Page Text
________________
१४. जियसत्तु-सुबुद्धिकहाणयं
चंपानयरीए जितसत्तुराया सुबुद्धिअमच्चे य २२७ तेणं कालेणं तेणं समएणं चंपा नाम नयरी। पृष्णभद्दे चेइए। जियसत्तू राया। धारिणी देवी। अदीणसत्तू कुमारे जुवराया वि
होत्या। सुबुद्धी अमच्चे-जाव-रज्जधुराचितए, समणोवासए । फरिहोदगवण्णओ तीसे णं चंपाए नयरीए बहिया उत्तरपुरस्थिमेणं एगे फरिहोदए यावि होत्था-मेय-वसा-रुहिर-मंस-पूय-पडल-पोच्चडे मयग-कलेवरसंछपणे अमणुण्ण चण्णणं अमणुपणे गंधेणं अमणुण्णे रसेणं अमणुण्णे फासेणं, से जहानामए--अहिमडे इ वा गोमडे इ वा - जावमय-कुहिय-विणढ-किमिण-वावण्ण-दुरभिगंधे किमिजालाउले संसते असुइ-विगय-बीभच्छ-दरिसणिज्जे। भवेयारूवे सिया ? नो इग? सम8 । एत्तो अणिद्वैतरराए चेव अकंततराए चेव अप्पियतराए चेव अमणुष्णतराए चेव अमणामतराए चेव गंधणं पण्णत्ते ॥
२२८
२२९
जियसत्तुणा पाणभोयणपसंसा तए णं से जियसत्तू राया अण्णया कयाइ हाए कयबलिकम्मे-जाव-अप्पमहग्घाभरणालंकियसरीरै बहूहिं राईसर-जाव-सत्यवाहपभिईहिं सद्धि भोयणमंडवंसि भोयणवेलाए सुहासणवरगए विउलं असणं पाणं खाइमं साइमं आसाएमाणे विसाएमाणे परिभाएमाणे परिभुंजेमाणे एवं च णं विहरइ । जिमियभुत्तुत्तरागए वि य णं समाणे आयंते चोक्खे परमसुइभूए तसि विपुलंसि असण-पाण-खाइमसाइमंसि जायविम्हए ते बहवे राईसर-जाव-सत्यवाहपभिईओ, एवं वयासी-- अहो णं देवाणुप्पिया ! इमे मणुण्णे असण-पाण-खाइम-साइमे वण्णेणं उववए गंधेणं उववेए रसेणं उववेए फासेणं उववेए अस्सायणिज्जे विसायणिज्जे पीणणिज्जे दीवणिज्जे दप्पणिज्जे मयणिज्जे बिहणिज्जे सन्विदियगाय-पल्हायणिज्जे॥ तए णं ते बहवे राईसर-जाव-सत्यवाहपभिईओ जियसत्तुं रायं एवं वयासीतहेव णं सामी ! जण्णं तुम्भे वयह-अहो णं इमे मणुण्णे असण-पाण-खाइम-साइमे वण्णणं उववेए-जाव-सविदियगाय-पल्हायणिज्जे॥
यस्त राया मुद्धा ! इमेणा रणा दोन विम्ह
सुबुद्धिणा पुग्गलस्स सुहासुहपरिणमणकहणं २३० तए णं जियसत्तू राया सुबुद्धि अमच्चं एवं वयासी
अहो णं देवाणुप्पिया सुबुद्धी! इमे मणुष्णे असण-पाण-खाइम-साइमे-जाव-सविदियगाय-पल्हायणिज्जे ॥ तए णं सुबुद्धी जियसत्तुस्स रण्णो एयमट्ठनो आढाइ नो परियाणाइ तुसिणीए संचिट्रइ । तए णं जियसत्तू राया सुबुद्धि दोच्चं पि तच्चं पि एवं वयासी-- अहो णं देवाणुप्पिया सुबुद्धी ! इमे मणुण्णे असण-पाण-खाइम-साइमे-जाव-सविदियगायपल्हायणिज्जे ॥ तए णं से सुबुद्धी अमच्चे जियसत्तुणा रण्णा दोच्चं पि तच्चं पि एवं वुत्ते समाणे जियसत्तुं रायं एवं वयासी-'नो खलुस ामी ! अम्हं एयंसि मणुण्णंसि असण-पाण-खाइम-साइमंसि केइ विम्हए। एवं खल सामी ! सुबिभसहा वि पोग्गला दुबिभसद्दत्ताए परिणमंति, दुरिभसद्दा वि पोग्गला सुन्भिसद्दत्ताए परिणमंति । सुरुवा वि पोग्गला दुरूवत्ताए परिणमंति, दुरूवा वि पोग्गला सुरूवत्ताए परिणमंति । सुब्भिगंधा वि पोग्गला दुब्भिगंधत्ताए परिणमंति, दुन्भिगंधा वि पोग्गला सुबिभगंधत्ताए परिणमंति। सुरसा वि पोग्गला दुरसत्ताए परिणमंति, दुरसा वि पोग्गला सुरसत्ताए परिणमंति। सुहफासा वि पोग्गला दुहफासत्ताए परिणमंति, दुहफासा वि पोग्गला सुहफासत्ताए परिणमंति, पओग-वीससा-परिणया वि य णं सामी! पोग्गला पण्णत्ता॥" तए णं जियसत्तू राया सुबुद्धिस्स अमच्चस्स एवमाइक्खमाणस्स भासमाणस्स पण्णवेमाणस्स परूवमाणस्स एयमट्ठनो आढाइ नो परियाणाई तुसिणीए संचिट्ठइ ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |