Page Text
________________
११६
धम्मकहाणुओगें पढमखंधे करित्ता अच्छेहि सण्हेहिं सेएहिं रपयामरहिं अच्छरसातंडुलेहिं चक्करयणस्स पुरओ अट्ठट्ठमंगलए आलिहइ, तंजहा१ सोत्थिय, २ सिरिवच्छ, ३ णंदिआवत्त, ४ बद्धमाणग, ५ भद्दासण, ६ मच्छ, ७ कलस, ८ दप्पण । अट्ठमंगलए आलिहिता काऊणं करेइ उबयारंति किं ते-- पाडल-मल्लिअ-चंपग-असोग-पुण्णाग-चूअमंजरि-णवमालिअ-बकुल-तिलग-कणवीर-कुंद-कोज्जय-कोरंटय-पत्त-दमणयवर-सुरहि-सुगंध-गंधिअस्स कयग्गह-गहिअ-करयल-प-भट्ठ-विप्पमुक्कस्स दसद्धवण्णस्स कुसुमणिगरस्स तत्थ चित्तं जाणुस्सेहप्पमाणमित्तं
ओहिनिगरं करेता चंदप्पभ-वइर-वेरुलिअ-विमलदंडं कंचण-मणि-रयण-भतिचित्तं कालागुरु-पवर-कुंदुरुक्क-तुरुक्क-धूवगंधुत्तमाणुविद्धं च धूमट्टि विणिम्मुअंतं वेलिअमयं कडुच्छुअं पग्गहेत्तु पयते धूवं दहइ, दहित्ता सत्तद्वपयाई पच्चोसक्कइ, पच्चोसक्किता वामं जाणुं अंचेइ - जाव • पणामं करेइ, करित्ता आउहघरसालाओ पडिणिक्खमइ, पडिनिक्खमित्ता चक्करयणं पासइ, पासिता आउह-घरसालाओ पडिणिक्खमइ, पडिणिक्खमित्ता जेणेव बाहिरिया उवट्ठाणसाला जेणेव सीहासणे तेगेव उवागच्छइ, उवागच्छिता सीहासणवरगए पुरत्थाभिमुहे सण्णिसीयइ, सण्णिसीइत्ता अट्ठारस सेणिप्पसेणीओ सद्दावेइ, सद्दावित्ता एवं वयासी''खिप्पामेव भो देवाणुप्पिया ! उस्सुक्क उक्करं उक्किट्ठ अदिज्जं अमिजं अभडप्पबेसं अदंडकोदंडिमं अपरिमं गणिया-वर-णाडइज्ज-कलिय अगतालायराणुचरियं अणुद्धयमुइंगं अमिलाय-मल्लदाम पमुइय-१क्कोलिय-सपुरजणजाणवयं विजयवेजइयं चक्करयणस्स अट्ठाहियं महामहिमं करेह, करित्ता ममेयमाणत्तियं खिप्पामेव पच्चप्पिणह ।" । तए णं ताओ अट्ठारस सेणिप्पसेणीओ भरहेणं रन्ना एवं वुत्ताओ समाणीओ हट्ठ-जाव-विणएणं वयणं पडिसुणेति, पडिसुणित्ता भरहस्स रण्णो अंतिवाओ पडिणिक्ख मेंति, पडिणिक्खमित्ता उस्सुक्क उक्कर - जाव - करेंति य कारवेति करित्ता कारविता य जेणेव भरहे राया तेणेव उवागच्छंति, उवागच्छित्ता तमाणत्तियं पच्चप्पिणंति ॥४३॥
चककरयणस्स मागहतित्थाभिमहत्त्पयाणं
५०२ तए णं से दिवे चक्करयणे अठ्ठाहियाए महामहिमाए णिवत्ताए समाणीए आउहबरसालाओ पडिणिक्बमइ, पडिणिक्ख मित्ता
अंतलिक्खपडिवण्णे जक्ख-सहस्स-संपरिबुडे दिव्व-तुडिय-सद्द-सण्णिणाएणं आपूरेते चेव अंबरतलं विणीयाए रायहाणीए मझमज्झेणं णिग्गच्छा, णिग्गच्छित्ता गंगाए महाणईए दाहिणिल्लेणं कूलेणं पूरस्थिमं दिसिं मागहतिस्थाभिमुहे पयाए यावि होत्था ।
आभिसेक्कहत्थिरयणारूढस्स भरहस्स चक्करयणाणुगमणं ५०३ तए णं से भरहे राया तं दिव्वं चक्करयणं गंगाए महाणईए दाहिणिल्लेणं कूलेणं पुरथिमं दिसिं मागहतित्थाभिमुह पयायं
पासइ, पासिता हठ्ठतुट्ठ - जाव - हियए कोडुंबियपुरिसे सद्दावेइ, सद्दावित्ता एवं वयासी"खिप्पामेव भो देवाणुप्पिया ! आभिसेक्क हत्थिरयणं पडिकप्पेह, परिकप्पेत्ता हय-गय-रह-पवर-जोहकलियं चाउरंगिणिं सेणं सण्णाहेत्ता सण्णाहेह, एयसाणत्तियं पच्चप्पिणह ।" तए णं ते कोडुबिय - जाव - पच्चप्पिणंति । तए णं से भरहे राया जेणेव मज्जणधरे तेणेव उवागच्छइ, उवागच्छित्ता मज्जणधरं अणुपविसइ, अणुपविसित्ता समुत्त-जालाकुलाभिरामे तहेव - जाव - धवल-महामेह-णिग्गए इव - जाव - ससिव पियदसणे गरवई मज्जणधराओ पडिणिक्खमइ, पडिणिक्खमित्ता हय-गय-रह-पवर-वाहण-भड-चडगर-पगर-संकुलाए सेणाए पहिर्याकत्ती जेणेव बाहिरिया
उवट्ठाणसाला जेणेव आभिसेक्के हत्थिरयणे तेणेव उवागच्छइ, उवागच्छित्ता अंजणगिरि-कूड-सण्णिभं गयवई णरवई दुरुटे । ५०४ तए णं से भरहाहिये रिदे हारोत्थय-सुकय-रइय-वच्छे, कुंडल-उज्जोइयाणणे, मउडदित्तसिरए, णरसीहे थरवई परिंदे
गरवसहे मरुय-राय-वसभकप्पे, अब्भहिय-रायतेय-लच्छोए दिप्पमाणे, पसत्थ-मंगल-सएहिं संथुब्बमाणे जय-जयसद्दकयालोए हथिखंध-वरगए सकोरंटमल्लदामेणं छत्तेणं धरिज्जमाणेणं सेयवरचामराहिं उद्धध्वमाणीहिं उद्धृब्वमाणीहिं जक्खसहस्स-संपरिवुडे वेसमणे चेव धणवई अमरवइसण्णिभाए इड्ढीए पहियकित्ती गंगाए महाणईए दाहिणिल्लेणं कुलेणं गामागरणगर-खेड-कब्बड-मडंब-दोणमुह-पट्टणासम-संवाह-सहस्स-मंडियं थिमिय-मेइणीयं वसुहं अभिजिणमाणे अभिजिणमाणे अग्गाई वराई रयणाई पडिच्छमाणे पडिच्छमाणे तं दिव्वं चक्करयणं अणुगच्छमाणे अणुगच्छमाणे जोयणंतरियाहिं बसहीहिं वसमाणे बसमाणे जेणेव मागहतित्थे तेणेव उवागच्छइ, उवागच्छित्ता मागहतित्थस्स अदूरसामंते दुवालस-जोयणायाम
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |