Page Text
________________
१०२
धम्मकहाणुओगे पढमखंधेट
'भिसए व इंद कुंभे, वरदत्ते दिण्ण इंदभूती य । उदितोदितकुलवंसा, विसुद्धवंसा गुणेहि उववेया । तित्थप्पबत्तयाणं, पढमा सिस्सा जिणवराणं ॥३॥
पढमसिस्सिणीओ ४५० एएसि णं चउवीसाए तित्थगराणं चउवीसं पढमसिस्सिणीओ होत्या, तं जहा
बंभी फग्ग सम्मा, अतिराणी कासवी रई सोमा । सुमणा वारुणि सुलसा, धारिणि धरणी य धरणिधरा ॥१॥ पउमा सिवा सुई अंजू, भावियप्पा य रक्खिया । बंधू-पुप्फवती चेव, अज्जा धणिला य आहिया ॥२॥ जक्खिणी पुप्फचूला य, चंदणऽज्जा य आहिया । उदितोदितकुलवंसा, विसुद्धवंसा गुणेहि उववेया । तित्थप्पवत्तयाणं, पढमा सिस्सी जिणवराणं ॥३॥
सम. सु. १५७ । केवलनाण-दसणोप्पत्तिकालो
४५१ अंबुद्दीवे णं दीवे भारहे वासे इमीसे ओसप्पिणीए तेवीसाए जिणाणं सूरुग्गमणमुहत्तंसि केवलवरनाणदंसणे समुप्पण्णे ॥
सम० स० २३, सु० २ । तित्थयराणं अतिसेसा ४५२ चोत्तीसं बुद्धाइसेसा पण्णत्ता, तं जहा
१. अवट्ठिए केसमंसुरोमनहे । २. निरामया निरुवलेवा गायलट्ठी। ३. गोक्खीरपंडुरे मंससोणिए । ४. पउमुप्पलगंधिए उस्सासनिस्सासे । ५. पच्छन्ने आहारनीहारे, अहिस्से मंसचक्खुणा । ६. आगासगयं चक्कं । ७. आगासगयं छत्तं । ८. आगासगयाओ सेयवरचामराओ । ९. आगासफालियामयं सपायपीढं सोहासणं । १०. आगासगओ कुडभीसहस्सपरिमंडिआभिरामो इंदाओ पुरओ गच्छद । ११. जत्थ जत्थ वि य णं अरहंता भगवंतो चिट्ठति वा निसीयंति वा तत्थ तत्थ वि य णं तक्खणादेव संछन्नपत्तपुप्फपल्लव
समाउलो सच्छत्तो सज्झओ सयंटो सपडागो असोगवरपायवो अभिसंजायइ । १२. ईसि पिट्ठओ मउडठाणंमि तेयमंडलं अभिसंजायइ, अंधकारेवि य णं दस दिसाओ पभासेइ । १३. बहुसमरमणिज्जे मूमिभागे । १४. अहोसिरा कंटया भवंति । १५. उडु विवरीया सुहफासा भवति । १६. सीयलेणं सुहफासेणं सुरभिणा मारुएणं जोयणपरिमंडलं सवओ समंता संपमज्जिज्जति । १७. जुत्तफुसिएण य मेहेण निय-रय-रेणुयं कज्जइ । १८. जल-थलय-भासुर-पभूतेणं बिटट्ठाइणा दसद्धवणेणं कुसुमेणं जाणुस्सेहप्पमाणमित्ते पुष्फोवयारे कज्जइ । १९. अमणुण्णाणं सद्द-फरिस-रस-रूव-गंधाणं अवकरिसो भवइ । २०. मणुण्णाणं सद्द-फरिस-रस-रुव-गंधाणं पाउब्भावो भवइ । २१. पच्चाहरओवि य णं हिययगमणीओ जोयणनीहारी सरो । २२. भगवं च णं अद्धमागहीए भासाए धम्ममाइक्खइ । २३. सावि य णं अद्धमागही भासा भासिज्जमाणी तेसि सवेसि आरियमणारियाणं दुपय-चउप्पय-मिय-पसु-पक्खि
सिरीसिवाणं अप्पणो हिय-सिव-सुहदभासत्ताए परिणमइ ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |