Page Text
________________
१३८
धम्मकहाणुओगे पढमखंधे ५८५ तए णं से भरहे केवली सत्तत्तरि युब्बसयसहस्साई कुमारवासमझे वसित्ता', एगं वाससहस्सं मंडलियरायमझे वसित्ता,
छ पुव्वसयसहस्साई वाससहस्सूणगाई महारायमज्झे वसित्ता, तेसोइपुव्वसयसहस्साई अगारवासमझे वसित्ता, एगं पुव्वसयसहस्सं देसूणगं केवलिपरियायं पाउणिता तमेव बहुपडिपुण्णं सामण्णपरियायं पाउणित्ता चउरासीइपुष्वसयसहस्साई सवाउयं पाउणित्ता मासिएणं भत्तेणं अपाणएणं सबणेणं णक्खत्तेणं जोगमुवागएणं खीणे वेयणिज्जे आउए णामे गोए कालगए वीइक्कत समुज्जाए छिण्ण-जाइ-जरामरण-बंधणे सिद्धे बुद्धे मुत्ते परणिव्वुडे अंतगडे सव्वदुक्खप्पहीणे ॥ इइ भरहचक्किचरियं समतं ॥
जंबु० ब० ३ भरहस्स णं रण्णो चाउरंतचक्कवट्टिस्स अट्ठपुरिसजुगाई अणुबद्धं सिद्धाई-जाव-सव्वदुक्खप्पहीणाइं तं जहा–१ आइच्चजसे, २ महासच्चे, ३ अइबले, ४ महाबले, ५ तेयवोरिए ६ कित्तविरए । ७ दंडवीरिए, ८ जलवीरिए ॥ ..
ठाणं अ० ८, सु० ६१६ ।।
१० चक्कवट्टिसामण्णं अड्ढाइज्जेसु दीवेसु चक्कवट्टिविजया ५८६ जंबुद्दीवे णं दीवे चउत्तीसं चक्कट्टि विजया पण्णता, तं जहाबत्तीसं महाविदेहे, दो भरहेरवए ।
सम० स० ३४, सु० २। ५८७ जंबुद्दीवे दीवे मंदरस्स पब्वयस्त पुरथिने णं सीताए महाणदीए उत्तरे णं अट्ठ चक्कट्टिविजया पण्णत्ता, तं जहा
कच्छ, सुकच्छे, महाकच्छे, कच्छगावती, आवत्ते, मंगलावत्ते, पुक्खले, पुक्खलावती । जंबुद्दीवे दीवे मंदरस्स पब्वयस्स पुरथिमे णं सीताए महाणदीए दाहिणे णं अट्ठ चक्कट्टिविजया पण्णत्ता, तं जहावच्छे, सुवच्छे, महावच्छे, वच्छगावतो, रम्म, रम्मगे, रमणिज्जे, मंगलावती । जंबुद्दीवे दीवे मंदरस्स पव्वयस्स पच्चत्थिमे णं सोतोयाए महाणदीए दाहिणे णं अट्ठ चक्कवट्टिविजया पण्णत्ता, तं जहापम्हे, सुपम्हे, महापम्हे, पम्हगावती, संखे, गलिणे, कुमुए, सलिलावती । जंबुद्दीवे दीवे मंदरस्स पव्वयस्स पच्चत्थिमे गं सीतोयाए महाणदीए उत्तरे गं अट्ठ चक्कवट्टिविजया पण्णत्ता, तं जहा
वप्पे, सुबप्पे महावप्पे, वप्पगावती, वग्गू, सुवग्गू, गंधिल्ले, गंधिलावती । ५८८ जंबुद्दीवे दीवे मंदरस्स पव्वयस्स पुरथिमे गं सीताए महाणदीए उत्तरे णं अट्ठ रायहाणीओ पण्णत्ताओ, तं जहा
खेमा, खेमपुरी, रिट्ठा, रिठ्ठपुरी, खग्गी, मंजूसा, ओसधी, पुंडरीगिणी ।। जंबुद्दीवे दीवे मंदरस्स पव्वयस्स पुरथिमे णं सीताए महाणईए दाहिणे णं अट्ठ रायहाणीओ पण्णत्ताओ, तं जहासुसीमा, कुंडला, अपराजिया, पभंकरा, अंकावई, पम्हावई, सुभा, रयणसंचया ।। जंबुद्दीवे दीवे मंदरस्स पव्वयस्स पच्चत्यिमे णं सीओदाए महाणदीए दाहिणे णं अट्ठ रायहाणीओ पण्णत्ताओ, तं जहाआसपुरा, सीहपुरा, महापुरा, विजयपुरा, अवराजिता, अरया, असोया, वीतसोगा । जंबुद्दीवे दीवे मंदरस्स पव्वयस्स पच्चत्थिमे णं सोतोयाए महाणईए उत्तरे णं अट्ठ रायहाणीओ पण्णत्ताओ, तं जहा
१ सम० ७७ सु०१। २ भरहे णं राया चाउरंतचक्कवट्टी छ पुव्वसयसहस्साई महाराया हुत्था ।
ठाणं० अ० ६, सु० ५१९। भरहे णं राया चा उरंतचट्टी छ पुवमयसहस्साई रायमज्झे वसित्ता मुंडे भवित्ता अगाराओ अणगारियं पव्वइए ।
सम० सु० १२९। ३ सम० ८३ सु० ४। ४ (क) सम० ८४, सु० २। (ख) चक्कीणं सव्वाउ - गाहाओ- चउरासीती बावत्तरी य, पुब्वाण सयसहस्साई । पंच य तिन्नि य एगं च, सयसहस्सा उ वासाणं ॥१।। पचाणउतिसहस्सा चउरासीती य अट्ठमे सट्ठी। तीसा य दस य तिन्नि य, अपच्छिमे सत्त वाससया ।।२॥
आव. नि. गा० ३९५, ३९६।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |