Page Text
________________
महावीरतित्थे सत्यवाहपुत्ते धण्णे अणगारे
१०१
धण्णस्स णं अणगारस्स जंधाणं अयमेयारूवे तव-रूव-लावणे होत्था-- से जहानामए काकजंघा इ वा कंकजंघा इ वा ढेणियालियाजंधा इवा,एवामेव धण्णस्त अणगारस्स जंघाओ सुक्काओ लुक्खाओ निम्मंसाओ अट्ठि-चम्म-छिरसाए पण्णायंति, नो चेव णं मंस-सोणियत्ताए। धणस्स णं अणगारस्स जाणूणं अयमेयारूवे तव-रूव-लावण्णे होत्था-- से जहानामए कालिपोरे इ वा मऊरपोरे इ वा, ढेणियालियापोरे इवा, एवामेव धण्णस्स अणगारस्स जाणू सुक्का लक्खा निम्मंसा अट्ठि-चम्म-छिरत्ताए पण्णायंति, नो चेव णं मंस-सोणियत्ताए। धण्णस्स णं अणगारस्स ऊरूणं अयमेयारूवे तव-रूब-लावणे होत्था-- से जहानामए सामरिल्ले इ वा बोरीकरिल्ले इ वा सल्लइकरिल्ले इ वा सामलिकरिल्ले इ वा तरुणए छिण्णे उण्हे दिण्णे सुक्के समाणे मिलायमाणे मिलायमाणे चिट्ठइ, एवामेव धण्णस्स अणगारस्स ऊरू सुक्का लुक्खा निम्मंसा अट्टि-चम्म-छिरत्ताए पषणायंति, नो चेव णं मंस-सोणियत्ताए। धण्णस्स णं अणगारस्स कडिपत्तस्स अयमेयारूवे तव-रूव-लावण्णे होत्थासे जहानामए उट्टपादे इ वा जग्गपाए इ वा महिसपाए इ वा, एवामेव धण्णस्स अणगारस्त कडिपत्ते सुक्के लुक्खे निम्मंसे
अद्विचम्म-छि रत्ताए पण्णायति, नो चेव णं मंस-सोणियत्ताए । ४१० धणस्स णं अणगारस्स उदर-भायणस्स अयमेयारूवे तव-रूव-लावण्णे होत्था--
से जहानामए सुक्क-दिए इ वा भज्जणय-कभल्ले इ वा कट-कोलंबए इ वा, एवामेव धणस्स अणगारस्स उदरं सुक्क लुक्खं निम्मंसं चम्म-छिरत्ताए पण्णायति, नो चेव णं मंस-सोणियत्ताए । धण्णस्स णं अणगारस्स पासुलिय-कडयाणं अयमेयारूवे तव-रूव-लावण्णे होत्था-- से जहानामए थासयावली इ वा पाणावली इ वा मुंडावली इ वा, एवामेव धण्णस्स अणगारस्स पासुलिय-कडया सुक्का लुक्खा निम्मंसा अट्ठि-चम्म-छिरत्ताए पण्णायंति, नो चेव णं मंस-सोणियत्ताए। धण्णस्स णं अणगारस्स पिट्ठि-करंडयाणं अयमेयारूवे तव-रूव-लावण्णे होत्था-- से जहानामए कण्णावली इ वा गोलावली इ वा वट्टयावली इ वा, एवामेव धगणस्त अणगारस्स पिट्ठि-करंडया सुक्का लुक्खा निम्मंसा अट्ठि-चम्म-छिरत्ताए पण्णायंति, नो चेव णं मंस-सोणियत्ताए। धग्णस्म णं अणगारस्स उर-कडयस्स अयमेयारूवे तव-रूव-लावण्णे होत्था-- से जहानामए चित्तकट्टरे इ वा वीयणपत्ते इ वा तालियंटपत्ते इ वा, एवामेव धण्णस्स अणगारस्स उर-कडए सुक्के लुक्खे निम्मंसे अट्ठि-चम्म-छिरत्ताए पण्णायति, नो चेव णं मंस-सोणियत्ताए। धण्णस्स णं अणगारस्स बाहाणं अयमेयारूवे तव-रूव-लावण्णे होत्थासे जहानामए समिसंगलिया इ वा वाहायासंगलिया इ वा अगत्थियसंगलिया इ वा, एवामेव धण्णस्स अणगारस्स बाहाओ सुक्काओ लुक्खाओ निम्मंसाओ अट्ठि-चम्म-छिरत्ताए पण्णायंति, नो चेव णं मंस-सोणियत्ताए॥ धण्णस्स णं अणगारस्स हत्थाणं अयमेयारूवे तव-रूव-लावण्णे होत्थासे जहानामए सुक्कछगणिया इ वा वडपत्ते इ वा पलासपत्ते इ वा, एवामेव धण्णस्स अणगारस्स हत्था सुक्का लुक्खा निम्मंसा अट्ठि-चम्म-छिरत्ताए पण्णायंति, नो चेव णं मंस-सोणियत्ताए। धण्णस्स णं अणगारस्स हत्थंगुलियाणं अयमेयारूवे तव-रूव-लावण्णे होत्थासे जहानामए कलसंगलिया इ वा मग्गसंगलिया इ वा माससंगलिया इ वा तरुणिया छिण्णा आयवे विण्णा सुक्का समाणी मिलायमाणी मिलायमाणी चिट्ठति, एवामेव धण्णस्स अणगारस्स हत्थंगुलियाओ सुक्काओ लुक्खाओ निम्मंसाओ अट्रि-चम्म-छिरत्ताए पण्णायंति, नो चेव णं मंस
सोणियत्ताए। ४११ धण्णस्स णं अणगारस्स गोवाए अयमेयारूवे तव-रूव-लावणे होत्था
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |