Page Text
________________
तित्थयर-सामण्णं
९५
पियरो
४२८ जंबुद्दीवे गं दीवे भारहे वासे इमोसे ओसप्पिणीए चउवीसं तित्थगराणं पियरो होत्या, तं जहासंगहणीगाहाओ
णाभी य जियसत्तू य, जियारी संवरे इ य । मेहे धरे पइ? य, महसेणे य खत्तिए ॥१॥ सुग्गीवे दढरहे विण्हू, वसुपुज्जे य खत्तिए । कयवम्मा सीहसेणे य, भाणू विस्ससेणे इ य ॥२॥ सूरे सुदंसणे कुंभे, सुमित्तविजए समुद्दविजये य । राया य आससेणे, सिद्धत्थे च्चिय खत्तिए ॥३॥ उदितोदितकुलवंसा, विसुद्धवंसा गुणेहिं उववेया । तित्थप्पवत्तयाणं, एए पियरो जिणवराणं ॥४॥
मायरो
४२९ जंबुद्दीवे णं दीवे भारहे वासे इमीसे ओसप्पिणीए चउवीसं तित्थगराणं मायरो होत्था, तं जहा - संगहणीगाहाओ
मरुदेवा विजया सेगा, सिद्धत्था मंगला सुसीमा य । पुहवी लक्खण रामा, नंदा विण्हू जया सामा ॥१॥ सुजसा सुब्वय अइरा, सिरिया देवी पभावई । पउभा वप्पा सिवा य, वामा तिसला देवी य जिणमाया ॥२॥
पुव्वभवा ४३० एएसि चउवीसाए तित्थगराणं चउवीसं पुव्वभबिया णामधेज्जा होत्या, तं जहासंगहणी गाहाओ
पढमेत्थ वइरणाभे, विमले तह विमलवाहणे चेव । तत्तो य धम्मसीहे, सुमित्ते तह धम्ममित्ते य ॥१॥ सुंदरबाहू तह दीहबाहू जुगबाहू लट्ठबाहू य । दिण्णे य इंवदत्ते, सुंदर माहिंदरे चेव ॥२॥ सोहरहे मेहरहे, रुप्पी य सुदंसणे य बोद्धव्वे । तत्तो य नंदणे खलु, सीहगिरी चेव वीसइमे ॥३॥ अदीणसत्तु संखे, सुदंसणे नंदणे य बोद्धव्वे । ओसप्पिणीए एए, तित्थकराणं तु पुन्वभवा ॥४॥
सम० सु० १५७ ।
पुव्वभवसुयणाणं ४३१ जंबुद्दीदे गं दीवे इमीसे ओसप्पिणीए तेवीसं तित्थकरा पुव्वभवे एक्कारसंगिणो होत्या, तं जहा-अजिए संभवे अभिणंदणे
सुमती पउमप्पभे सुपासे चंदप्पहे सुविही सोतले सेज्जंसे वासुपुज्जे विमले अणंते धम्मे संती कुंथू अरे मल्ली मुणिसुव्वए णमी अरिटुणेमी पासे वद्धमाणे य । उसभे णं अरहा कोसलिए चोद्दसपुव्वी होत्था ।
पुव्वभवा ४३२ जंबुद्दीवे णं दोवे इमोसे ओसप्पिणीए तेवीसं तित्थगरा पुव्वभवे मंडलियरायाणो होत्था, तं जहा-अजिए।
सुमती पउमप्पभे सुपासे चंदप्पहे सुविही सीतले सेज्जंसे वासुपुज्जे विमले अणंते धम्मे संतो कुंथू अरे मल्ली मुणिसुन्वए णमी अरिटुणेमी पासे बद्धमाणे य । उसभे णं अरहा कोसलिए चक्कवट्टी होत्था।
सम० स० २३, सु० ३४ ।
तित्थयराणं वण्णो ४३३ दो तित्थगरा णीलुप्पलसमा वण्णेणं पण्णत्ता, तं जहा- मुणिसुब्बए चेव, अरिटुणेमी चेव ।
दो तित्थगरा पियंगुसामा वण्णेणं पण्णता, तं जहा-मल्ली चेव, पासे चेव। दो तित्थगरा पउमगोरा वण्णेणं पण्णत्ता, तं जहा-पउमप्पहे चेव, वासुपुज्जे चेव ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |