Page Text
________________
११ बलदेव-वासुदेवसामण्णं बलदेव-वासुदेवाणं पिउ-माउयाइ ६१५ जंबुद्दीवे णं दीवे भरहे वासे इमोसे ओसप्पिणीए नव बलदेव-वासुदेवपितरो होत्था, तं जहा
गाहा- पयावती य बंभे रोद्दे सोमे सिवे ति य । महसिहे अग्गिसिहे नवमे य वसुदेवे ॥१॥
६१६ जंबुद्दीवे णं दोबे भरहे वासे इमीसे ओसप्पिणीए णव वासुदेवमायरो होत्था, तं जहा___ गाहा- मियावई उमा चेव, पुहवी सीया य अम्मया । लच्छिमती सेसवती, केकई देवई इ य ॥१॥
६१७ जंबुद्दीवे णं दीवे भरहे वासे इमोसे ओसप्पिणीए णव बलदेवमायरो होत्था, तं जहा
गाहा-- भद्दा तह सुभद्दा य, सुप्पभा य सुदंसणा । विजया य वेजयंती, जयंती अपराइया ॥१॥ णवमिया रोहिणी, बलदेवाण मायरो ।
६१८ जंबुद्दोवे णं दीवे भरहे वासे इमाए ओसप्पिणीए नव दसारमंडला होत्था, तं जहा
उत्तमपुरिसा मज्झिमपुरिसा पहाणपुरिसा ओयंसी तेयंसो वच्चंसी जसंसो छायंसी कंता सोमा सुभगा पियदसणा सुरूवा सुहसीला सुहाभिगमा सव्वजण-णयण-कंता ओहबला अतिबला महाबला अणिहता अपराइया सत्तुमद्दणा रिपुसहस्स-माणमहणा साणुक्कोसा अमच्छरा अचवला अचंडा मियमंजुल-पलाव-हसिया गंभीर-मधुर-पडिपुण्ण-सच्चवयणा अब्भुवगय. वच्छला सरण्णा लक्खण-वंजण-गुणोववेया माणुम्माण-पमाण-पडिपुण्ण-सुजात-सव्वंग-सुंदरंगा ससि-सोमागार-कंत-पिय-दसणा अमरिसणा पयंडदंडप्पन्भारा गंभीर-दरिसणिज्जा तालद्धउग्विद्ध-गरुल-केऊ महाधणु-विकड्ढगा महासत्तसागरा दुद्धरा धणुद्धरा धीरपुरिसा जुद्ध-कित्तिपुरिसा विउलकुल-समुन्भवा महारयण-विहाडगा अद्धभरहसामी सोमा रायकुल-वंस-तिलया अजिया अजियरहा हल-मुसल-कणग-पाणी संख-चक्क-गय-सत्ति-नंदगधरा पवरुज्जल-सुक्कंत-विमल-गोत्थुभ-तिरीडधारी कुंडलउज्जोइयाणणा पुंडरीय-णयणा एकावलि-कंठलइय-वच्छा सिरिवच्छ-सुलंछणा बरजसा सव्वोउय-सुरभि-कुसुम-सुरइत-पलंबसोभंत-कंत-विकसंत-विचित्त-वरमाल-रइयवच्छा अट्ठसय-विभत्त-लक्खण-पसत्य-सुंदर-विरइयंगमंगा मत्तगयरिंद-ललिय-विक्कमबिलसियगई सारय-नवथणियमधुर-गंभीर-कोंचनिग्योस-दुंदुभिसरा कडिसुत्तगनील-पीय-कोसेयवाससा पवरदित्त-तेया नरसीहा नरवई नरिंदा नरवसभा मरुयवसभकप्पा अन्भहियं राय-तय-लच्छीए दिप्पमाणा नीलग-पीतग-वसणा दुवे दुवे रामकेसवा भायरो होत्या, तं जहासंगहणी-गाहाओ-तिविठू य दुविठू य, सयंभू पुरिसुत्तमे । पुरिससोहे तह पुरिसपुंडरीए, दत्ते नारायणे, कण्हे ॥१॥
- अयले, विजए भद्दे, सुप्पभे य सुदंसणे । आणंदे णंदणे, पउमे रामे यावि अपच्छिमे ॥२॥ ६१९ एतेसि णं णवण्हं बलदेव-वासुदेवाणं पुव्वविया नव-नव नामधेज्जा होत्या, तं जहा
विस्सभूई पन्वयए, धणदत्त समुदत्त इिसिवाले । पियमित्त ललियमित्ते, पुणव्वस गंगदत्ते य ॥१॥ एयाई नामाई, पुवभवे आसि वासुदेवाणं । एत्तो बलदेवाणं, जहक्कम कित्तइस्सामि ॥२॥ विसनंदी सुबंधू य, सागर दत्ते असोगललिए य । वाराह धम्मसेणे, अपराइय रायललिए य ॥३॥
६२० एतेसि णं नवण्हं वासुदेवाणं पुव्वभविया नव धम्मारिया होत्था, तं जहागाहाओ-संभूत सुभद्दे सुदंसणे, य सेयंसे कण्ह गंगदत्ते य । सागरसमुद्दनामे, दुमसेणे य णवमए ॥१॥
एते धम्मायरिया, कित्तीपुरिसाण वासुदेवाणं । पुब्वभवे आसिण्हं, जत्थ निदाणाई कासी य ॥२॥ ६२१ एएसि णं नवण्हं वासुदेवाणं पुब्वभवे नव नियाणभूमीओ होत्था, तं जहा
महरा य कणगवत्थू, सावत्थी पोयणं च रायगिहं । कायंदी कोसंबी, मिहिलपुरी हत्थिणपुरं च ॥१॥ एतेसि णं नवण्हं वासुदेवाण नियाणकारणा होत्था, गावी जुवे य संगामे इत्थी पराइयो रंगे । भज्जाणुराग गोट्ठी,, पराइड्ढी माउयाइ य ॥१॥
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |