Page Text
________________
सतग-संगहो
एद पंच मिच्छत्ता । चक्खू सोद घाण जिभा फास मणं च एदे छ इंदिय-असंजमपञ्च या पुढवि आउ तेउ वाउ वणप्फदि तसकाइया एदे छपाणासंजमपच्चया । सोलस कसाय णव णोकसाया य कसायपच्चया। आहारकायजोग-आहारमिस्सकायजोग वज्जिय तेरस जोगपच्चया एदे सव्वे मिलिया पणवण्ण पच्चया मिच्छादिटिरस ५५ । एदे पंचमिच्छत्तवज्जा पण्णासपच्चया सासणसम्माइट्ठिस्स ५०। एदे अणंताणुबंधिचउक्कं ओरालियमिस्स-वेउव्वियमिस्स-कम्मइयकायजोगवज्ज तिदाला पच्चया सम्मामिच्छादिहिस्स ४३ । एदे ओरालियमिस्स-वेउव्वियमिस्स-कम्मइयकायजोगसहिदा छादालपच्चया असंजदसम्मादिद्विस्स ४६ । एदे तसासंजम-अप्पच्चक्खाणावरणीयच उक्कं ओरालियमिस्स-वेउव्विय वेउव्वियमिरस-कम्मइयकायजोग वज्ज सत्ततीस पच्चया संजदासंजदस्स ३७ । एदे इक्कारसासंजमपच्चया पच्चक्खाणावरणचउक्क वज्जं आहाराहारमिस्सकायजोगसहिया चउवीस पञ्चया पमत्तसंजदस्स २४ । एदे आहार-आहारमिस्सकायजोग वज्ज वावीस पच्चया अपमत्तसंजदस्स २२ । अपुल्वकरणस्स एदे हस्स रइ अरइ सोग भय दुगुंछ वज्ज सोलस पच्चया १६ । अणियट्टिपढमसमयप्पहुडि जाव संखेज्जभागं एत्तिया हुति १६ । एदे णउंसगवेद वज्ज पण्णरस पच्चया १५ । तओ अंतोमुहुतं ते चेव इत्थीवेद वज्ज चउदस पञ्चया १४ । तओ अंतोमुहुत्तं ते चेव पुरिसवेद वज्ज तेरस पच्चया १३। तओ अंतोमुहुत्तं ते चेव कोधसंजलण वज्ज बारस पच्चया १२ । तओ अंतोमुहत्तं ते चेव माणसंजलण वज्ज एक्कारस पच्चया ११ । तओ अंतोमुहुत्तं ते चेव मायासंजलण वज्ज दस पत्त्चया १० । तओ पहुडि अणियट्टिचरमसमयं जाव ते चेव बादरलोभरहिदा दस पच्चया सुहुमसांपराइयस्स १० । ते चेव सुहम लोभ वज्ज णव पच्चया, उवसंत [कसायस्सा । खीणकसायाणं ते चेव । मोसमणसच्चमोसमण मोसवचि-सच्चमोसवचि वज्ज ओरालियमिस्स कम्मइगकायजुत्ता सत्त पच्चया सजोगिकेवलिस्स ७ । एदे जाणासमयजुत्तंतरपच्चया हुति ।
दस अट्ठारह दसयं सत्तरसेव णव सोलसं च दोण्हं पि ।
अट्ठय चउदरा पणयं सत्त त्ति दुति एयमेयं च ॥१८॥ पंचमिच्छत्ताणमेक्कदरं लण्हं एयदर-इंदिएण एयदरकायं विराधयदि त्ति दोण्णि । अणंताणुबंधिवज तिण्हं कोध-माण-माया-लोभाणमेयदरमिदि तिण्णि । तिण्हं वेदाणमेकदरं । हस्स-रइ अरइ-सोग दुण्हं जुअलाणमेक्कदरं भय-दुगुंछा विणा । आहाराहारमिस्स-ओरालियमिस्स-वेउब्वियमिस्स-कम्मइय-कायवन जोग पण्णरसण्हं जोगाणमेकदरं एदे इस जहण्णपच्चया मिच्छादिहिस्स १०। अणंताणबंधि-अणदओ मिच्छादिट्रिस्स कमेण हंति । अणंताणबंधी विसंज असंजद-देसविरद-पमत्तसंजद उवसम-वेदग-सम्मादिट्ठो अणंताणुबंधिसंतविरहियसम्मामिच्छादिट्ठी वा तेसिं मिच्छत्तगयाणं बंधावलिमेत्तकालं उदओ णत्थि ति। तम्हि काले मरणम्मि [ मरणं पि] णस्थि । ओरालियमिस्स-वेउव्वियमिस्स-कम्मइयकायजोगा णत्थि । पुग्विल्ल पंचमिच्छत्तभंगा उवरिम-छ-इंदियभंगेहिं गुणिया तीसं ३० । ते चेव छक्काय उवरिल्लछक्कायभंगेहि गुणियासीदी अधियसदं १८० । ते चेव उवरिल्लकसायचउभंगेहिं गुणिया वीसअधियसत्तसदा ७२० । ते चेव उवरिमवेद-तिभंगेहिं गुणिया सट्ठि अधिय इक्कवीससदा २१६०। ते चेव उवरिम-जुयलदोभंगेहिं गुणिदा वीसधिया तेयालीससदा ४३२० ते चेव उवरिमजोगदसभंगेहिं गुणिया तेयालीससहस्सा दुसदा य ४३२०० ।
पंचमिच्छत्ताणमेक्कदरं छहं एयदरं इंदिएण छक्काय-विराहेण सत्त चउण्हं कोह-माण-मायालोभाणमेक्कदरं ति चत्तारि । तिण्हं वेदाणमेक्कदरं हस्स-रई अरइ-सोग दुण्हं जुयलाणमेक्कदरं । एदे तस्सेव अट्ठारस उक्कस्सपञ्चया १८ । पुव्विल्लपंचमिच्छत्तभंगा उवरिल्ल छइंदियभंगेहिं गुणिया
Jain Education International
For Private & Personal Use Only
www.jainelibrary.org
| SR No. | 001937 |
| Book Title | Panchsangrah |
| Original Sutra Author | N/A |
| Author | Hiralal Jain |
| Publisher | Bharatiya Gyanpith |
| Publication Year | |
| Total Pages | 872 |
| Language | Sanskrit, Prakrit, Hindi |
| Classification | Book_Devnagari & Karma |
| File Size | 21 MB |