Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 151

धम्मकहाणुओगे पढमखंधे २०८ तए णं सा चोक्खा परिव्वाइया मल्लीए विदेह-राय-वर-कन्नाए एवं वुत्ता समाणी, संकिया, कंखिया, वितिगिछिया, भेयसमावण्णा
जाया यावि होत्था, मल्लीए विदेह-राय-वर-कन्नाए नो संचाएइ किंचिवि पामोक्खमाइविखत्तए, तुसिणीया संचिट्ठइ । तए णं तं चोक्खं मल्लीए विदेह-राय-वर-कन्नाए बहुओ दास-चेडीओ होलेंति, निंदंति, खिंसंति, गरिहंति, अप्पेगइयाओ हेरुयालेंति, अप्पेगइयाओ मुहमक्कडियाओ करेंति, अप्पेगइयाओ वग्घाडियाओ काति, अप्पेगइयाओ तज्जेमाणीओ, तालेमाणीओ निच्छुहंति ॥
चोक्खाए कंपिल्लपुरे आगमणं २०९ तए णं सा चोक्खा मल्लीए विदेह-राय-वर-कन्नाए दास-चेडियाहिं हीलिज्जमाणी, निदिज्जमाणी, खिंसिज्जमाणी, गरहिज्जमाणी,
आसुरुत्ता - जाव - मिसिमिसेमाणी, मल्लीए विदेह-राय-वर-कन्नयाए पओसमावज्जइ, भिसियं गेण्हइ, गेण्हित्ता कन्नतेउराओ पडिणिक्खमइ, पडिणिक्खमित्ता मिहिलाओ निग्गच्छइ, निग्गच्छित्ता, परिवाइया-संपरिवुडा जेणेव पंचाल-जणवए, जेणेव कंपिल्लपुरे तेणेव उवागच्छइ, उवागच्छित्ता बहूणं राईसर - जाव - सत्थवाहपभिईणं पुरओ दाण-धम्मं च सोय-धम्म च तित्थाभिसेयं च आघवेमाणी, पण्णवेमाणी, परवेमाणी, उवदंसेमाणी विहरइ ।
२१० तए णं से जियसत्तू अण्णया कयाइ अंतो अंतेउर-परियालसद्धि संपरिवुडे सीहासण-वर-गए यावि विहरइ ।
तए णं सा चोक्खा परिव्वाइया-संपरिवुडा जेणेव जियसत्तुस्स रण्णो भवणे, जेणेव जियसत्तू राया, तेणेव अणुपविसइ, अणुपविसित्ता जियसत्तुं जएणं विजएणं वद्धावेइ । तए णं से जियसत्तू चोक्खं परिवाइयं एज्जमाणं पासइ, पासित्ता सीहासणाओ अब्भुट्टेइ, अब्भुठेत्ता चोक्खं सक्कारेइ, सम्माणेइ, सक्कारेत्ता, सम्माणेत्ताअ सिणेणं उवनिमंतेइ । तए णं सा चोक्खा उदग-परिफोसियाए दभोवरि पच्चत्थुयाए भिसियाए निविसइ, निविसित्ता जियसत्तुं रायं रज्जे य, रठे य, कोसे य, कोट्ठागारे य, बले य, वाहणे य, पुरे य, अंतेउरे य कुसलोदंतं पुच्छइ । तए णं सा चोक्खा जियसत्तुस्स रण्णो दाण-धम्म च, सोय-धम्मं च तित्थाभिसेयं च आघवेमाणी, पण्णवेमाणी, परूवेमाणी, उवदंसेमाणी विहरइ ।
चोक्खा कहिओ अगड-दधुर दिह्रतो २११ तए णं से जियसत्तू अप्पणो ओरोहंसि जाय-विम्हए चोक्खं एवं वयासी
'तुम णं देवाणुप्पिया !. बहूणि गामागर -जाव- सण्णिवेसंसि आहिंडसि, बहूण य राईसर-सत्थवाह-प्पमिईणं गिहाईअणुप्पविससि, तं अत्थियाइं ते कस्सइ रण्णो वा, ईसरस्स वा कहिंचि एरिसए ओरोहे दिट्ठ-पुब्वे, जारिसए णं इमे मम ओरोहे ?' तए णं सा चोक्खा परिव्वाइया 'जियसत्तुणा एवं वुत्ता समाणी ईसिं विहसियं करेइ, करेत्ता एवं वयासी'सरिसए णं तुमं देवाणुप्पिया! तस्स अगड-दद्दुरस्स । 'के णं देवाणुप्पिए ! से अगड-ददुरे ?' 'जियसत्तू ! से जहा-नामए अगड-ददुरे सिया। से णं तत्थ जाए, तत्थैव वुड्ढे अण्णं अगडं वा, तलागं वा, दहं वा, सरं वा, सागरं वा अपासमाणे मण्णइ-"अयं चेव अगडे वा, तलागे वा, दहे वा, सरे वा, सागरे वा ।" तए णं तं कूवं अण्णे सामुद्दए ददुरे हव्वमागए । तए णं से कूव-ददुरे तं सामुद्दयं ददुरं एवं बयासी- “से के तुम देवाणुप्पिया ! कत्तो वा इह हव्वमागए ?" तए णं से सामुद्दए ददुरे तं कुब-ददुरं एवं वयासी-“एवं खलु देवाणुप्पिया! अहं सामुद्दए ददुरे ।" तए णं से कूव-ददुरे तं सामुद्दयं ददुरं एवं वयासी-“के-महालए णं देवाणुप्पिया ! से समुद्दे ?" तए णं से सामुद्दए ददुरे तं कूव-ददुरं एवं वयासी-"महालए णं देवाणुप्पिया ! समुद्दे ।" तए णं से कूव-ददुरे पाएणं लोहं कड्ढेइ, कड्ढेता एवं वयासी-"ए-महालए णं देवाणुप्पिया ! से समुद्दे ?" "नो इणढे समझें । महालए णं से समुद्दे ।" तए णं से कूव-ददुरे पुरथिमिल्लाओ तीराओ उप्फिडित्ता णं पच्चथिमिल्लं तीरं गच्छइ, गच्छित्ता एवं वयासी"ए-महालए णं देवाणुप्पिया ! से समुद्दे ?"