Page Text
________________
३. मुणिसुव्वयतित्थे गंगदत्तो
गंगदत्तस्स पुव्वभव - पुच्छा
६१ अहो भंते ! गंगदत्ते देवे महिड्दिए महज्जुइए महम्बले महायसे महेसक्खे ।
गंगदत्तणं भंते ! देवेणं सा दिव्वा देविड्ढी सा दिव्वा देवज्जुती किष्णा लद्धा जाव अभिसमण्णागया ?
६२ गोयमादी ! समणे भगवं महावीरे भगवं गोयमं एवं बयासी --
एवं खलु गोयमा ! तेणं कालेणं तेणं समएणं इहेब जंबुद्दीवे दीवे भारहे वासे हत्थिणापुरे नामं नगरे होत्था -- वण्णओ । सहसंबवणे उज्जाणे -- वण्णओ ।
तत्थ णं हत्थिणापुरे नगरे गंगदत्ते नाम गाहावती परिवसति-- अड्ढे जाव- बहुजणस्स अपरिभूए ।
हथिणारे मुणिसुव्वयागमणं, गंगदत्तेण य धम्मसवणं
६३ तेणं कालेणं तेणं समएणं मुणिसुव्वए अरहा आदिगरे- जाव- सव्वण्णू सव्ववरिसी - जाव सीसगणसंपरिवुडे पुव्वाणुपुव्यि चरमाणे गामाणुगामं वइज्जमाणे सुहंसुहेणं विहरमाणे जेणेव हत्थिणापुरे नगरे जेणेव सहसंब-वणे उज्जाणे - जाव- विहरति । परिसा निग्गया- जाव- पज्जुवा सति ।
1
६४ तए णं से गंगदत्ते गाहावती इमीसे कहाए लट्ठे समाने हतुट्ठे पहाए कयबलिकम्मे - जाव- अप्पमहग्घाभरणालंकियसरीरे साओ गिहाओ पडिनिक्खमति, पडिनिक्खमित्ता पायविहारचारेणं हत्थिणापुरं नगरं मज्झमज्झेणं निग्गच्छति, निग्गच्छित्ता जेणेव सहसंबवणे उज्जाणे, जेणेव मुणिसुव्वए अरहा तेणेव उवागच्छइ, उवागच्छिता मुणिसुव्वयं अरहं तिक्खुत्तो आयाहिणपयाहिणं करेइ-जाब - तिविहाए पज्जुवासणाए पज्जुवासति ।
तए णं मुनिसुव्वए अरहा गंगदत्तस्स गाहावतिस्स तीसे य महतिमहालियाए परिसाए धम्मं परिकहेइ - जाव-परिसा पडिगया ॥
तए णं से गंगदत्ते गाहावती मुनिसुव्वयस्स अरहओ अंतियं धम्मं सोच्चा निसम्म हट्ठतुट्ठे उट्ठाए, उट्ठेति, उट्ठेत्ता मुणिसुव्वयं अरहं वंदs नमसइ, वंदित्ता नमसित्ता एवं वयासी-
सहामि णं भंते ! निग्गंथं पावयणं- जाव से जहेयं तुभे वदह, जं नवरं देवाणुप्पिया ! जेट्ठपुत्तं कुडुंबे ठावेमि, तए णं अहं देवाप्पियाणं अंतियं मुंडे भवित्ता अगाराओ अणगारियं पव्वयामि ।
अहासु देवाणुपिया ! मा पडिबंधं करेह |
गंगदत्तस्स पव्वज्जा, देवत्तं य
६५
तए णं से गंगदत्ते गाहाबई मुणिसुव्वएणं अरया एवं वृत्ते समाणे तुट्ठे मुणिसुव्वयं अरहं वंदइ नमसइ, वंदित्ता नमसित्ता मुणिसुव्वयस्स अरहओ अंतियाओ सहसंबवणाओ उज्जाणाओ पडिनिक्खमति, पडिनिक्खमित्ता जेणेव हत्थिणापुरे नगरे जेणेव सए गिहे तेव उवागच्छति, उवागच्छित्ता विउलं असण- पाण- खाइम साइमं उवक्खडावेति, उवक्खडावेत्ता मित्त-नाइ नियग-सयण-संबंधि-परियणं आमंतेति, आमंतेत्ता तओ पच्छा व्हाए जहा पूरणे जाव- जेट्टपुत्तं कुटुंबे ठावेति । तं मित्त-नाइ-नियग-सयण-संबंधि-परियणं जेट्ठपुत्तं च आपुच्छर, आपुच्छित्ता पुरिससहस्सवार्हाणि सीयं दुरुहति, दुरुहित्ता मित्त-नाइ-नियग-सयण-संबंधि-परिजणेणं जेट्टपुत्तेण य समणुगम्ममाणमग्गे सव्विड्ढीए - जाव- दुंदुहि निग्घोसना दितरवेणं हत्थिणागपुरं मज्झमज्झेणं निग्गच्छ, निग्गच्छित्ता जेणेव सहसंबवणे उज्जाणे तेणेव उवागच्छड, उवागच्छिता छत्तादिते तित्थगिरातिसए पासति । एवं जहा उद्दायणे जाव सयमेव आभरणे ओमुयइ,
Jain Education International
For Private Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |