेणं समएण काकंदी नयरी। जियसत्तू राया ।।
तत्थ णं काकंदीए नयरीए भद्दा नामं सत्यवाही परिवसइ-अड्ढा-जाव-अपरिभूया ॥ तोसे णं भद्दाए सत्थवाहीए पुत्ते सुणक्खत्ते नामं दारए होत्था-अहीण-पडिपुण्ण-पंचेंदियसरीरे-जाव-सुरूवे पंचधाइपरिक्खित्ते जहा धण्णो तहेव। बत्तीसओ दाओ-जाव-उप्पि पासायवडेंसए विहरइ । तेणं कालेणं तेणं समएणं सामी समोसढे-जाव-समोसरणं। जहा धपणे तहा सुणक्खते वि निगए। जहा थावच्चापुत्तस्स तहा निक्खमणं-जाव-अणगारे जाए--इरियासमिए-जाव-गुत्तबंभयारी॥ तए णं से सुणक्खत्ते जं चेव दिवसं समणस्स भगवओ महावीरस्स अंतिए मुंडे भवित्ता अगाराओ अणगारियं पम्वइए तं चेव दिवसं
अभिग्गहं तहेव-जाव-बिलमिव पष्णगभूएणं अप्पाणेणं आहारं आहारेइ, आहारेत्ता संजमेणं तवसा अप्पाणं भावमाणे विहरइ ॥ ४१८ सामी बहिया जगवयविहारं विहरइ । एक्कारस अंगाई अहिज्जइ, संजमेणं तवसा अप्पाणं भावेमाणे विहरइ ।।
तए णं से सुणक्खत्ते अणगारे तेणं ओरालेणं तवोकम्मेणं जहा खंदओ अईव-अईव उवसोभेमाणे उबसोभेमाणे चिट्ठइ ॥ तेणं कालेणं तेणं समएणं रायगिहे नयरे । गुणसिलए चेइए। सेणिए राया। सामी समोसढे। परिसा निग्गया। राया निग्गओ।
धम्मकहा। राया पडिगओ। परिसा पडिगया । ४१९ तए णं तस्स सुणक्खत्तस्स अणगारस्स अण्णया कयाइ पुवरत्तावरत्तकाले धम्मजागरियं जागरमागस्स इमेयारूवे अज्झथिए-जाव
संकप्पे समुप्यज्जित्था, जहा खंदयस्स । बहू वासा परियाओ। गोयमपुच्छा। तहेव कहेइ-जाव-सब्वट्ठसिद्धे विमाणे देवत्ताए उववण्णे । तेतीसं सागरोवमाई ठिई। महाविदेहे वासे सिज्झिहिइ-जाव-सव्व दुक्खाणमंतं काहिइ ॥
अणत्त० ३० ३ अ०२।
४२०
इसिदासादि-कहाणयनिद्देसो एवं सुणक्खत्तगमेणं सेसा वि अट्ठ अज्झयणा भाणियव्वा, नवरं-आणुपुबीए दोण्णि रायगिहे, दोण्णि साकेते, दोण्णि वणियग्गामे, नवमो हत्थिणपुरे, दसमो रायगिहे । नवण्हं भद्दाओ जणणीओ। नवण्ह वि बत्तीसओ दाओ। नवण्हं निक्खमणं थावच्चापुत्तस्स सरिसं । वेहल्लस्स पिया करेइ। छम्मासा वेहल्लए। नव धणे । सेसाणं बहू वासा। मासं संलेहणा। सव्वट्ठसिद्धे। सव्वे महाविदेहे सिज्झिस्संति-जाव-सव्वदुक्खाणमंतं करिस्संति ।।
अणुत्त० १०३, अ० ३-१०।
२८. महावीरतित्थे सुबाहुकुमारसमणे
४२१
सुबाहू भद्दनंदी य, सुजाए य सुवासवे। तहेव जिणदासे य, धणवई य महब्बले ॥ भद्दनंदी महच्चंदे, वरदत्त तहेव य॥१॥
सुबाहुकुमार जम्म-परिणयाई ४२२ तेणं कालेणं तेणं समएणं हत्थिसीसे नामं नयरे होत्था-रिथिमियसमिद्धे । वण्णओ॥
तस्स णं हत्थिसीसस्स बहिया उत्तरपुरथिमे दिसीभाए, एत्थ णं पुप्फकरंडए नाम उज्जाणे होत्था--सव्वोउय-पुप्फ-फल-समिद्धे वष्णओ॥
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |