________________
१०. जालिआई समणा
गाहा-१. जालि. २. मयालि. ३. उवयालि, ४. पुरिससेणे य५. वारिसेणे य ।
६. पज्जुन्न ७. संबई. अनिरुद्धे, ९ सच्चनेमी य १०. दहनेमी ॥१॥ १६२ तेणं कालेणं तेणं समएणं बारवई नयरी। तीसे णं बारवईए-नयरीए-जाव-कण्हे वासुदेवे आहेवच्चं-जाव-कारेमाणे पालेमाणे विहर ॥
तत्थ णं बारवईए नगरीए वसुदेवे राया।धारिणी देवी-वण्णओ जहा गोयमो, नवरं-जालिकुमारे । पण्णासओ दाओ । बारसंगी। सोलस वाला परियाओ । सेसं जहा गोयमस्स-जाव-सेत्तुंजे सिदे॥ एवं-मयाली उवयाली पुरिससेणे य वारिसेणे य । एवं-पज्जुण्ण वि, नवरं-कण्हे पिया, रुप्पिणी माया । एवं-संबे वि, नवरं-अंबवई माया। एवं--अणिरुद्ध वि, नवरं-पज्जुण्णे पिया, वेदङमी माया । एवं-सच्चणेमी, नवरं--समुद्दविजए पिया, सिवा माया। एवं-दढणेमी वि सव्वे एगगमा ॥
अंत० व० ४, अ० १-१० ।
११. अरिट्टनेमितित्थे थावच्चापुत्ते अण्णे य
बारवईए कण्हो वासुदेवो
गरीए बहिया
यर-कोच-सारस्व
त्रिपणे निच
तेणं कालेणं तेणं समएणं बारवती नाम नयरी होत्था-पाईणपडीणायया उदोणवाहिणवित्थिण्णा नवजोयणवित्थिण्णा दुवालसजोयणायामा धणवइ-मइ-निम्मिया चामीयर-पवर-पागारा नाणामणि-पंचवण्णकविसीसग-सोहिया अलकापुरि-संफासा पमइय-पक्कीलिया पच्चक्खं देवलोगभूया ॥ तीसे गं बारवईए नयरीए बहिया उत्तरपुरत्थिमे दिसीभाए रेवतगे नाम पन्वए होत्था-सुंगे गगणतलमणुलिहंतसिहरे नाणाविहगुच्छ-गुम्म-लया-वल्लिपरिगए हंस-मिग-मयूर-कोंच-सारस-चक्कवाय-मयणसाल-कोइलकुलोववेए अणेगतड-कडग-वियर-उज्झर-पवायपन्भारसिहरपउरे अच्छरगण-देवसंघ-चारण-विज्जाहरमिहुणसंविचिण्णे निच्चच्छणए दसारवर-वीरपुरिस-तेलोक्क-बलवगाणं, सोमे सुभगे पियदसणे सुरुवे पासाईए दरिसणीए अभिरूवे पडिरूवे ॥ तस्स णं रेवयगस्स अदूरसामंते, एत्थ णं नंदणवणे नामं उज्जाणे होत्था-सव्वोज्य-पुप्फ-फल-समिद्धे रम्मे नंदणवणप्पगासे पासाईए दरिसणए अभिरूवे पडिरूवे ॥ तस्स णं उज्जाणस्स बहुमज्झदेसभाए सुरप्पिए नामं जक्खाययणे होत्था-दिव्वे वण्णओ॥ तत्थ गं बारवईए नयरीए कण्हे नामं वासुदेवे राया परिवसइ । से णं तत्थ समुद्दविजयपामोक्खाणं दसहं दसाराणं-जाव-अणेसि च बहूणं ईसर-तलवर-माडंबिय-कोडुबिय-इन्भ-सेट्ठि-सेणावइ-सत्थवाहपभिईणं, वेयड्ढगिरि-सागरपेरंतस्स य शहिणड्ढ-भ रहस्स, बारवईए नयरीए आहेवच्चं-जाव-पालेमाणे विहरइ ॥
Jain Education International
For Private & Personal Use Only
www.jainelibrary.org
