Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 271

धम्मकहाणुओगे दुतीयो खंधो
बंभदत्तण चित्तं पडिभोगासेवणामंतणं ७१ उच्चोयए मह कक्के य बंभे, पवेइया आवसहा य रम्मा । इमं गिहं चित्तधणप्पभूयं, पसाहि पंचालगुणोववेयं ॥१३॥
नदेहि गीएहि य वाइएहि, नारीजणाहिं परिवारयंतो । भुंजाहि भोगाइ इमाइ भिक्खू ! मम रोयई पव्वज्जा ह दुक्खं ॥१४॥
चित्तमणिणा कामभोगस्स निन्दणं ७२ तं पुव्वनेहेण कयाणुरागं, नराहिवं कामगुणेसु गिद्ध । धम्मस्सिओ तस्स हियाणुपेही, चित्तो इमं वयणमुदाहरित्था ॥१५॥
सव्वं विलवियं गोयं, सव्वं नर्से विडंबियं । सव्वे आभरणा भारा, सव्वे कामा दुहावहा ॥१६॥ बालाभिरामेसु दुहावहेसु, न तं सुहं कामगुणेसु रायं ! विरत्त कामाण तवोधणाणं, जं भिक्खुण सीलगुणे रयाणं ॥१७॥ नरिंद ! जाई अहमा नराणं, सोवागजाई दुहओ गयाणं । जहि वयं सव्वजणस्स वेसा, वसीय सोवागनिवेसणेसु ॥१८॥ तीसे अ जाईइ उ पावियाए, बुच्छामु सोवागनिवेसणेसु । सव्वस्स लोगस्स दुगंछणिज्जा, इहं तु कम्माई पुरे कडाइं ॥१९॥ सो दार्णािस राय! महाणुभागो, महिड्ढिओ पुण्णफलोववेओ। चइत्तु भोगाइं असासयाई, आदाणहेउं अभिणिक्खमाहि ॥२०॥ इह जीविए राय ! असासयम्मि, धणियं तु पुण्णाइ अकुब्वमाणो । से सोयइ मच्चुमु होवणीए, धम्म अकाऊण परंसि लोए ॥२१॥ 'जहेह सोहो व मियं गहाय', मच्चू नरं नेइ हु अंतकाले। न तस्स माया व पिया व भाया, कालम्मि तम्मंसहरा भवंति ॥२२॥ न तस्स दुक्खं विभयंति नाइओ, न मित्तवग्गा न सुया न बंधवा । एक्को सयं पच्चणुहोड दुक्ख, कत्तारमेवं अणुजाइ कम्मं ॥२३॥ चिच्चा दुप्पयं च चउप्पयं च, खेत्तं गिहं धणधन्नं च सव्वं । सकम्मबीओ अवसो पयाइ, परं भवं सुंदरपावगं वा ॥२४॥ तं एक्कगं तुच्छसरीरगं से, चिईगयं दहिय उ पावगेणं । भज्जा य पुत्ता वि य नायओ य, दायारमन्नं अणुसंकमंति ॥२५॥ उवणिज्जई जीवियमप्पमायं, वणं जरा हरइ नरस्स रायं ! पंचालराया ! बयणं सुणाहि, मा कासि कम्माइ महालयाई ॥२६॥
बंभदत्तण अप्पणो नियाणकरणवण्णणं ७३ अहं पि जाणामि जहेइ साहू, जं मे तुम साहसि वक्कमेयं । भोगा इमे संगकरा हवंति, जे दुज्जया अज्ज ! अम्हारिसेहि ॥२७॥
हत्थिणपुरम्मि चित्ता ! दट्ठणं नरवई महिड्ढियं । कामभोगेसु गिद्धेणं, नियाणमसुहं कडं ॥२८॥ तस्स मे अप्पडिकंतस्स, इमं एयारिसं फलं । जाणमाणो वि जं धम्म, कामभोगेसु मुच्छिओ ॥२९॥ "नागो जहा" पंकजलावसन्नो, दलृ थलं नाभिसमेइ तीरं। एवं वयं कामगुणेसु गिद्धा, न भिक्खुणो मग्गमणुव्वयामो ॥३०॥
चित्तमणिणा अज्जकम्मकरणोवएसो अच्चेइ कालो तूरंति राइओ, न या वि भोगा पुरिसाण निच्चा । उविच्च भोगा पुरिसं चयंति, दुर्म जहा खीणफलं व पक्खी ॥३१॥ जई सि भोगे चइउं असत्तो, अज्जाइ कम्माइ करेहि रायं ! धम्मे ठिओ सव्व-पयाणुकंपी, तो होहिसि देवो इओ विउव्वी ॥३२॥ न तुज्झ भोगे चइऊण बुद्धी, गिद्धोसि आरंभ-परिग्गहेसु । मोहं कओ एत्तिउ विप्पलावो, गच्छामि रायं ! आमंतिओसि ॥३३॥
बंभदत्तस्स निरयवासो ७५ पंचालराया वि य बंभदत्तो, साहुस्स तस्स वयणं अकाउं । अणुत्तरे भुंजिय कामभोगे, अणुत्तरे सो नरए पविट्ठो ॥३४॥
चित्तस्स सिद्धी ७६ चित्तो वि कामेहि विरत्तकामो, उदग्गच रित्ततवो महेसी । अणुत्तरं संजमं पालइत्ता, अणुत्तरं सिद्धिगई गओ ॥३५॥
॥त्ति बेमि ॥
उत्त० अ०१३