Page Text
________________
पंचसगहो
दुण्हं पंच य छच्चेव दोसु इक्कम्हि हुंति वामिस्सा ।
सत्तुवओगा सत्तसु दो चेव य दोसु ठाणेसु ॥१३॥ मिच्छादिट्ठी सासणसम्मादिट्ठी एदेसु गुणहाणेसु मदिअण्णाणं सुदअण्णाणं विभंगाणाणं चक्खुदसणं अचक्खुदंसणं एदे पंच उवओगा हुंति । असंजदसम्मादिट्ठो संजदासंजद एदेसु दोसु गुणट्ठाणेसु मदिणाणं सुदणाणं ओधिणाणं चक्खुदंसणं अचक्खुदंसणं ओधिदसणं एदे छ उवओगा हुंति । सम्मामिच्छादिट्ठिम्हि मइणाणं मइअण्णाण मिस्सं सुदणाणं सुदअण्णाणेण मिस्सं ओधिणाणं विभंगणाणेण मिस्सं चक्खुदंसणं अचक्खुदंसणं ओधिदसणं एदे छ उवओगा हुँति । पमत्तसंजद-अप्पमत्तसंजद-अपुत्व-अणियटि-सुहुम-उवसंत-खीणेसु य असंजदसम्मादिहि-उवओगा मणपज्जवणाणसहिदा सत्त हुंति । सजोगि-अजोगिकेवलीणं केवलणाणं केवलदसणं च [दो] उवओगा हुँति ।
तिसु तेरेगे दस णव सत्तसु इक्कम्हि हुंति एगारा ।
एक्कम्हि सत्त जोगा अजोगिठाणं हवदि एक्कं ॥१४॥ मिच्छादिहि-सासणसम्मादिट्ठि-असंजदसम्भादिट्ठीसु चत्तारि मण जोग चत्तारि वचिजोग-ओरालियकायजोग-ओरालियमिस्सकायजोग - वेउव्वियका यजोग - वेउव्वियमिस्सकायजोगकम्मइयकायजोगा हुँति १३ । सम्मामिच्छादिट्ठिम्हि चत्तारि मणजोग-चत्तारि वचिजोग-ओरालियकायजोग-वेउव्वियकायजोगा हुंति १० । संजदासंजद-अप्पमत्तसंजद-अपुठव-अणियट्ठि-सुहुमउवसंतखीणेसु चत्तारि मणजोग-चत्तारि वचिजोग-ओरालियकायजोगा हुँति ६ । पमत्तसंजदम्मि अणंतरवुत्तं णव जोगा आहारकायजोग-आहारमिस्सकायजोगेण जुत्ता एक्कारस हुति ११ । सजोगिकेवलिम्हि सच्चमणजोग-असच्चमोसमणजोग-सच्चवचिजोग-असञ्चमोसवचिजोग-ओरालियकायजोग - ओरालियमिस्सकायजोग - कम्मइयकायजोगा हुंति ७ । जोगरहिदं अजोगिट्ठाणं हवदि एक्कं।
चउपञ्चइओ बंधो पढमाणंतरतिगे तिपच्चइगो।
मिस्सं विदिओ उवरिमदुगं च देसेक्कदेसम्मि ॥१॥ मिच्छादिट्ठिम्मि मिच्छत्तासंजमकसायजोगपच्चया हुति। सासणसम्मादिट्ठि-सम्मामिच्छादिट्ठि-असंजदसम्मादिट्ठीसु मिच्छत्तवज्ज पुव्वुत्तपच्चया हुति। संजदासंजदम्हि तससंजमथावरासंजमकसायजोगपच्चया हति ।
उवरिल्लपच्चया पुण दुपञ्चया जोगयच्चओ तिण्हं ।
सामण्णपच्चया खलु अट्ठण्हं हुंति कम्माणं ॥१६॥ पमत्तसंजदेसु अप्पमत्तसंजदेसु अपुव्व-अणियट्टिसुहुमेसु कसाय-जोगपच्चया हुति । उव. संतकसाओ खीणकसाओ सजोगिकेवली जोगपञ्चओ चेव । अजोगिकेवली अबंधगो त्ति तम्मि ण पच्चओ भणिदो । एदे णाणेगसमयमूलपच्चया बुत्ता।
पणवण्णा इर वण्णा [ पण्णासा] तिदाल छादाल सत्ततीसा य ।
चउवीस दु वावीसा सोलस एगूण जाण णव सत्ता ॥१७॥ णाणेगजीवं पडुच्च एयंतं विवरीदं वेणइय संसइयं अण्णाणं चेव । वुत्तं च
एयंत वुडदरिसी विवरीदो वंभ वेणइए तावसो। इंदो वि य संसइओ सक्कलिओ चेव अण्णाणं ॥१०॥
Jain Education International
For Private & Personal Use Only
www.jainelibrary.org
| SR No. | 001937 |
| Book Title | Panchsangrah |
| Original Sutra Author | N/A |
| Author | Hiralal Jain |
| Publisher | Bharatiya Gyanpith |
| Publication Year | |
| Total Pages | 872 |
| Language | Sanskrit, Prakrit, Hindi |
| Classification | Book_Devnagari & Karma |
| File Size | 21 MB |