Page Text
________________
५२
धम्मकहाणुओगे पढमखंध २५८ पुठिंब पिणं पासस्त अरहओ पुरिसादाणियस्स माणुस्सगाओ गिहत्थधम्माओ अणुत्तरे आहोहियए तं चेव सव्वं - जाव - दायं दाइ
याणं परिभाएत्ता जे से हेमंताणं दोच्चे मासे तच्चे पक्खे पोसबहुले तस्स णं पोसबहुलस्स एक्कारसोदिवसेणं पुव्वण्हकालसमयंसि विसालाए सिवियाए सदेवमणुयासुराए परिसाए तं चेव सव्वं । नवरं वाणारसिं नार मसंमज्मेणं निग्गच्छइ, निग्गच्छित्ता, जेणेव आसमपए उज्जाणे जेणेव असोगवरपायवे तेणेव उवागच्छइ, तेणेव उवागच्छित्ता असोगवरपायवस्स अहे सीयं ठावेइ, ठावित्ता सीयाओ पच्चोरुहइ, सीयाओ पच्चोरुहित्ता सयमेव आभरणमल्लालंकारं ओमुयति, ओमुइत्ता सयमेव पंचमुठ्ठियं लोयं करेइ, पंचमुट्ठियं लोयं करित्ता अट्ठमेणं भत्तेणं अपाणएणं विसाहाहि नक्खत्तेणं जोगमुवागएणं एगं देवदूसमायाय' तिहिं पुरिससरहिं सद्धि मुंडे भवित्ता आगाराओ अणगारियं पव्वइए' ॥
कप्प० सु०१५३॥ उवसग्गसहण २५९ पासे गं अरहा पुरिसादाणीए तेसोई राइंदियाई निच्चं वोसट्ठकाए चियत्तदेहे जे केइ उवसग्गा उप्पज्जति, तं जहा
दिव्वा वा, माणुस्सा वा, तिरिक्खजोणिया वा, अणुलोमा वा, पडिलोमा वा ते सव्वे उवसग्गे समुप्पण्णे - जाव - सम्म सहइ तितिक्खइ खमइ अहियासेइ ।
कप्प० सु० १५४ केवलनाणं २६० तए णं से पासे भगवं अणगारे जाए इरियासमिए - जाब - अप्पाणं भावमाणस्स तेसीइं राइंदियाई विइक्कंताई चउरासोइमस्स
राइंदियस्स अंतरा वट्टमाणे जे से गिम्हाणं पढमे मासे पढमे पक्खे चित्तबहुले तस्स णं चित्तबहुलस्स चउत्थीपक्षेणं पुवण्हकालसमयंसि धायति-पायवस्स अहे छट्टेणं भत्तेणं अपाणएणं विसाहाहि नक्खत्तेणं जोगमुवागएणं झाणंतरियाए वट्टमाणस्स अणंते अणुत्तरे निव्वाधाए निरावरणे- जाव-केवल-वर-नाण-दसणे समुप्पन्ने - जाव - जाणमाणे पासमाणे विहरइ ।
कप्प ० सु० १५५॥ गणहराइसंपया २६१ पासस्स णं अरहओ पुरिसादाणीयस्स अट्ठ गणा अट्ठ गणहरा होत्था, तं जहागाहा-संभे य अज्ज बोसे य, वसिढे बंभयारि य । सोमे सिरिहरे चेव वीरभद्दे जसे वि य ।
कप्प० सु० १५६ पासस्स णं अरहओ पुरिसादाणीयस्स अज्जदिण्ण-पामोक्खाओ सोलस्स समणसाहस्सीओ उक्कोसिया समणसंपया होत्था । पासस्स णं अरहओ पुरिसादाणीयस्स पुप्फचूला-पामोक्खाओ अठ्ठत्तीसं अज्जियासाहस्सीओ उक्कोसिया अज्जियासंपदा होत्था' । पासस्स णं अरहओ पुरिसादागीयस्स सुनंद-पामोक्खाणं समणोवासगाणं एगा सयसाहस्सी चउठ्ठि च सहस्सा उक्कोसिया समणोवासगसंपया होत्था । पासस्स णं अरहओ पुरिसादाणीयस्स सुनंदा-पामोक्खाणं समणोवासिगाणं तिन्नि सयसाहस्सीओ सत्तावीसं च सहस्सा उक्कोसिया
समणोवासियाणं संपया होत्था । २६२ पासस्स णं अरहओ पुरिसादाणीयस्स अबुट्ठसया चोद्दसपुव्वीणं अजिणाणं जिणसंकासाणं सव्वक्खर - जाव - चोद्दसपुव्वीणं
संपया होत्था । पासस्स णं अरहओ पुरिसावाणीयस्स चोद्दस सया ओहिनाणीणं", दस सया केवलनाणीणं,
१ सम० स० १५७, सु० १४। २ ठाणं० अ० ५, उ०१, सु० ४११। ३ सम० स० १५७, सु० ११।। ४ सम० स० १५७, सु० १३। ५ ठाणं अ० ८, सु० ६१७। सम० स० ८, सु० ८। ६ सम० स० १६, सु० ४।
७ सम० स० ३८, सु० १॥ ८ सप्त० स्था० ११४ गा० २४२। ९ सम० स० १२६ सु० १। १० सम० स० १०५, सु० १। ११ सप्त० स्था० ११८ गा० २५७। १२ सम० स० ११३, सु० ८।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |