Page Text
________________
तित्थयर-सामण्णं
१११
पासस्स गं अरहओ पुरिसादाणीअस्स अट्ठ गणा, अट्ठ गणहरा होत्या, तं जहासुभे य सुभघोसे य, वसिढे बंभयारि य । सोमे सिरिधरे चेव, वीरभद्दे जसे इ य ॥१॥
सम० स० ८ सु. ८ । कप्प० १५६ । समणस्स णं भगवतो महावीरस्स णव गणा हुत्था, तं जहा- गोदासगणे, उत्तर-बलिस्सहगणे, उद्देहगणे, चारणगणे, उद्दवाइयगणे, विस्सवाइयगणे, कामड्ढियगणे, माणवगणे, कोडियगणे ॥
ठाणं अ०९ सु० ६८० । समणस्स णं भगवओ महावीरस्स एक्कारस गणहरा होत्या, तं जहा- इंदभूती अग्गिभूती वायुभूती विअत्ते सुहम्मे मंडिए मोरियपुत्ते अकंपिए अयलभाया मेतज्जे पभासे ॥
सम० स० ११, सु० ४।
महावीरस्स गणा-गणहरा य
४७३ तेणं कालेणं तेणं समएणं समणस्स भगवओ महावीरस्स नव गणा, एक्कारस गणहरा होत्था ।
से केणट्ठणं भंते ! एवं वुच्चइ-समणस्स भगवओ महावीरस्स नव गणा, एक्कारस गणहरा होत्था ? समणस्स भगवओ महावीरस्स१ जेठे इंदभूई अणगारे गोयमे गोत्तेणं पंच समणसयाई वाएइ, २ मज्झिमे अणगारे अग्गिभूई नामेणं गोयमे गोत्तेणं पंच समणसयाई वाएइ, ३ कणीयसे अणगारे वाउभूई नामेणं गोयमे गोत्तणं पंच समणसयाई वाएइ, ४ थेरे अज्जवियत्ते भारद्दाये गोत्तेणं पंच समणसयाई वाएइ, ५ थेरे अज्जसुहम्मे अग्गिवेसायणे गोत्तेणं पंच समणसयाई वाएइ, ६ थेरे मंडियपुत्ते वासिढे गोत्तेगं अट्ठाई समणसयाई बाएइ, ७ थेरे मोरियपुत्ते कासवगोत्तेणं अद्भुट्ठाई समणसयाई वाएइ, ८-९ थेरे अकंपिए गोयमे गोत्तेणं, थेरे अयलभाया हरियायणे गोत्तेणं ते दुन्नि वि थेरा तिन्नि तिन्नि समणसयाई वाइंति, १०-११ थेरे मेयज्जे, थेरे य पभासे एए दोन्नि वि थेरा कोडिन्ना गोत्तेणं तिन्नि तिन्नि समण-सयाई वाएंति, से एतेणं अट्ठणं जज्जो ! एवं बुच्चइ-समणस्स भगवओ महावीरस्स नव गणा, एक्कारस गणहरा होत्था ।
-कप्प सुत्तं महावीरगणहराणं अगारवासकालो ४७४ थेरे णं अग्गिभूई सत्तचालीसं वासाई अगारमज्मे वसित्ता मुंडे भवित्ता अगाराओ अणगारियं पव्वइए ।
सम० स० ४७, सु०२ ।
१. पासस्स णं अरहओ परिसादाणीयस्स अट्ठ गणा अट्ठ गणहा होत्था, तं जहा-सुभे, अज्जघोसे, वसिट्ठ, बंभचारी, सोमे, सिरिधरे, वीरिए, भद्दजसे ॥
ठाणं अ० ८, सु० ६१७ । २. गाहाओ
चुलसीइ १ पंचनउई २ बिउत्तर सोलसुत्तर सयं ३, ४, ५ च । सत्तहिों ६ पणनउई ७ तेण उई ८अट्ठसीई ९ अ ।।१।। इक्कासीई १० छावत्तरी ११ अ, छावट्ठि १२ सत्तवण्णा १३ य । पण्णा १४ तेयालीसा १५ छत्तीसा १६ चैव पणतीसा ।।२।। तित्तीस १८ अट्ठवीसा १९ अट्ठारस २० चेव तहय सत्तरस २१ । इक्कारस २२ दस २३ नवगं २४, गणाण माणं जिणिंदाण १२३।।
आव. नि. गा० २६६--२६८ । एक्कारस उ गणहरा, जिणस्स वीरस्स सेसयाणं तु। जावइआ जस्स गणा, तावइआ गणहरा तस्स ॥१॥
आव. नि. गा० २६९ ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |