Page Text
________________
धम्मकहाणओगे पढमखंधे अट्ठ वासुदेवा उपज्जिसु वा उप्पज्जंति वा उप्पज्जिस्संति वा ।
ठाणं० अ० ८, सु० ६३८ । जंबुट्टीवे एरवए तित्थयरा ४२३ जंबुद्दीवे गं दीवे एरवए वासे इमोसे ओसप्पिणीए चउवीसं तित्थगरा होत्या, तं जहा
चंदाणणं सुचंदं च, अग्गिसेणं च नंदिसेणं च । इसिदिण्णं वयहारिं, वंदिमो सामचंदं च ॥१॥ वंदामि जुत्तिसेणं, अजियसेणं तहेव सिवसेणं । बुद्धं च देवसम्म, सययं निक्खित्तसत्यं च ॥२॥ असंजलं जिणवसहं, वंदे य अणंतयं अमियणाणि । उवसंतं च घुयरयं, वंदे खलु गुत्तिसेणं च ॥३॥ अतिपासं च सुपासं, देवेसरवंदियं च मरुदेवं । णिव्वाणगयं च घरं, खीणदुहं सामकोटु च ॥४॥ जियरागमग्गिसेणं, वंदे खीणरयमग्गिउत्तं च । वोक्कसियपेज्जदोस, च बारिसेणं गयं सिद्धि ॥५॥
सम० सु० १५८ । जंबुद्दीवे एरवए भावी तित्थयरा ४२४ जंबुद्दीवे णं दीवे एरवए वासे आगमिस्साए उस्सप्पिणीए चउवीसं तित्थकरा भविस्संति तं जहा
सुमंगले य सिद्धत्थे, णिव्वाणे य महाजसे । धम्मजाए य अरहा, आगमिस्साण होक्खइ ॥१॥ सिरिचंदे पुप्फकेऊ, महाचंदे य केवली । सुयसागरे य अरहा, आगमिस्साण होक्खइ ॥२॥ सिद्धत्थे पुण्णधोसे य, महाघोसे य केबली । सच्चसेणे य अरहा, आगमिस्साण होक्खइ ॥३॥ सूरसेणे य अरहा, महासेणे य केवली । सव्वाणंदे य अरहा, देवउत्ते य होक्खइ ॥४॥ सुपासे सुव्वए अरहा, अरहे य सुकोसले। अरहा अणंतविजए, आगमिस्साण होक्खइ ॥५॥ विमले उत्तरे अरहा, अरहा य महाबले । देवाणंदे य अरहा, आगमिस्साण होक्खइ ॥६॥ एए वुत्ता चउव्वीसं, एरवयम्मि केवली । आगमिस्साण होक्खंति, धम्मतित्थस्स देसगा ॥७॥
सम० सु० १५८ । जंबुद्दीवे तित्थयरा ४२५ जंबुद्दीवे णं भंते ! दीवे जहण्णपए वा उक्कोसपए वा केबइया तित्थयरा सम्वग्गेणं पण्णत्ता ? गोयमा! जहण्णपए चत्तारि, उक्कोसपए चोत्तीसं तित्थयरा सव्वग्गेणं पण्णत्ता ।
जंबु. व० ७ सु० १७३ ।
जंबुद्दीवतित्थयराणं उक्किट्ठा संखा ४२६ जंबुद्दीवे णं दीवे उक्कोसपए चोत्तीसं तित्थंकरा समुप्पज्जंति ।
सम० स० ३४, सु० ४ ।
जंबुद्दीवे भारहे वासे तित्थयराणं नामाई ४२७ जंबुद्दीवे णं भंते ! दीवे भारहे वासे इमीसे ओसप्पिणीए कति तित्थगरा पण्णता ?
गोयमा ! चउवीसं तित्थगरा पण्णत्ता, तं जहा-उसभ-अजिय-संभव-अभिनंदणसुमति-सुप्पभ-सुपास-ससि-पुप्फदंत-सीयल-सेज्जंस-वासुपुज्ज-विमल-अणंत-धम्म-संति-कुंथु-अर-मल्लि-मुणिसुव्वय-नमि-नेमि-पासवद्धमाणा।
भग० स० २०, उ०८ सु० ६७५ ।
सम० स० २४, सु० १ ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |